[روح الأمير]

شباب انا عندي جي اس 430 موديل 2007 يوم اجي افتح الباب يفتحلي باب واحد بس اللي هو الرئيسي كيف اخلية يفتح البيبان كلها انا واحد قالي في طريقه بالريموت بس ما عرفتها ياريت الطريقة
بارك الله فيكم

[روح الأمير]

معقولة محد يعرف ........

[ن ك م]

ايه اخوي صارتلي


الوكاله وانت واقف عندهم يعلمونك


لاني والله ناسي

[ليكزي]

اليك الحل مباشرة من كتيب دليل المالك .. تفضل:



تحياتي
ليكزي

[ولهان لكزس]

مرحبا يا اخوان
الصراحة حاولت اطبق الطريقة وما زبطت معاي ، ممكن الله يخليكم احد يشرحها لي خطواتها بالظبط اذا جربها في سيارته.
(يمكن انا بعد مافهمت الخطوات صحيحة اللي مكتوبة في دليل المالك) يعني ما ادري لازم يكون زر التشغيل مفتوح ومشغلة العدادات أو لا ، وهل لازم يكون الباب مفتوح او لا ، ومافهمت اللي نضغطه ايش ! هل هو الزر اللي يفتح الأبواب او اللي يقفلهم وكيف يظل مضغوط زر فتح الأبواب 5 ثواني في نفس الوقت اللي يكون زر الإقفال مضغوط؟
ارجو المساعدة ياشباب

شاكر ومقدر تعاونكم

[ليكزي]

هلا أخوي "ولهان لكزس" ..

شوف الله يسلمك

خطوة رقم 1 .. افتح الباب و خل مكينة السيارة مسكرة .. طبعا لا تشغل العدادت ..

خطوة رقم 2 .. طنشها ، لان سياراتنا في الخليج بعجلة قيادة يسرى ..

خطوة رقم 3 .. خذ المفتاح الذكي .. اضغط باستمرار "خليك ضاغط" على زر قفل الباب .. ثم اضغط اما على زر فتح الباب أو زر فتح صندوق الأمتعة الخلفية أو زر جرس الإنذار ، لمدة 5 ثوان فقط "عد من واحد لين خمسة وارفع اصابعك" ..

بعد ما تنجح الخطوة لازم تسمع رنة او عدة رنات من خارج السيارة و داخلها ، وكل وحدة منهم تعني شغلة معينة كما موضح في الجدول اللي في الصورة ..

و اذا كنت تود تغير وظيفة فتح قفل الابواب .. كرر الخطوة 3 ..

ان شاء الله يكون شرحي واضح و تضبط العملية .. واسمحوا لي على القصور ..

تحياتي
ليكزي

[ولهان لكزس]

اشكرك اخوي لكزي

[ولهان لكزس]

ان جربتها اخوي ليكزي وزبطت معاي.
مشكور وماقصرت والله يعطيك الصحة والعافية .

بس انت نسيت ما قلت لي ان اذا ركبت السيارة لازم تغلق الباب بالأول قبل ماتضغط الأزرار لأن ماتزبط والباب مفتوح .

تحياتي

[الهزيم]

والله انا عندي حركه لقيتها بدون ما ارجع لدليل المالك
الاولى اذا كنت تبي تقتح الباب ومعك ناس بيركبون دخل اصبعك في يد الباب اللي ورا وطلعها علطول الابواب كلها راح تنفتح
الثانيه بالنسبه الى الريموت انك تبغي تفتح الابواب كلها عن بعد اضغط على الريموت ضغطتين او ثلاث راح تنفنح الابواب كلها
وفي كمان لو تعلق على زر الفتح راح تنفتح الدرايش كله مع فتحت السقف والعكس صحيح