[متيم الكامري]

السلام عليكم ورحمه الله وبركاته

من زمان ما نزلت موضوع وها موضوع انشاء الله الكل يستفيد والسبب اني
( بديت قبل اسبوع اخون الكامري والتوجه الكامل للالتيما 2008 )
بس قلت لا لا لا لا لا لا لا لا لا لا


ilove camry for evar



انشاء الله انها تكون اخر مرة افكر في الاتيما ههههههه

# ودنا بمقارنه عادله بين الثلاثه من اقوى السيارات اليابانيه .. طبعا بدون تعصب معليش شباب

1- الكامري 4 سلندر

2- التيما 4 سلندر

3- اكورد 4 سلندر

لازم الكل يعرف انه ما في سياره كامله .. لو لا اختلاف السلع لبارت السلع
كل سياره فيها مميزات + عيوب .. والكمال الله سبحانه

لكن ودنا نعرف مميزات كل سياره من ناحيه
1- القوه والقومه
( راي الشخصي اقواهم الالتما 4 سلندر ثم الاكورد 4 سلندر ثمن الكامري 4 سلندر )

سعر السياره جديدة
1-الاغلى الاكورد
2-الكامري
3-الاتيما
متعه القياده والراحة
افضلهم متعه بالقياده الاكورد وثم الالتما واخيرا التويوتا
والسبب كلما تعددت الازرار وزاد جمال النوار بالييل من الداخل
والصوت الصافي

القربعه وتحمل المطبات
اكثر السيارات هربده وتقربع بسرعه وتفكك
النيسان بشكل عام ....
والتويوتا تتحمل ما شاء الله ما تفكك بسرعه
الهوندا ما عندي علم لكن ما ضنت تتحمل مثل التويوتا اعتقد بين التويوتا والالتما

السعر بعد البيع
إلى يسمك معاه سعره التويوتا
والهوندا ايضا
للاسف الالتما ما تجيب سعر بعد البيع والنيسان عموما

قطع الغيار
ارخصهم التويوتا بكل تأكيد
اما النيسان والهوندا في قطع غيارهم اعتقد برأي الشخصي ان النيسان اغلى .. مع اني معلوماتي عن الهوندا قليله بشكل عام

التحمل
1-الكامري
2- الاكورد
3- الاتيما

الفخامه الداخله
1- الكورد
2-التيما
3-الكامري

طول عمر القطع وتحمل قطعها
1- الهوندا
2- التويتا
3- النيسان

الشكل الخارجي
طبعا هذه المسأله ذوقيه بصراحة
لكن اترك الموضوع لكم ... بصراحة كلهم اشكالهم احلى من بعض
الحلى : الكامري se اه يالكامري مجننتني

عدد النجوم :
الكامري 4 نجوم
الكورد 4نجوم
الاتيما 3 نجوم

طبعا ودي الكل يقول رايه وعن كلامي
هذه رأي شخصي
لكن ودي الكل يحط العناوين الحمراء
ويطرح رأيه من غير اي تعصب ..
كل واحد له وجة نظر
وشكرا

وشكر خاص لعاشق اللاند

[استاذ الكامري]

بآختصار اكوووووووووورد لون فيراني والى الي يجي ذهبي
فل كامل بس 4 سلندر <*****<*****<*****< انا ناوي عليها بس موديل 2009 انشالله

[متيم الكامري]

الله يوفقك وتطلع احسن منها

[كااااامري اس اي]

مشكور على الموضوع و الله بصراحة خطييييير

الناس أذواق و أنا بصراحة شفت الألتيما 6 سلندر الفل في الوكالة من الداخل مرررة ما عجبتني بس من الخارج

آآآخ يا قلبي ما شاء الله مرة خطيرة .

الفخامة الداخلية :

1 - أكورد

2 - كامري

3 - ألتيما

تحياتي ...

[وسام]

الله يا جمااعه القرد في عين امه غزال والكموره غزال واحسن من الباقي

[عاشـــق اللاند]

السلام عليكم

والله اني افرح اذا شفت مواضيع مقارنات وانا عجبني موضوعك لانه بدون عنصريه وتحيز

وانا راح اعطيك مقارنه من واقع تجربه

واتمنى ان اكون قطعت الشك باليقين

=====

ولد عمي عنده كامري 2005 جراندي فل اوبشن العداد 150 الف مكروف لين قال بس لكن لو تتمشى فيه تقول امس طالع من الوكاله ماشاء الله قوي ومتماسك

ونفس الشخص يملك هوندا اكورد 2005 (4 سلندر) عدادها 60 الف لكن لو تتمشى فيها تحس انها سكراب بالعلم انها مدلعه ولاجاها كرف

