[أموني]

السلام عليكم

انا عندي GS430 2006 و ضايق خلقي حيل لأنها ما تشغل MP3 و لا DVD ألاقي حل حق مشكلة أقدر أطور المسجل بدون ما أغيرها و ماحبيت طريقة AUX أو أقدر أغير المسجل بدون الشاشة ؟؟؟؟


شكرااااااا

[ن ك م]

اخوي تشغل mp3

انا عندي موديل 2006 وتشغل mp3

تاكد من طريقة النسخ وتاكد ان مجموع الاغاني مايتجاوز 40 دقيقة


جرب نزل اغنية وحده على سيدي وانسخ الاغنية عن طريق برنامج محول الصوتيات

افضل من النيرو

[صااااااااااالح]

طيب اخوي ركب مشغل ديفيدي في الشنطة اطلق نوع بـ1200 ..

[أموني]

مشكور أخوي ما قصرت بس اذا حطيته بالشنطة معلومات الأغاني راح تطلع بالشاشة السيارة و لا يبيلها شاشة ثانية


شكرا

[لكزس في قلوبنا]

والله انا زيك مليت من سيديات Wave السيدي الواحد ماتقدر تحط فيه بالكثير 15 اغنية قصيرة

مافيه حل نقدر نخليه يقدر يشغل Mp3

[ن ك م]

اخواني انا يشتغل عندي mp3

بس غريبة انتم لا


تاكدوا من طريقة النسخ يااخوان

[أموني]

ن ك م

أخوي ن ك م تعرف يعني شنو mp3
اهو سي دي واحد يشغل فوق 400 أغنية

شكرا

[ن ك م]

لاياشيخ تصدق توي ادري

جاي تعلمني الله يهديك


ضحكتني وانا مالي خلق

[لكزس في قلوبنا]

اخوي ن ك م

اللى معك 2006 ؟؟

جربت اسويه لكن ماضبط شكلك مركب قطعة وامعدل شي؟؟

[أموني]

ن ك م علمنا اشلون تنسخ السيديات
اذا انت شاري سيارتك مستعمل يمكن اللي قبلك معدلها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ن ك م]

انا شاريها جديده من الوكاله

وماركبت شي ابداً


هي تدعم خاصيه mp3

بس لابد تتاكد من طريقة النسخ الصحيحه واختيار سيدي مطابق للي بالكتلوج


انا نسخت عن طريق برنامج محول الصوتيات الاصدار 5.5 على مااظن


وحسب ماسمعت ان الريل بلير 11 الجديد يدعم خاصية النسخ

ولكن لابد التاكد من الاعدادات الريل بلير قبل النسخ


واذا تبي سيدي من اللي عندي تجربه على سيارتك ماعندي مانع

[سفران]

يا حبايبنا
اسمعوا ما ينفعكم في دنياكم واخرتكم
والله القلوب في حاجة للي يلينها
والاغاني ما وراها الا الالم وقسوة القلب
الله يحسن خاتمتنا ويهدي قلوبنا ويحفظنا من مزالق الشيطان

[ن ك م]

^

مو شرط اخوي اغاني

ممكن محاضرات لشيخ عايض القرني ومجموعه من المشائخ

وممكن قران


مو شرط اغاني


وجزاك الله خير على النصيحه

[أموني]

مشكور أخوي ن ك م و آسفة على الازعاج
بس ياليت تقولي شنو نوع السيديات اللي تسخدمهم
انا جربت
SONY + TDK
CD -R

[ن ك م]

الشركه المصنعه : princo

cd-r

2× - 56X

80 min

[لكزس في قلوبنا]

اخوي ن ك م

كم اغنية في السي دي الواحد؟؟

معليش تحملنا شوي لاني ناوي اشتري ايبود مليت من نسخ السيديات

[محمـــــــد]

الي عرفته من خلال قراءة بعض المنتديات الأجنبية ان لازم تحولين كل ملفات ال MP3 الى DVD-A
وهذي عملية ممكن تاخذ وقت..... بس تقدرين تبحثين في النت عن طريقة تحويل MP3 الى DVD-A
الي عرفته ان DVD-A ممكن يستوعب نوعين من الملفات،، الستيريو العادي ( الي بقناتين صوت يمين ويسار )
في الصوت المحيط، الي يتكون من خمس قنوات صوت ( يعني كل ملف يكون فيه خمس قنوات للصوت، يمين يسار قدام، ويمين يسار خلف، وامام في الوسط ) وهذا ما يعرف بال surround sound.

تحتاجين بعض البرامج الخاصة حتى تحولين MP3 الى DVD-A
قاعد ابحث حاليا عن برنامج للقيام بالمهمة........

[وولد الشايب]

انا بعد يشتغل عندي mp3