[كامري أبيض]

السلام عليكم ..

كيف حالكم .. وش أخباركم ..

زي العادة مانستغني عن آرائكــم وخبراتكــم ..

أنا إن شاء الله نهاية الأسبوع الجاي واللي بعـده بسافر ...
فـ ودي أسأل .. عن وجهية الموتر وش أرشها علشان الغبار مايأثر عليها ..

وخصوصاً أني رايح لمناطق صحراويه على الخط ،، الأسبوع الجاي للقصيم ،، واللي بعده إن شاء الله البحرين ..

وأنا والله خااايف تأثر على الوجهية وخصوصاً للبحرين ..
فـ ننتظر أرائكــم فقــط اللذين جربوا !!!!

[نبضي الكامري]

شخصياً انصحك بتفصيل برقع ركبه وقت السفر على الطريق بس وإذا وصلت فكه لكنه بيشغلك بفكه وربطه

اقتراح ثاني التغبيره طريقه تقليديه لكنها مفيده .. اما البخاخ اللي هابين فيه العالم ما عجبني لاني جربته طلع كلااااام ..

اجازه سعيده

[كامري أبيض]

المشاركة الأصلية كتبت بواسطة نبضي الكامري

شخصياً انصحك بتفصيل برقع ركبه وقت السفر على الطريق بس وإذا وصلت فكه لكنه بيشغلك بفكه وربطه

اقتراح ثاني التغبيره طريقه تقليديه لكنها مفيده .. اما البخاخ اللي هابين فيه العالم ما عجبني لاني جربته طلع كلااااام ..

اجازه سعيده

الله يعـطيك العافية ..

بس ياخي البرقع .. اخاف مع السرعة يتقطع ،، ويضرب في البدي ،، وبعدين يخرب علي ..

وبصراحة فكرة التغبيرة .. فكرة حلوووه ..

وأعرف ناس يرشون يسمونها (( تشميع )) وهي طبقة شفافة .. تغطي البدي ،، بس تكون واضحه

وهي تجمع الغبار على البدي ..


ننتظر آراء الجميع ..

[ي ا ك]

انصحك ياخوي بتجاليد الوكاله على الوجه كامل ولصق بشطرطون الشفاف ودبله علشان مايطير نصيحه اسال مجرب

[ملفت أنظار]

مالك الا التغبيرة

[كامري أبيض]

الله يعـطيكم العافية ...مشكورين ..

[عاشـــق اللاند]

رش تغبيره وادعيلي

[كامري أبيض]

مشكور ياعاااشق ..

وأنا إن شاء الله .. في رشة تسمى (( تشميع )) ولونها أبيض شفاف .. يمدحونها ،، وناوي أسويها .

[متيم الكامري]

برقعها
برقع ملكي

[داجـ]

حط تغبيره ولا تشميع

[محمد المطلق]

كيف تجليد الوكاله؟ وكيف التشميع

[ابو نظاره]

انصحك تحط ملمع بوية

[الهوى الغايب]

رش تغبيرة احسن

[كامري أبيض]

مشكورين ياشباب ..

وتنصحوني .. يعني أرشها تغبيرة ..

[كااااااااااامري]

مراااااحب
بالنسبه لتغبيره اسمع انها مش كويسه
والبرقع انا مستخدمه شخصيا مع السرعه يرتفع كانه بيطير يعني غثا لاكن لو بتهدي حلوووو جدا وانا مفصله عند السماعيل ب 130 تقريبا
ووالشئ الي اسمع انه افضل شئ شامبو لادموع بعد اليوم يقولون انه خطيييييييييييييير
بالنسبه لطريق القصيم انشاء الله مامنه خلاف اما البحرين احرص على الوجه
وتوصل بالسلامه

[كامري أبيض]

المشاركة الأصلية كتبت بواسطة كااااااااااامري

مراااااحب
بالنسبه لتغبيره اسمع انها مش كويسه
والبرقع انا مستخدمه شخصيا مع السرعه يرتفع كانه بيطير يعني غثا لاكن لو بتهدي حلوووو جدا وانا مفصله عند السماعيل ب 130 تقريبا
ووالشئ الي اسمع انه افضل شئ شامبو لادموع بعد اليوم يقولون انه خطيييييييييييييير
بالنسبه لطريق القصيم انشاء الله مامنه خلاف اما البحرين احرص على الوجه
وتوصل بالسلامه

يعطيك العافية أخوي كاااامري .. بس من أي ناحية التغبيرة ماهي كويسة ..

وبعدين على فكرة أنا أبي أرشها تشميـع ماهي تغبير .. يمكن فيه فرق ..

ومسأله البرقع مادخلت مزاجي .. أخاف ينفك علي بالطريق ويخرب البدي ..

أما الشامبو .. فـ ماأدري فيه أحــد مجربه .. أخاف يخرب البدي زي الفيري !!!

[الهايم وهو نايم]

عندي شي ما يكلفك 3 ريال رح لمحلات ابوريالين واشتر ارخص نوع من منضف الصحون
ولطخ وجه السيارة على كيفك وانا مجربة يوم الخميس على طريق الدمام