والالتيما عند شخص عزيز علي من احد اقاربي والله موديل 2005 (4 سلندر) اذا تمشيت فيها تسمع اصوات وتباديل القير فيها طقه قويه
وعندي صديق لي يملك التيما 2004 ماشي فوق ال100 الف والله اني اذا ركبتها اني ودي انزل رجفه وهزه موطبيعيه لدرجه اني اكره السيارات هذي

انا عندي كامري 2002 والله انها ابرك من السكاريب اللي ذكرتها لك

انا ماني عنصري لكن العجيب بالامر ان التيوتا بشكل عام اذا حافظت على الصيانه يعيش معاك ويضل قوي ومتماسك على عكس باقي السيارات

وصراحه انا اقولك توكل على ربك وخذ لك تيوتا بدون تردد

والعفو وشكرا لك على المووضع الجميل

[كمورة القمورة]

نصيحتي لك اكورد فل اوبشن اللون اسود

[مجووووووود]

والله مقارنتك بالصميم والي عيب الكامري بعض الاخطاء المصنعيه الي يقول ابو جميل وياه مهندسينه انها طبيعيه

[حربي اهلاوي]

بصراحه انا اكره الكامري لكن احبها


اكــرهـها و اشــتــهــي وصــلــهـــا و انـنـي احــب كــرهـــي لـــهــا

[قووقل]

الكامري = تحمل
الهوندا = فخامه
الالتيما = قوووهـ

واللي معه تايوتا ترا معه تاج السيارات
مشكوور خيو على الموووضوع

[عازف الطاره]

السلام عليكم
مشكوور اخوي على الموضوع المميز والمفيد للأن بعض الاعضاء يجهل مواصفات سيارته ولا يدري ما هي الافضل بين السيارت(نوعا ما منهم)
وكلام مشرفنا الغالي 100%صح
وهذي المقارنه

ملاحضه مهمهلاتنسو ان الاوريون النسخه المطوره من الكامري ومع ذالك نقارن بالكامري وايضا الموديلات(2006-2005)لايدخل نوع جراندي الى السعوديه ومع ذالك نقارن بالـGLI ولو قارنها بكل مواصفاتهاباح تكون الكامري متفوقه من جميع النواحي الايجابيه)


1-سعر السياره
صح كلامك100%

2-متعة القياده والراحه
أ-الاكورد
ب-الكامري(راجع كلام اخوي(عاشق)لتأكد)
جـ-التيما

3-القربعه وتحمل المصبات
القربعه والهربده
أ-الاكورد
ب- النيسان
جـ-الكامري (والله ياشباب ولد عمي عنده كامري 2006 1-كل يوم يداوم فيها.2-(يمكن ماتصدقون) والله ياشباب انه بعد كل فتر ينسم الكفرويرووح يطعس فيها 3- اللي يسكنون جنوب المملكه او اللي يعرف تهامه بالتحديد مكان اسمه(الخيطان) إذا كان عنده اجازه يرووح هذا المكان طبعا المكان تمشي على رمال وشويه على حجران وجميع انواع الطرق الوعره وما شاء الله ماشيه زي الحلاوه)
والتحمل العكس

4-السعر بعد البيع
التايوتا يمسك سعره (ماشاء الله)
ويليه النيسان
والاكورد نهائيا ما يمسك سعره وانا متأكد من كلامي

5-قطع الغيار
الاغلى
أ- الاكورد (معروف)
ب_ النيسان(ماهو بعيد عن الاكورد)
جـ-الكامري

6-التحمل
أ-الكامري (ولذالك هي مرغوبه عند الليموزينات(اتوقع هذا السبب يكفي))
ب-الاتيما
جـ- الاكورد(راجع كلام مشرفنا الغالي)

7-الفخامه الداخليه
أ- الكامري إذا كانت جراندي-اوريو
ب- الاكورد
جـ- مع احترمي لشركة نيسان اولاحظ عدم معرفتهم بترتيب الديكور او التنسيق

8-طول عمر القطعوتحمل قطعها
صراحه ما عندي خلفيه 100% بس عندك كلام مشرفنا يكفي ويوفي

9-الشل الخارجي
بالنسبه لي
أ-الكامري
ب- الاكورد
جـ- الاتيما

10-عدد النجوم
أ-الكامري (هذا طبعا من دوون المقارنه بالوريون او بالجراندي
ب- الاكورد
جـ-الاتيما
(هذا طبعا من دوون تحييز على الكامري بس انها صراحهمبدعه من اغلب انواحي)



وشكرا

[متيم الكامري]

ماشاء الله
الردود تفرح ان كل من الشباب اعطانا رائيه بكل صراحه وتسلمون

[عاشـــق اللاند]

توكل على الله وماجاك بوجهي مافي على التيوتا

[عمرين العمري]

الأكورد ماعليها كلام وهو أفضل من الكامري في كثير من النواحي لولا غلاء قطع الغيار النسبي و السعر الطيب عند إعادة البيع

[متيم الكامري]

رائي اخر تسلم