[مبتكر]

السلام عليكم

اليوم وانا رايح للدوام الصباح اتفاجأت أن صوت صفير الهواء الخارجي واضح في الجهه اليمنى بين الباب الامامي والخلفي على سرعات أقل من 100 كيلو

وقفت عند الاشارة فتحت الباب الأيمين الأمامي وسكرته وننزلت النوافذ حقت الأبواب وسكرتها لكن استمرت المشكلة

بعد ماوصلت الدوام تفحصت الربلات والأبواب وماحصلت فيهم شي , وش المشكلة ؟
هل وزنية الباب تغيرت والا من الربلات اللي ماشوف فيها أي تغيير زي الجهة اليسرى مافيها فرق ؟..

مع العلم سيارة ماشية الحين 6500 كيلو

ماودي أودي سيارتي للوكالة أخاف يخربونها علي .

[بندر بن سرور]

اخوي العزيز تبي نصيحة لاتكون حساس ولاتوديها للوكالة تقول فيها صوت هواء نصيحة اتركها على كبس المصنع
سبق ان وديت لهم سيارة كامري كان فيها صوت هواء بعدين صار صوت الهواء اكثر من بعد ماطلعت من الوكالة

شوف معي وركز انت وقت كنت تمشي كان في هواء في الخارج يعني رياح ؟؟؟؟
اذا كان في الخارج رياح راح تسمع صوت واما اذا مافيه راح يكون صوت خفيف هذا طبيعي ماحد سلم منه حتى Ls460 فيها صوت وحتى زميلي معه Ls430 موديل 2006 فيها صوت مع العلم انها شبه جديدة ماشيه 20,000
يعني الصوت كل السيارات الاهم مايكون الواحد حساس من الصوت لازم نمشي الامور والصوت لابد منه ولكن تأكد
الصوت اقل من السيارات الاخرى من تويوتا وهوندا وغير من السيارات وعن تجربة شخصية ومقارنة مباشرة
مع سيارات كثير مع Es350 كانت الاقل صوت وبفارق كبير جداً

اخوي اذا ناوي ومتضايق من الصوت ودها لمركز العليا بالرياض وان شاء الله تكون النتائج مرضيه
وحاول تجرب تسمع الصوت في وقت اخر وشارع اخر وحدد ان كان مازال موجود او لا .... اذا كان فيه رياح
اكيد راح تسمع صوت طبيعي هذا جسم متحرك ويصتدم بجسم السيارة
وموفق خير

[مبتكر]

أخوي صوت الهواء والتنسيم أعرفه زين ومو وسواس والله ..

صوت صفيــر من جهة اليمين ..

انا سجلت الصوت على جوالي وراح انزله لكم العصر لأني بالدوام الحين .. وراح تسمعونه ..

انا شكلي بمر الوكالة العصر بخلي مهندس يطلع معي فقط علشان يأكد لي الصوت واشوف وش السبب بدون مااسوي شي بالسيارة ..

[الهزيم]

ممكن يكون من الدرايش اكيد الصفير ما يسببه الا الدرايش يمكن طاب مطب قوي او شي زي كذا

[ماجد السالم]

انا معي نفس المشكله لكن مع باب السواق يروح ويجي على حسب الجو صوت صفير
كان معي قبلها افالون 2005 نفس الصوت وش السالفه ؟
لكن تبي الصراحه انا مليت من التدقيق!!!!!!!!!!
جونا خايس غبار وعجاج وحر, شوارعنا زفت الزفت, همجية السواقين عندنا خاصه الاجانب , البزارين إذا مريت من عند حارتهم شوتوك بالحصى, والناس مايعطونك خير إذا شافوا سيارة جديدة تهولوا شعب متخلف تعرفون من اتكلم عنه الشعب ال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
منظر سيارتي متشوه مضارب حصى من البزارين وانصدمت سيارتي مرتين من عمال هنود المشكله اني واقف بالسيارة انتظر اهلي يطلون من السوق كفخت واحد بغيت اذبحه واتمشكل معه الصدمه الثانيه ماصلحته
مليت قلت خله تنصدم مرتين وثلاث وبعدين اصلحها القزاز الي قدام منشعر والصدام مضارب حصى بسبب الحصى الي بالشوارع يجي واحد يمشي قدامك بكفر سيارته يرسلهن عليك ويوجع قلبك وش تسوي لو انها كامري او فورد كان عادي لكن سياره ب150000 شي يقهر مبغيت انزل صورة سيارتي مراعاتا لمشاعر اصحاب هذه الفئة؟
ماتخبرون مدرعه للبيع ابرد حرتي


معليش يمكن طلعت عن الموضوع لكن حبيت اعبر عن مشاعري

[افالوناوي]

كلامك صحيح
انا استاجرت es2008 اجربها والا ونا ماشي علي البحر والشباك الايمن مفتوح ولا اسمع صوت الصفير الي من الجها اليمين
ترا ماسمعت الصوت الا لما كان الشباك مفتوح