النتائج 1 إلى 7 من 7

الموضوع: وبعدين مع الكمبرسر !!

  1. #1
    عضو جديد
    تاريخ التسجيل
    May 2013
    المشاركات
    33
    معدل تقييم المستوى
    0

    استشاره وبعدين مع الكمبرسر !!

    السلام عليكم ورحمة الله وبركاته

    سيارتي لكزس جي اس 460 موديل 2011 طبعا بعد فتره من شرائها صار الكمبرسر يبرد اذا مشيت ويرطب الهواء اذا وقفت ماخليت ولاورشة ما استشرته الكل اجمع انه الكمبرسر خربان وغيرته في ورشة ترايستار متخصصه في مجال المكيفات وكلفني تغيير الكمبرسر اصلي وكالة مع تنظيف المواصير 5000 ريال كان في بداية الامر المكيف لايعلى عليه بروده عاليه لكن بعد تقريبا سنتين رجعت السياره على نفس مشكلتها الوضع صدمه بصراحه ماتوقعت انه بيخرب في هالفتره !!

    الان بحثت عن الحلول فكرت اركب اصلي وكاله وبعدين شفت فيه كمبرسر شركة دنسو وترددت اركبه خصوصا ان سعره ارخص بكثير من الموجود فالوكاله ! بعدها فكرت اني ارهم وابعد عن وجع الراس لاني مابي اخسر اكثر من كذا لقيت ورش ترهم لكمبرسر كامري واستشرت محل متخصص في لكزس قالي ابعد عن الترهيم كمبرسر الكامري مايدوم على حجم سيارتك 460 سألته عن كمبرسر ثاني ممكن يركب قال انصحك تركب حق الوكاله لو ان سيارتك 430 ممكن ارهم لها لكن سيارتك الترهيم مايطول معها .

    انا بصراحة بعد الحوسه اللي سمعتها محتار وش الحل الانسب اللي يخدم معي فتره طويلة اتمنى تفاعلكم ويكون التفاعل من واقع تجربة لاني مو ناقص خساير ثانيه
    .
    التعديل الأخير تم بواسطة لكزس جي اس 430 ; 08-05-2016 الساعة 02:06 PM

  2. #2
    عضو لامع الصورة الرمزية AR_REEM
    تاريخ التسجيل
    Jul 2010
    المشاركات
    5,818
    معدل تقييم المستوى
    14

    رد: وبعدين مع الكمبرسر !!

    وعليكم السلام ورحمة الله وبركاته



    أولا الحمد لله على كل حال

    ثانيا والغريب كيف الكمبروسر خرب مره ثانيه !! فيه شيء غريب

    ممكن نقول الأول عيب مصنعي أو سوء استخدام أو أو لكن يخرب الكمبروسر الثاني

    احتمال فيه شي هو اللي يخرب الكمبروسر ولازم تفحص عند متخصص لضمان أن مافيه شي عطلان .

    بخصوص أنواع الكمبروسر والتركيب أولا ابعد عن الترهيم لان مشاكله كثيره ولا هو مخصص لسيارتك

    كمبروسر الكامري هو الأسوء ودائما يخرب مع ملاك الكامري 2007-2011 والأوريون أيضا

    بالنسبه لــ كمبروسر دينسو اللي حصلته هو نفس الكمبروسر حق سيارتك !!

    دينسو هي اللي تصنع الكمبروسر , بواجي , محولات زينون , دينمو الكهرب وعدة أشياء

    الفرق بين حق الوكاله ودينسو هو الشعار فقط !! والوكاله غالي جدا مثال :

    كمبروسر الكامري وكاله بــ 1800 ريال وعند دينسو بــ 900 ريال تقريبا أو أقل وكلهم نفس بعض .

    قبل لاتشتري وتتخذ أي خطوه خذ رقم الكمبروسر الاصلي حق سيارتك ومن ثم قارنه مع دينسو

    لضمان أنه نفس الحجم والرقم وكل شيء .



    بالتووفيق ولاتنسى تحدث الموضوع بكل شيء يسير معك ليكون مرجع للأخرين

  3. #3
    عضو سوبر الصورة الرمزية ابو نادر 511
    تاريخ التسجيل
    Dec 2012
    المشاركات
    262
    معدل تقييم المستوى
    3

    رد: وبعدين مع الكمبرسر !!

