[عـــمـــر]

السلام عليكم ورحمه الله وبركاته :
أنا ضيف وعضو جديد في هذا المنتدى الرائع (الجوهره) وأتمنى إني أكون خفيف عليكم
في المستقبل القريب بإذن الله راح أشتري سياره ومحتار بين أفلون فل كامل أو Es300
واللكزس صراحه عاجبتني لكن
أتمنى تفيدوني انواع اللكزس Es من أعلى درجه إلى ادنى درجه
مع إيضاح مافي السيارة من جنوط أنواعها والشاشه والفتحه مع بيان الأسعار
وأبي رايكم لاهنتم بين الافلون واللكزس
أتمنى أن تنذون طلبي فضلا لاأمرا ,,

مشكوووووورين

[ابو المناصير]

هلا وغلا فيك اخوي عمر وحياك الله
بالنسبة للسيارة اود ان اوضح شي السيارة الآن صار رقم فئتها من عام 2007 م Es350 وليس Es300
اما بالنسبة لسؤالك السيارة تجي ثلاث فئات
1- فئة رقم واحد وهي اللي تجي سقف بانوراما مع نظام ملاحة ودي في دي مع نظام صوتي متميز مارك ليفنسون اضافة الى 14 سماعة بالاضافة الى الجنوط شكله احلى.
2- فئة رقم اثنان وتجي فتحة سقف عادية مع نظام ملاحة ونظام صوتي عادي وبدون دي في دي والجنوط عادية.
3- فئة رقم ثلاثة وهي تقريباً نفس الفئة الثانية لكن لايوجد بها نظام ملاحة.

ارجو اني اكون افدك وسامحنا على القصور

[عـــمـــر]

أبو المناصير ماقصرت وبيض الله وجهك
لكن لاهنت تعطيني أسعار الفئات

[ابو المناصير]

والله اخوي الاسعار تختلف في الوكالة عن المعارض
بالنسبة لعبدللطيف جميل
1- فئة رقم واحد تقريباً سعرها 170000 ريال.
2- فئة رقم اثنان تقريباً سعرها 157000 ريال.
3- فئة رقم ثلاثة تقريباً سعرها 145000 ريال.
اما في المعارض تفرق تقريباً 10000 في كل فئة ارجوا اني اكون افدتك

[مطشم]

والله كل مالها يزيد سعرها وش سالفتها قاهرتني
المشكله ودي اطلع بس خايف يتغير شي