النتائج 1 إلى 13 من 13

الموضوع: Reduced Engine Power علامه جيب LX570 2016

  1. #1
    عضو جديد
    تاريخ التسجيل
    Feb 2013
    المشاركات
    24
    معدل تقييم المستوى
    0

    Reduced Engine Power علامه جيب LX570 2016

    السلام عليكم ورحمه الله
    طلعتلي علامه تنبيه ثلاث مرات Reduced Engine Power Visit Your Dealer تقليل قوه المحرك

    السياره على يدي وكاله جيب لكزس 570 2016 سعودي (عبداللطيف جميل)
    وديتها الوكاله وفحصوها وقالولي مافيها مشكله وحنا حدثنا السوفتوير والمشكله رجعتلي مره ثانيه
    اذا طفيت السياره وشغلها تروح الرساله
    اول مره طلعت على ممشى 4500 والثانيه على 4900 والثالثه بعد التحديث على 6300

    قريت عنها بالنت بس اغلبها سيارات قديمه ومشكله حساسات
    ماادري اذا احد طلعتله نفس المشكله والسياره شبه جديده وهل فيه مكان اقدر افحص فيه علشان اثبت للوكاله انه فيه خلل طبعا كلام الوكاله انه مافيها مشكله

  2. #2
    عضو متميز
    تاريخ التسجيل
    Mar 2008
    المشاركات
    176
    معدل تقييم المستوى
    6

    رد: Reduced Engine Power علامه جيب LX570 2016

    هذي مشكلة غير طبيعية ممكن تكون بسيطة ان شاء الله بس ما اتوقع انها شغلة برمجة هذي لها علاقة بالميكانيكا ودوران المكينة لذلك انصحك تصورها اذا طلعت لك وتوديها للوكالة لاتروح لغير الوكالة لان الوكالة حرامية ولو رحت لغيرهم وفك شي بيقولون انت لعبت فيها فيلغي الضمان . نصيحة ودها لهم وانشب بحلوقهم والا كلم وزراة التجارة من عندهم وقل لهم السالفة ومفروض يشيكون على السيارة واذا بتطول يعطونك سيارة بدالها لين تخلص . لاتركها اخوي ترى هذي مهيب طبيعية وممكن عيب مصنعي لاني اشوف كثر من الاخوان يشتكون من القبر حق 2016. اللله يطمنك ويكتب لك الخير

  3. #3
    عضو هام الصورة الرمزية الموونستر
    تاريخ التسجيل
    Aug 2014
    المشاركات
    455
    معدل تقييم المستوى
    2

    رد: Reduced Engine Power علامه جيب LX570 2016

    الأخ توارن كيف . مشكله موب طبيعية وممكن تكون بسيطه


    حاسب على كلامك روعتني ومالي شغل


    المهم انها على الضمان والامور بسيطه


    تحياتي..

  4. #4
    عضو متميز
    تاريخ التسجيل
    Mar 2008
    المشاركات
    176
    معدل تقييم المستوى
    6

    رد: Reduced Engine Power علامه جيب LX570 2016

    اقتباس المشاركة الأصلية كتبت بواسطة الموونستر مشاهدة المشاركة
    الأخ توارن كيف . مشكله موب طبيعية وممكن تكون بسيطه


    حاسب على كلامك روعتني ومالي شغل


    المهم انها على الضمان والامور بسيطه


    تحياتي..
    ههههه . ايه ياخوي اكيد مهي طبيعية كون العلامة هذا تطلع بس قد تكون مشكلة بسيطة وحلها سهل مايخلي الرجال يطيب خاطره من السيارة ويكرهها هذا قصدي . اما انها طبيعية زي ماقالت الوكالة معصي . لاهنت اخوي
    التعديل الأخير تم بواسطة توارن ; 11-16-2016 الساعة 02:54 PM

  5. #5
    عضو لامع الصورة الرمزية *abs*
    تاريخ التسجيل
    Jun 2013
    المشاركات
    5,848
    معدل تقييم المستوى
    13

    رد: Reduced Engine Power علامه جيب LX570 2016

    وعليكم السلام ورحمة الله وبركاته
    على الرابط تفصيل شرح معنى الرسالة وأسبابها
    ما هي رسآلة تحذير { تنبيه } بخفض طآقة المـُحرّك Reduced Engine Power وما هي خطورتها ؟
    🌟 لا تنسونا من الدعاء 🌟

  6. #6
    عضو جديد
    تاريخ التسجيل
    Feb 2013
    المشاركات
    24
    معدل تقييم المستوى
    0

    رد: Reduced Engine Power علامه جيب LX570 2016

    الله يعطيكم العافيه على الردود

    طلعتلي للمره الرابعه ووديتها للوكاله
    طبعا انا مصور كل المرات الي طلعتلي فيها بس مهندس الاستقبال قالي لازم تظهر عندنا علشان نشوف الكود
    انا طلبت من الوكاله انهم يفحصوها وابلغني مهندس الاستقبال ان المشكله ماظهرت لهم بس انه تواصل مع المهندس "المحترف" بالوكاله وقاله انه عندهم سياره نفس المشكله لها ثلاث اسابيع وجالسين يتواصلون مع اليابان بهذا الخصوص وانهم برضوا راسلوا اليابان على مشكله سيارتي. طبعا دخلوا بموضوع المحطات الي اعبي فيها طبعا كل تعبياتي من محطات الادريس.