    غير البلف وافحص المواصير من السدد وغير الفلتر
    وخله يركب شغله على نظيف مايركب على مواصير وسخه
    لان الفلتر بتسكر من الوسخ وكذالك البلف ويخرب الكمبروسر او يفجر الدائرة مثل حصل معك موخرا

    وفقك الله

  4. #4
    عضو هام
    تاريخ التسجيل
    Jun 2015
    المشاركات
    481
    معدل تقييم المستوى
    2

    رد: وبعدين مع الكمبرسر !!

    انا بذكر لك مشكله كانت تجيني نفس ماتجيك لكن كانت تجيني على فورد موديله 2003 طبعاً مثل وصفك بـ التمام اذا مشيت خذ تبريد واذا وقفت انوع الرطوبه لين كرهت السياره .. وبعد مامريت اكثر من محل كلن افتى بما عنده اللي يقول ناقص فريون واللي يقول كمبروسر واللي يقول ثلاجه و و و المهم اني رجعت ماسويت شي وبديت ابحث عن المشكله في النت ولقيت ان المشكله هي كتاوت خاص بتنظيم تشغيل الكمبرسر وكان اذا السياره تمشي يعطي امر تشغيل لأن الكمبرسر يدور بسرعه واذا وقفت يطول مايبلغ حبيبنا الكمبرسر عشان يشتغل لأن المحرك دورانه بطيء قمت و غيرته ومن وقتها ولله الحمد لو اوقف ساعتين ماتختلف درجة البروده ...


    عشان كذا تأكد من الكتاوت حق التكيف الكمبرسر دامه يبرد اذا مشيت فـ هو مافيه اي مشكله بتاتاً المشكله تلقاها عندك كهربائيه بحته .. وسلامتك

  5. #5
    عضو سوبر الصورة الرمزية ابو نادر 511
    تاريخ التسجيل
    Dec 2012
    المشاركات
    262
    معدل تقييم المستوى
    3

    رد: وبعدين مع الكمبرسر !!

    اقتباس المشاركة الأصلية كتبت بواسطة لكزس جي اس 430 مشاهدة المشاركة
    السلام عليكم ورحمة الله وبركاته

    سيارتي لكزس جي اس 460 موديل 2011 طبعا بعد فتره من شرائها صار الكمبرسر يبرد اذا مشيت ويرطب الهواء اذا وقفت ماخليت ولاورشة ما استشرته الكل اجمع انه الكمبرسر خربان وغيرته في ورشة ترايستار متخصصه في مجال المكيفات وكلفني تغيير الكمبرسر اصلي وكالة مع تنظيف المواصير 5000 ريال كان في بداية الامر المكيف لايعلى عليه بروده عاليه لكن بعد تقريبا سنتين رجعت السياره على نفس مشكلتها الوضع صدمه بصراحه ماتوقعت انه بيخرب في هالفتره !!

    الان بحثت عن الحلول فكرت اركب اصلي وكاله وبعدين شفت فيه كمبرسر شركة دنسو وترددت اركبه خصوصا ان سعره ارخص بكثير من الموجود فالوكاله ! بعدها فكرت اني ارهم وابعد عن وجع الراس لاني مابي اخسر اكثر من كذا لقيت ورش ترهم لكمبرسر كامري واستشرت محل متخصص في لكزس قالي ابعد عن الترهيم كمبرسر الكامري مايدوم على حجم سيارتك 460 سألته عن كمبرسر ثاني ممكن يركب قال انصحك تركب حق الوكاله لو ان سيارتك 430 ممكن ارهم لها لكن سيارتك الترهيم مايطول معها .

    انا بصراحة بعد الحوسه اللي سمعتها محتار وش الحل الانسب اللي يخدم معي فتره طويلة اتمنى تفاعلكم ويكون التفاعل من واقع تجربة لاني مو ناقص خساير ثانيه
    .
    اذا الكمبرسر باقي راكب وزي وضعه الاول شغل مراوح التبريد دايركت عندي اي كهرباي بدون تقطيع وتوصيل قله كذا وهو يفهم

    وجرب هل يبرد المكيف ولا لا اكيد راح يبرد وبلغى هنا نكمل الخطوات

    واذا الكمبرسر لايعمل الان طبق الخطوات في الرد السابق

  6. #6
    عضو جديد
    تاريخ التسجيل
    May 2013
    المشاركات
    33
    معدل تقييم المستوى
    0

    رد: وبعدين مع الكمبرسر !!

