النتائج 1 إلى 6 من 6

الموضوع: حل مشكلة تهريب زيت القير للاالون والاريون واللكزسes350

  1. #1
    عضو جديد الصورة الرمزية MIZ00
    تاريخ التسجيل
    May 2015
    المشاركات
    37
    معدل تقييم المستوى
    0

    هام حل مشكلة تهريب زيت القير للاالون والاريون واللكزسes350

    مساكم الله بالخير احبتي اعضاء وزوار هالمنتدى الجميل والمفيد

    قبل سنة ونصف لاحت تهريب طفيف لايذكر اي بمعنى تنديه على جرم القير من اسفل السياره
    ولم اقلق بشأنه لأنه مثل ماذكرت لكم انه طفيف جداً وغير مقلق ولم اهتم لعده اسباب اولها لأني شخص اشيك على السياره بإستمرار شبه يومي وقبل كل سفر وبعده وقبل كل تغيرة زيت وبعدها سواء قير او مكينه وهذا طبع فيني وميزه اشوفها حلوه وماارتاح الا لين اشيك وهذا يفيدني في اشياء كثيره منها تجنب الكوارث الميكانيكيه الناتجه عن اخطاء مثل تغييرات الزيت وماشابه
    المهم اثناء مراقبتي للزيت المتسرب ومسحه في كل مره تشييك وتنظيفه لاحظت الكمية في ازدياد الى ان اصبحت مثيره للقلق وصات تخوف وانتقلت من مرحلة تنديه الى تهريب وتكون قطرات اسفل الجرم هنا اشتغل الحس الميكانيكي عندي واتجهت للصناعيه وكل ماجبتها لورشه عشاان يتعقبون مصدر التهريب لن اطلع بفائده عارفين كلام الورش انتم كل واحد يعطي تخمين واخرتها يقولون لك اترك السياره عندنا ونتصل بك طبعاً هالكلمة محذوفه من قاموسي ولااؤمن بها حكاية اترك الموتر وهو يتصل بي ماتنفع معي لأنك كذا تعطيهم فرصه وتفتح لهم الباب لبداية عملية النصب اللي انت راح تتعرض لها المهم قلت امعصي يااشوف مصدر التهريب وقتها اقرر تصلحون اولا لا ولانزل السياره من الرافعه وخلني اتوكل على الله
    طلعت من عندهم وبرضو كم ورشة مريتهم واحد يقولي صوفة العكس والثاني يقولي من وجة الكارتير وانواع الثواره والسباكه شفتها التهريب جاي من اعلى القير وهذا يقولي وجه كارتير وجاي من فوق العكس ايضاً المهم طلعت ورحت للبيت
    وبسم الله فتحت الكبوت طبعا انتم عارفين كيف محشور كبوت الافالون مايمديك تشوف وتتعقب شي فقررت نزع قربة الهواء بأكملها من مفصل الثروتل واخرجتها بالكامل كي تتضح لي رؤيه افضل
    والحمد لله بعد نزعها اصبح القير واضح وكمية الزيت المترسب مع الاتربه كبيره
    واكتشفت ان التهريب خارج من البلف هذا
    http://a.top4top.net/p_3661lbua1.jpg
    طبعا هو يجي له ربله "وجه صغير" والتهريب كان منها رحت ادور القطعه لكن للأسف مو متوفره لازم طلبيه
    رجعت اخذت مفتاح 10 وشديت المسمار حصلته مرتخي وشد معي لفه ونص بسهوله هنا اعطاني بصيص امل ان يتوقف التهريب
    طبقت كل شي ورجعت كل شي وبعدها رفعت الموتر ونزلت الكفر الايسر وفتحت صامولة تعبئة الزيت واغلبكم يعرفها المهم زودت لتر زيت لأني عارف ان الكميه اللي خرجت اذا ماكانت لتر بتكون اكثر خصوصاً اني ماي على الزيت فوق 45 الف والتهريب كان موجود المهم قفلت الصاموله ورجعت الكفر واستخدمت السياره لمدة 3 ايام استخدام شاق سرعة ودوس وطلعت خط ومشيت للفصله قرابة عشر دقائق كل هذا عشان الزيت يتمدد بفعل الحراره واذا كان هناك اي تهريب غصب يطلع منه
    رجعت وفتحت وشيكت والحمد لله ولا قطره خرجت
    هذا رابط لصورة قير منزل اخذتها من النت عشان اوضح لكم مكان البلف
    http://b.top4top.net/p_3664lnhx2.png
    وهذا رسم تخطيطي للقطعه ورقمها للي حاب يطلبها
    http://c.top4top.net/p_366duz3z1.png
    وهذا رسم توضيحي اخر
    http://c.top4top.net/p_366n4wkv3.png
    واخيرا اقدم اعتذاري لعدم قدرتي لرفع الصور كل ماحاولت يقولي المساحة غير كافية تجاوزت 100 ك ب واغلب الصور مساحتها اكبر

    تنوية :
    لجميع ملاك السيارات اللي تحمل قير رقم u660e التأكد من المنطقه المذكوره ومن هالبلف خاصه
    لتجنب وقوع الكوارث والخسائر الماديه