    قالولي استلم السياره واذا ضهرت لك المشكله طف السياره وشغلها الين يجينا رد من اليابان ان هذي المشكله مافيها خوف !!!.
    قبل لا استلم السياره كلمت وزاره التجاره وقالولي عادي استلم السياره وبعد سبع ايام من الاستلام اذا ماجاك رد منهم ارفع طلب شكوى او اذا توقفت السياره تماما ولا تتحرك قبل السبع الايام ارفع شكوى.

    المشكله على كلام الوكاله انه مايطلع عندهم اكواد خطى وان السياره سليمه ولا فيها مشكله
    دخلت على مدير الصيانه وقالي ان اليساره هذاي حساسه جدا وممكن انها من اتساخ البنزين المستخدم !!!

    وش رايكم يااخوان هل فيه محل فحص كمبيوتر بس يطلعلي الاكواد علشان تقوى الحجه؟

  7. #7
    عضو لامع الصورة الرمزية *abs*
    تاريخ التسجيل
    Jun 2013
    المشاركات
    5,848
    معدل تقييم المستوى
    13

    رد: Reduced Engine Power علامه جيب LX570 2016

    إذا يقول المشكلة من البنزين والسيارة حساسة! !
    طيب ليه ما طلعت المشكلة في موديل 15 وما قبل
    المكينة ما تغيرت !!
    🌟 لا تنسونا من الدعاء 🌟

  8. #8
    عضو شرف
    تاريخ التسجيل
    Apr 2013
    المشاركات
    802
    معدل تقييم المستوى
    4

    رد: Reduced Engine Power علامه جيب LX570 2016

    الله يعينك يا اخوي على مهندسين الصيانه !!

    اخوي كل ما تدخل الموتر عندهم اطلب عنهم نسخه من التقرير واحتفظ فيه لليوم الاسود ...

    ولو لغتك الانجليزيه تمام تواصل مع الشركه الام في اليابان واطرح لهم مشكلتك وارفق التقارير والصور وان شاء الله يفيدونك ..

  9. #9
    عضو شرف
    تاريخ التسجيل
    Apr 2013
    المشاركات
    802
    معدل تقييم المستوى
    4

    رد: Reduced Engine Power علامه جيب LX570 2016

    قرأت بعض من التعليقات في منتديات اجنبيه ولاحظت ان المشكله غير مفهومه ..

    واحد .. قالوا له المشكله تكون من البطاريه غيرها وركب جديده
    الثاني .. قالوا له لما بتعبي بترول سكر المحرك .. وتاكد من اعلاق الغطاء بشكل جيد ..
    الثالث .. تواصل مع الشركه وغيروا له الثروتل بودي .. من يومين ..

    الاول والثاني اتبعوا الخطوات ولكن رجعت لهم المشكله ..
    والثالث يقول ان الشركه مو متاكده من العطل وراح يتواصلون معاه بعد اسبوع .. !!

    المشكله ان الصانع هو اللي وضع ها الاشاره ... وما يدري ليش تطلع !!!!!

  10. #10
    عضو شرف
    تاريخ التسجيل
    Apr 2013
    المشاركات
    802
    معدل تقييم المستوى
    4

    رد: Reduced Engine Power علامه جيب LX570 2016

    في منتدى اخر مختص بامور الميكانيكا يقول اذا طلعت لك المشكله تأكد من التالي :

    سنسر الثروتل
    سنسر الهوا .. الفلتر
    عيوب في اسلاك التوصيلات الكهربائيه
    العادم فيه مشكله تنسيم او مضروب

  11. #11
    عضو جديد
    تاريخ التسجيل
    Feb 2013
    المشاركات
    24
    معدل تقييم المستوى
    0

    رد: Reduced Engine Power علامه جيب LX570 2016

    اقتباس المشاركة الأصلية كتبت بواسطة *abs* مشاهدة المشاركة
    إذا يقول المشكلة من البنزين والسيارة حساسة! !
    طيب ليه ما طلعت المشكلة في موديل 15 وما قبل
    المكينة ما تغيرت !!
    صحيح هذا كان سؤالي لهم قالوا انه بمديل 2016 اضافوا حساس ماكان موجود بالمديلات الي قبل

    اقتباس المشاركة الأصلية كتبت بواسطة alna3oor مشاهدة المشاركة
    الله يعينك يا اخوي على مهندسين الصيانه !!