    اولا احب اشكركم على تفاعلكم

    بالنسبه لكلام الاخ AR_REEM

    للاسف وانا اخوك ان السيارات الجديده اصبح الكمبرسر فيها كهربائي بمعنى انه اكثر اعطال وهذا اللي صار معاي صحيح قد يكون معمر مع البعض لكن المسأله حظوظ وحالات نادره دخلت شركة ترايستار المتخصصه فالتكييف لقيت اغلب السيارات موديلات الحديثه وكان النصيب الاكبر لسيارات تويوتا السبب في ذالك الكمبرسر الكهربائي الذي اصبح في وجهة نظري قطعة استهلاكية للاسف !!

    الاخ ابو نادر 511

    الوضع الحالي مايفيد تقريبا الكمبرسر باي باي فحصت ضغط الكمبرسر وقالي ان فيه ضعف


    الاخ ابو فهد ..

    كلامك على العين والراس ويمكن يكون حل بس مع غيري للاسف ضغط الكمبرسر مودع ماني عارف هل الكتاوت اللي تقصده ينظم ضغط الكمبرسر اذا له علاقه بروح اغيره .


    الاخ ابو نادر 511

    المراوح شغاله مافيها عطل بشوف وضع الكتاوت وان شاء الله خير مع اني متشائم .



    # من خلال البحث ولكي تعم الفائده للجميع الكمبرسر في سيارات تويوتا ولكزس الحديثه والسيارات الاخرى كمبرسر يعمل كهربائيا وعيب هذا الكمبرسر انه حتى في وضع عدم تشغيل المكيف يبقى يعمل !! والملاحظ في هذا النوع من الكمبرسرات انه لايفصل يبقى شغال وهذا الشي يقصر من عمره الافتراضي للاسف

    الحل ترهيم كمبرسر قديم بنظام كلتش من مميزاته بروده عاليه وعمره اطول بكثير من الكهربائي وعيبه يسحب من عزم السياره واشوفه شي عادي بالنسبه لي لاني ابحث عن الجوده وتهمني كثير .

    لقيت كهربائي كويس تناقشت معه على موضوع الترهيم قال عادي ارهم لك طبعا افضل الكمبرسرات القديمه كمبرسر الكامري 2002 الكل اجمع انه ثلاجه ماشاء الله كلمته بخصوص تركيبه لكن قال مايركب للاسف وقالي البديل كمبرسر برادو 2007 على كلامه يقول انه نفسه بس ميزته انه يركب على سيارتي .

    اللي عنده فكره او يدلني بحل افضل اكون له شاكر ومقدر ولاخلا ولاعدم

  7. #7
    عضو نشيط
    تاريخ التسجيل
    Aug 2005
    المشاركات
    75
    معدل تقييم المستوى
    8

    رد: وبعدين مع الكمبرسر !!

    من اسوء المشاكل تقابل في السيارة التكييف .

المواضيع المتشابهه

  1. المكيف يفصل يحتر 10 دقايق ويبرد دقيقتين, احد قد غير بلف الكومبرسر ؟
    بواسطة حسبي على الظالم في المنتدى أفالون AVALON
    مشاركات: 9
    آخر مشاركة: 08-13-2014, 08:49 AM
  2. لاهنتووووو سعر الكومبرسر حق الاوريون 2007
    بواسطة Al-GhAmdiii في المنتدى اوريون AURION
    مشاركات: 5
    آخر مشاركة: 06-29-2013, 09:28 AM
  3. مشكله في الكومبرسر
    بواسطة ballst في المنتدى برادو PRADO
    مشاركات: 10
    آخر مشاركة: 08-15-2012, 04:31 PM
  4. كم سعر الكومبرسر كامري 2009 ؟؟
    بواسطة سلطان حايل في المنتدى قسم الاستفسارات
    مشاركات: 2
    آخر مشاركة: 04-11-2012, 10:53 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن تويوتا العربية
منتديات تويوتا العربية هي لمالكي ومحبي سيارات تويوتا ولكزس ولا يمثل الموقع شركة تويوتا المالك الرئيسي لعلامة TOYOTA ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر