[أمير السلام]

يا شباب من المعروف ان 2008 الفل كامل فيه مواصفات زايدة عن الفل 2007 "" فرق بين السما والارض ""
ومن المواصفات مثلا: الجلد - التفون - مثبت السرعة - جنط 16 - عداد اوبترون .
لكن ابغي اعرف هالاشياء التالية هل هي موجودة ؟؟؟
- كم كيلو متر يقدر يمشيك البنزين الموجود بالتانكي " أو المتوسط "؟؟
- مقياس درجة الحرارة الجوي ؟؟
- شاشة معلومات في العداد ؟؟
واذا فيها مواصفات بعد ارجو ذكرها وشكرا..

[باهادي]

والله أنا ما عندي خبرة قوية في المواصفات الداخلية للكورولا 2007 و 2008 بالتحديد
لكن أعتقد والله أعلم إن السيارتين اللي من نفس الفئة ، تقريبا نفس الآداء
اللهم إلا بعض الحركات زي مثلا
الـ2008 فيها مثبت سرعه

إن شاء الله أحد من الشباب يكون محرب السيارتين يجي و يفيد

تقبل مروري

[أمير السلام]

مشكور يا كوكومان على الرد
اما بخصوص الـ 2007 الفل كامل عندي واعرف مواصفاتها
ام الـ 2008 انفكر ناخذ لاخوي وحدة بس نبغى نعرف مواصفاتها

[باهادي]

المشاركة الأصلية كتبت بواسطة السلالم

ام الـ 2008 انفكر ناخذ لاخوي وحدة بس نبغى نعرف مواصفاتها

أعتقد إنو مافي تغيرات في المكينة والبيرفورمانس
<*****<***** ناسي معنى البيرفورمانس بالعربي دحين ، لكنها بيرفورمانس - performance -

لكن في الشكل الخارجي و الداخلي
أكيد السيارة مختلفة في الشكل
وأنا أشوف انو الـ2008 أحلى

تقبل مروري
ومعليش ما قدرت أفيدك إفادة كاملة

[# الساحوت #]

إنشاء الله اصحاب 2008 يفيدونك

[العلم]

المشاركة الأصلية كتبت بواسطة السلالم

يا شباب من المعروف ان 2008 الفل كامل فيه مواصفات زايدة عن الفل 2007 "" فرق بين السما والارض ""
ومن المواصفات مثلا: الجلد - التفون - مثبت السرعة - جنط 16 - عداد اوبترون .
لكن ابغي اعرف هالاشياء التالية هل هي موجودة ؟؟؟
- كم كيلو متر يقدر يمشيك البنزين الموجود بالتانكي " أو المتوسط "؟؟
موجود في العداد كم يمشيك والمتوسط
- مقياس درجة الحرارة الجوي ؟؟
غير متوفر
- شاشة معلومات في العداد ؟؟
وضح قصدك
واذا فيها مواصفات بعد ارجو ذكرها وشكرا..

بصراحه سياره مريحة وتحسه مختلفة عن 2007 كشخه وفيها بلتوث تصميم داخلي شيء ثاني شوف جرب اركبه عند اي احد او روح للوكاله واركب الفل كامل جي ال 18

عندك كم واحد من العيال من يوم شفوه بصراحه اعجبوا فيه شكل بالذات الوجهه والجنوط و الجناح

ياعمي 2008 واغسل يديك من الباقي مع احترامي للجميع
حياكم ياشباب

[أمير السلام]

مشكور يا العلم على الرد والتوضيح..
يعني في الطبلون عند العدادات شاشة تبين الساعة واي باب مفتوح مثلا و درجة الصوت " المسجل " و ..
او اي شي ثاني
هل يوجد او لا؟؟

[العلم]

المشاركة الأصلية كتبت بواسطة السلالم

مشكور يا العلم على الرد والتوضيح..
يعني في الطبلون عند العدادات شاشة تبين الساعة واي باب مفتوح مثلا و درجة الصوت " المسجل " و ..
او اي شي ثاني
هل يوجد او لا؟؟

الله يسلمك اخوي
صحيح في الطبلون يبين الساعة واي باب مفتوح اما درجة صوت المسجل لا وعندك اضاءة الطبلون رهيبه كانه معك لكزس تقدر تقويه وعندك في الشاشه اذا كانت ماشي والبريك مرفوع تطلع رساله نصيه بالبريك وكذلك جرس انذار ماهو بس صورة علامة البريك يعني دلع

[باهادي]

المشاركة الأصلية كتبت بواسطة العلم

ياعمي 2008 واغسل يديك من الباقي

مو كانك طالب حرش
كااااااااااااااي
امزح
بس الجملة هادي خلتني افطس من الضحك

[أمير السلام]

مشكور على الرد مرة ثانية يا العلم
اذا كنت تمتلك هالسيارة لو تكرمت وتفضلت ترفق بالمنتدى صور العداد والمواصفات اللي فيه ..
وسؤال :المنبه بعد الـ 120 كيف صوته ؟؟ هل مثل 2007 ؟؟
وهل المسجل فيه كاسيت والله بس سيدي ويشغل mp3 أم لا ؟؟.

صحيح كثرت أسئلة بس السيارة مش لي !!!