    اخوي كل ما تدخل الموتر عندهم اطلب عنهم نسخه من التقرير واحتفظ فيه لليوم الاسود ...

    ولو لغتك الانجليزيه تمام تواصل مع الشركه الام في اليابان واطرح لهم مشكلتك وارفق التقارير والصور وان شاء الله يفيدونك ..
    اكيد ماخذ من عندهم نسخه من التقرير لليوم الاسود :|
    الحمد لله اللغه تمام ومن ضمن الخطه اني ارسل للشركه الام باليابان بس قلت بخليه من اخر الحلول

    اقتباس المشاركة الأصلية كتبت بواسطة alna3oor مشاهدة المشاركة
    قرأت بعض من التعليقات في منتديات اجنبيه ولاحظت ان المشكله غير مفهومه ..

    واحد .. قالوا له المشكله تكون من البطاريه غيرها وركب جديده
    الثاني .. قالوا له لما بتعبي بترول سكر المحرك .. وتاكد من اعلاق الغطاء بشكل جيد ..
    الثالث .. تواصل مع الشركه وغيروا له الثروتل بودي .. من يومين ..

    الاول والثاني اتبعوا الخطوات ولكن رجعت لهم المشكله ..
    والثالث يقول ان الشركه مو متاكده من العطل وراح يتواصلون معاه بعد اسبوع .. !!

    المشكله ان الصانع هو اللي وضع ها الاشاره ... وما يدري ليش تطلع !!!!!
    انا اصلان اطفي السياره اذا جيت اعبي بانزين
    واغلب المواقع يقلون حساس الثروتل او مشكله كهربائيه

    اقتباس المشاركة الأصلية كتبت بواسطة alna3oor مشاهدة المشاركة
    في منتدى اخر مختص بامور الميكانيكا يقول اذا طلعت لك المشكله تأكد من التالي :

    سنسر الثروتل
    سنسر الهوا .. الفلتر
    عيوب في اسلاك التوصيلات الكهربائيه
    العادم فيه مشكله تنسيم او مضروب
    صحيح هذا الي اتوقعه وخوفي من انه عيوب في اسلاك التوصيلات

  12. #12
    عضو جديد
    تاريخ التسجيل
    Feb 2013
    المشاركات
    24
    معدل تقييم المستوى
    0

    رد: Reduced Engine Power علامه جيب LX570 2016

    تحديث لازالت المشكله موجوده
    وللاسف الوكيل يتهرب منها
    علشان قبل شهرين قالوا ان فريق من اليابان جاء علشان هذاي المشكله وانهم بيحدثون بالسوفت وير حق حساس الاحتراق
    الى الان ماطلعت بنتيجه منهم
    ياليت الي عنده نفس المشكله يخبرنا

  13. #13
    عضو جديد
    تاريخ التسجيل
    Feb 2013
    المشاركات
    24
    معدل تقييم المستوى
    0

    رد: Reduced Engine Power علامه جيب LX570 2016

    اليوم رحت للوكاله الي بالدائري الشمالي
    وقالوا انهم الى الحين ماجاهم رد من اليابان بسبب المشكله

    طبعا يوم قالوا كذا قدمت شكوى لوزاره التجاره بعيب تصنيعي للسياره

    ياليت الي مرت عليه المشكله يبلغنا

المواضيع المتشابهه

  1. تركيب Power mode & Eco mode لزيادة عزم هايلكس غمارة 2016
    بواسطة ali aseery في المنتدى هاي لوكس HILUX
    مشاركات: 2
    آخر مشاركة: 10-14-2016, 03:35 AM
  2. استفسار : باور دور power door في الفكسار 2016 ما فايدتها
    بواسطة خلك طبيعي في المنتدى لاند كروزر LAND CRUISER
    مشاركات: 9
    آخر مشاركة: 08-15-2016, 08:54 PM
  3. لكزس lx570 2016
    بواسطة ابوعبدالله 506 في المنتدى لكزس ال اكس LEXUS LX
    مشاركات: 4
    آخر مشاركة: 09-08-2015, 10:51 PM
  4. مشكلة safety mood active + power reduce + check engine
    بواسطة HnOoOde في المنتدى الفيديو Video
    مشاركات: 12
    آخر مشاركة: 04-18-2013, 04:03 PM
  5. علامه vsc و check engine مالحل؟
    بواسطة sami_1 في المنتدى لكزس ال اس LEXUS LS
    مشاركات: 10
    آخر مشاركة: 12-26-2011, 11:19 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن تويوتا العربية
منتديات تويوتا العربية هي لمالكي ومحبي سيارات تويوتا ولكزس ولا يمثل الموقع شركة تويوتا المالك الرئيسي لعلامة TOYOTA ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر