[أبونواف.]

السلام عليكم ورحمة الله وبركاتة
ياشباب الله يخليكم مشورة مستعجلة
قدر الله على وشريت كامري فل( بدون فتحة وجناح ) صراحة الجناح ما عجبني ونفسي في الفتحة
ورحت لمحل وقال افتحها خلال يوم واحد (24 ساعة ) ودفعت العربون ....مو مشكلة العربون
مع ان عليها ضمان سنــــ 10 ــــــوات الا اني متخوف انها تدخل حرارة او تسرب ماء او تنسم صوت تكفون قولو لي لا اتخسر فلوسي واتوهق) نبي الرد اليوم تكفون

واثر في نفسي موضوع الاخ أسفار (الظاهر إن تندة الكامري ليست معزولة ... فرن فوق رأسك ..)
الظاهر إن تندة الكامري ليست معزولة ... فرن فوق رأسك ..

تكفون قولو لي لا اتخسر فلوسي واتوهق) نبي الرد اليوم تكفون

[اسمي]

وعليكم السلام ورحمة الله وبركاته

ياخوي انا عندي رأي شخصي ..
والله انا ما أؤيد الفتحه نهائيا

لان بعضها " وهي نادر " بعد سنين تبدأ مشاكلها
هذي وهي من الوكاله
فما بالك محل بيفتحها وانا ما اعرف شغله ؟
حتى لو اعطاني ضمان العمر كله
لو فرضنا انها طلعت تهرب وشغله مو تمام ..
وش تتوقع راح يسوي ؟ بيلحمها ويرجعها مثل اول ؟؟
والا بيقعد كل شوي يسحب فيك ؟؟
بصراحه انا ما اؤيد نهائيا انك تفتحها عند محل ..
واذا نفسك فيها مثل ماقلت رح خذ لك سياره وكاله بفتحه
اضمن مليون مره بعد مشيئة الله

ارجع واقول هذا رأي شخصي بحت ^_^
" بصراحه ماكان ودي احبطك بردي المتشائم .. لكن العنوان له دور ^_^ "

والاكيد القرار الاول والاخير بيدك
اذا عزمت واستخرت توكل على الله وان شاء الله ماراح يخيب ضنك ^_^

الله يوفقك

[وسام]

اخي العضو اسمي نصحك وانا ارى ان نصيحته زينه عشان ما تلعب بالسياره ونصيحتي مثل نصيحته

[عااشق الكامري]

السلام عليكم ورحمة الله وبركاته
انا والله عندي نفس السؤال وايضاً
بكم سويت الفتحة
ووين موقع المحل
الي بتركب عنده الفتحة
تقبل مروري

[حـمـد]

اخوى نصيحه لاتركب الفتحه لان مع الايام والحر والشتاء يصير تنسيم مع مال الفتحات وبعدين يصير معاك تسربات مثل مطر او بتغسل السياره لان راح يجف ربلات مالت الفتحه مع الوقت وانشاءالله الشباب يفيدونك

[استاذ الكامري]

لـــــــــــــــــــــــــلا لا لا لا لا لا لا اتمنى تفهم قصدي<

[أبونواف.]

الف شكر للاخوان اسمي و وسام و استاذ الكامري و حـمـد

[صواير]

لا تلعب في السيارة

[أبونواف.]

الاخ عااشق الكامري

وعليكم السلام عليكم ورحمة الله وبركاته

انا والله عندي نفس السؤال وايضاً
بكم سويت الفتحة
ما بعد سويتها الى الان يا طويل العمر والى الان نستشير الاخوان
وعلى العموم بـ 3500 ريال
ووين موقع المحلالي بتركب عنده الفتحة
الدمام - شارع تويوتا ( الملك سعود )
محل السلام للفتحات والشاشات

[كااااامري اس اي]

نصيحة لا تسويها مو لأنها تدخل حرارة لأنها مو من الوكالة و أتوقع ما راح يظبطوها

رأيي أنك تزيد شوي و تآخذ جي ال اكس بفتحة

تحياتي ....

[عاشـــق اللاند]

السلام عليكم

اخي الكريم والله نصيحه لوجه الله دام السياره جايه بدون فتحه مالها داعي وانسى المحل يضبطها لك اذا هي عاجبتك روح بيع السياره وطلعها بفتحه ترا الزياده راح تكون بسيطه وحرام الموتر توه جديد يلعبون فيه

[أبونواف.]

اخوي كااااامري اس اي للاسف انا قد شريت الـ GLX
واستخدمتها ولا اقدر ارجعها او ابيعها وعاجبتني
ونفسي في الفتحة وعليها ضمان سنـــ 10 ـــوات
والسيارة ما راح تقعد عندي سنـــ 10 ـــوات اذا جلست 5 سنوات واجد
نبيى نسمع راي المزيد من الاخوان

[استاذ الكامري]

شوف انا معايا موديل 98 فكرت افتح فتحه واعرف واحد معاه 2002 قالي انا فتحت الفتحه في الوكاله ولا زبطت وهذ سبب بيع موتري
واستخرت ربي وبطلت من الفتحه
ونصيحه مني لك اتركك من الفتحه

[أبونواف.]

مشكور اخوي صواير

[ابوشامه]

ولله ياخوي


مانقدر نزيد على كلام الاخوان


انت الى تبيه سواه واستخر الله قبل كل شي


وتوكل

[كمورة القمورة]

تبي نصيحتي من اشخاص مجربين توكل على الله وسوها والله ثم والله ان شغل السلام محترم وعلى فكره روح حق التوكيلات والجميح والفورد وشوف وين يقصون الفتحات بتعرف انها مقصوصه عند مجموعة السلام

وذا تبي افيدك اكثر شوف العضو الصقر الابيض قاصها عند مجموعة السلام وسأله وربي طالعه جنان على سيارته

ولاتنسى ان وكالات وايد تتعامل ويا مجموعةالسلام

ونا ماقلت هذا الكلام اله من واقع تجربه

وانت باحتك