[أمير السلام]

يعني في المنتدى بس واحد اللي عنده كرولا 2008 فل كامل
وين ردودكم يا شباب

[كورولا تشفيط]

السلام عليكم ورحمة الله وبركاته

شلونكم شباب !!؟


بالنسبه لأسئلتك أخوي ترى الكوكو ماشاءالله روعه من جميع النواحي وبجميع الموديلات بس صراحة 2008 (الإحساس الجديد) هذي كلام ثاني ولو أوصفها ماأدري وش أقول أو أخلي المهم نخش بالموضوع
%% أحترامي لكم ياراعيين 2007 %%

المهم,,,.
كم كيلو يقدر يمشيك موجود ومع متوسط الإستهلاك للبنزين ومتوسط السرعه والوقت إللي مر عالسياره من يوم شغلتها وكلها تقر تسوي لها ريستارت بالظغط على الزر الموجود على الطبلون وراح تتصفر العدادات ويرجع يحسب وقت التشغيل والمتوسط للإستهلاك والأشياء إللي ذكرتها أول , اما بالنسبه لدرجة الحراره فهي غير موجوده


مقاعد جلد .
مسجل CD إم بي 3 ويدخل 6 سيديهات من نفس المسجل مع خاصية تسجيل ارقام جوال وحفظها والإتصال عن طريق البلوتوث. بدون كاسيت .
نظام 6 سماعات داخليه ..( الطبلون الخلفي + الأبواب الأماميه + الركنيتين في الباب عند المرايتين الجانبيه){ صوت ولا أروووووووع}
تحكم بالمسجل والراديو عن طريق الدريكسون .
فتحة سقف.
شكل الدركسون والقير والبريك ولا أحلى .
الشاشه الموجوده بالعداد تبين صورة للسياره إن كان الباب مفتوح أو حتى الشنطه وتحدد أي الأبواب هو المفتوح مع وجود علامة تعجب بالوسط مابين عداد السرعه وظغط المكينه وبتظهر هالعلامه إن طفيت الموتر والتندا مفتوحه أو أحد الأضواء شغال أو الشمعات او إذا رفعت البريك والسياره ماشيه فوق سرعة الـ10 كم أو أي باب ينفتح .
المكيف اللمس والأضواء البرتقاليه وكل شي رووووعه.
الداخليه من مقابض بيبان وديكور مكيف ومسجل وفتحات تهوية المكيف ومنطقة زر رفع القزاز كلها مرشوشه لون رصاصي.


عندك الجنوط مقاس 16 والجنوط شبيهه شويتين بالأوروين من ناحية الـ10 أضلع وشكلها حلو وجاي متناسق مع الكورولا.

عيب المسجل إنه بدون ريموت .

الشبك الامامي جايه عليه خطوط بالنيكل.
الفليشر موجود بالمرايات الجانبيه.
الدرج الداخلي فيه منه إثنين. ( كأنك راكب إيكو ).
الجناح الخلفي برضو معطي خلفيتها منظر , مع إنه خلفيتها مش ولا بد وشكلها مو حلو من قريب اما لو تشوفها من بعيد والله تنحب .
الواجهه طبعا ً مافيها أي عيب وجاي شكلها صراحة أحلى من الموديلات القديمه تحسها كامري ولا ليكزس .
هالصور معليش توني منزلها وجات متأخره شوي بس حبيت أنزلها بالمنتدى وأتمنى إنها تعجبكم,.,
هذي صور الكورولا تبعي ....

[كورولا تشفيط]

أعذروني على الطرح الغير مرتب واللا منسق بس والله هذي أول مره احط رد طويل بهالشكل وأنزل صور وسامحوني عالإطاله والكلام إللي ماله داعي,,,.

ودمتم بود



بس تكفون إللي عنده تعليق عالصور أو أي شيء بالموضوع من جهة تنسيق أو طرح فياليت يراسلني عالخاص أو إنه يقدم لي النصيحه لأنه مثل ماقلت لكم غشيييييم واول مره اكتب رد أو موضوع

[أمير السلام]

مشكور يا كرولا تشفيط على الرد " كفيت ووفيت"
لكن في شغلتين :-
1- المنبه بعد الـ 120 " للسرعة " كيف صوته ؟؟ هل مثل 2007 ؟؟
2- اذا ممكن ارفاق صور للطبلون مع بيان مكان الساعة و استهلاك البنزين وبس ..

[كورولا تشفيط]

تسلم على ذوقك حبيبي ,,,.

بالنسبه للمنبه بعد سرعة الـ 120 كم/ساعه , فتراهـ يرن سبع مرات إذا ماخاب ظني وبعدها يسكت وماعاد يطلع صوت,وصراحة انا ماأعرف الصوت إللي بالـ 2007 ,بس إنه اللمبه الموجودهـ بالطبلون تكتب لك 120 باللون الذهبي وتجلس تأشر لك بشكل وميض.

أمـا مكان الساعه ياالغالي فهو يجيك تحت عداد ظغط المكينه وبتبين لك الساعه والباب أو الشنطه لو إنها مفتوحه ومتوسط إستهلاك البنزين وكم باقي للبنزين ومتوسط السرعه والوقت إللي كانت فيه الكوكو شغاله وكل هالأشياء يمديك تسوي لها ريستارت لو طوولت بالظغط عالزرار.
أمــــا بالنسبه لمقياس درجة الجو الخارجي فهو مش موجوووووود .

وهذي الصورة إن شاءالله بس تبين معاك وأبشر بصورها لك ثاني وإن شاءالله بحدد لك كل شيء موجود بالعداد .


وإنت تآمر أمر وعيوني لك ,,,.



[IMG]file:///C:/DOCUME%7E1/User/LOCALS%7E1/Temp/moz-screenshot.jpg[/IMG]