[مدمن أسهم]

الله يعطينا خيرها ويكفينا شرها...

سيارة حلوة ما شاء الله بس لو هالشيين تتعدل كان زين..

1-

الشاشة.. اللي يسمونه theme يخليك تحس ان الالوان قديمة خاصة اذا انت تركب مع ناس معهم لكزس وعلى الالوان الجديدة

كأنك تعلب بلاي ستيشن وبعدين يرجعونك الى ال نينتيندو القديم والوانها ولا الوان الأتاري هههه

فابي اغيرها.. كيف؟ وكم بتكلف؟ باسأل في الوكالة بس ابي آراؤكم وهل فيه حلول غير حلول الوكالة؟

2- هل فيه طريقة ممكن اشغل فيها دي في دي ... بتطوير الشاشة الخ؟ ولا قضية الشاشة منفصلة عن قضية امكانية تشغيل الدي في دي؟

3- ابي اركب جنوط ال 430.... أو أي جنوط شبيهة وحلوة.... ومقاس جنوط ال 430 اعتقد اكبر يعني هي 18 بينما ال 300 17 اذا ما كنت غلطان ولا لا؟

هل فيه ضرر صدق ولا ان تحذيرات الوكالة في الكتيب مجرد حرص زايد من باب الاحتياط؟ مثل تحذيرات اخلاء المسؤولية الخ؟

هل فيها مشكلة؟ وكم بتكلف؟

أكيد بسأل الوكالة لكن ابي آراؤكم لو تفضلتم

والسلام عليكم

[ن ك م]

شوي شوي علينا هههههههههههه


بالنسبة للشاشة والله مادري ماعندي خلفية عن عنها


بالنسة لـ dvd ماتقدر تركب على الشاشة الموجوده لازم شاشه خارجيه


بالنسة للجنوط ماتقدر تركب جنوط 430 لاسباب كثيرة ومنها انه الكفر يصير يحك بالربل الموجود حول الكفر

[مدمن أسهم]

مشكور أخي الكريم...

وما قصرت

اتصلت على الوكالة تو وعطوني "مهندس" في قسم الاكسسوارات وقال تقدر تغير الشاشة ب 11 الف اعتقد...

قلت طيب والحل في الدي في دي؟ قال تغير الشاشة واللي تحتها ب 11 الف يعني موب الشاشة بس... الدي في دي معاه بيتغير..

بالنسبة للجنوط قال عادي تركب مقاس اكبر حق ال 430 بس بشرط يقول تركب حق ال 430 بالضبط زي ما هو ولا يكون اعرض ولا اكبر باي شكل كان... يعني زيه بالضبط اوكي...

سؤالي التالي

وين اقدر اسوي هالشي بارخص؟

[الشمااااالي]

بالنسبة للجنوط أرخص الجنوط التجارية وإذا ركبتها سلملي على سيارتك خلك على الأصلية واليابان أبخص
وبالنسبة للشاشة والـDVD ماعندي خلفية بس نصيحة خلها على شد بلدها
وبعدين وأنا أخوك القناعة كنز لا يفنى أقنع باللي عطاك ربك وأحمده أن معك لكزس جي أس 2006
وصدقني السيارات الفخمة حلاتها برسميتها وبدون إضافات وجنوط وخرابيط فاضية
وإذا تبي هالسوالف خلنا نتبادل بالسيارات ههههههههههههه
مع العلم أن سيارتي رسمية ماحطيت فيها شي
... تحياتي ...

[ن ك م]

اخوي تراء معك سيارة جديده سعرها فوق الـ190 الف

احمد ربك وخل عنك الخرابيط


سيارتي بشد بلدها موديل 2006 واللهم لك الحمد عال العااال


بعدين تتغير الشاشة والمسجل بـ11 الف علشان ديفيدي الله واكبر عاد يالديفيدي

شكلك طاف فيه تراء شهر وتمله


وبالنسبة للجنوط احد يركب جنووط تقليد وهو عندك اصليات تاصل قيمتهن لـ10 الالف ريال

ولا بعد يبي يركب جنوط تقليد على لكزس علشان بكرى لانعفط ولا انفقع كفر وانت مسافر وتكسر الجنط

وراح سيارتك وطي تعض اصابع الندم



اقول تعوذ من الشيطان وخل موترك مثل ماهو

ولا تراء تبي تتحسف بعدين