    حبيت انقل لكم المعلومه ربما يستفيد منها الغير ويسلم من سرقة جزارين الصناعيه

  2. #2
    عضو هام الصورة الرمزية معاند قمر
    تاريخ التسجيل
    Jan 2010
    المشاركات
    357
    معدل تقييم المستوى
    5

    رد: حل مشكلة تهريب زيت القير للاالون والاريون واللكزسes350

    ماشاء الله عليك الله يوفقك ياليت الناس تتعلم مثلك كان الدنيا بخير

  3. #3
    عضو شرف الصورة الرمزية الحربي ننننن
    تاريخ التسجيل
    Aug 2008
    المشاركات
    1,536
    معدل تقييم المستوى
    8

    رد: حل مشكلة تهريب زيت القير للاالون والاريون واللكزسes350

    مشاء الله عليك اكتشفت المشكله بنفسك وصلحتها بدون اي مصاريف
    وتجنبت الجهلاء والنصابين
    وفوقها قدمت لنا معلومه تشكر عليها الله يجزاك خير ويوفقك
    سبحان الله

  4. #4
    عضو جديد الصورة الرمزية napster
    تاريخ التسجيل
    Jul 2015
    المشاركات
    36
    معدل تقييم المستوى
    0

    رد: حل مشكلة تهريب زيت القير للاالون والاريون واللكزسes350

    الله يعطيك العافيه على المجهود
    وانقذتنا من جشع الورش ونصبهم

    هذي المواضيع اللي تفيد
    تتمنى نشوف مواضيع مشابهه ويشاركونا الأعضاء مشاكلهم وحلولها
    بدل مضيعة الوقت و المال

  5. #5
    عضو جديد الصورة الرمزية MIZ00
    تاريخ التسجيل
    May 2015
    المشاركات
    37
    معدل تقييم المستوى
    0

    رد: حل مشكلة تهريب زيت القير للاالون والاريون واللكزسes350

    الله يجزاكم خير جميعاً على الردود اللطيفه
    محد يولد من بطن امه عالم اغلب الصناعيه تعرفونهم اغلبهم حتى سادس ماعنده
    وجا هنا تعلم بسيارات الشعب لين عرف يفك ويربط
    بدل ماخليهم يتعلمون بموتري انا اتعلم به بالعكس انا بكون احرص
    ان ضبط خير وبركه وان ماضبط اقل شي عرفنا حجم المشكله وكم بتكلف وكم تاخذ وقت احسن مانجي نقط
    مواترنا عندهم الله العالم وش يسوون لها ويشفطون جيبك
    الغبنه مب غبنة فلوس الغبنه بعضهم يستغفلك
    الحمد لله ابشرك حتى البواجي اغيرهم بيدي وبدون فك الثلاجه
    اللي سبق غيرو بواجي افالون والا اوريون بيعرفون كمية التعقيد في البواجي 3 الخلفيه

  6. #6
    عضو جديد الصورة الرمزية MIZ00
    تاريخ التسجيل
    May 2015
    المشاركات
    37
    معدل تقييم المستوى
    0

    رد: حل مشكلة تهريب زيت القير للاالون والاريون واللكزسes350

    في نقطه حبيت اضيفها البواجي اللي تباع بقطع غيار تويوتا الدينسو اريديوم 90% منها مقلده ويبوعنها بسعر الوكاله من 350 وطالع
    بعد التجربه وجدت الافضل منها والاعلى جوده والاضمن وكل عذا بسعر اقل
    بواجي ngk الشهيره اغلبكم يعرفها او سمع عنها انا جرربت الدينسو بعد 30 الف كم طلعت مشاكلها رجه خفيفه بالمكينه يوم فكيتها لقيتها محترقه تماماً ايقنت بعدها انها مقلده لآن الاصلي قبلها مشيت عليها 160 الف من اروع مايكون
    صراحه تحطمت وانعدمت ثقتي بموزعين تويوتا
    اتجهت لوكيل ان جي كي اللي هو البابطين واخذت بواجي اريديوم نفس مواصفات ومقاييس الدينسو
    بسعر 200 ريال 6 بواجي ركبتهم ومشيت عليهم الان 10 الاف بسم الله ماشاء الله هدوء ونعومه وصرقية الوقود نقصت والاهم المكينه مره مافيها اي ارتجاج بصراحه ارتحت معها وايقنت ان كفائتها عاليه لذلك انصح بتركيبها وبشده
    الدينسو الاصلي جباره وماعليها كلام لكن وين تحصلها حتى الوكيل لطفي معدومه ثقتي فيه
    هناك بواجي دينسو بالسوق مقلده طبق الاصل انتبهو منها يااخوان
    لذلك قطعت الشك باليقين واتجهت صوب ngk

المواضيع المتشابهه

  1. تهريب زيت القير
    بواسطة alshemale في المنتدى أفالون AVALON
    مشاركات: 3
    آخر مشاركة: 10-30-2015, 08:01 AM
  2. تهريب زيت القير
    بواسطة hilux2012 في المنتدى هاي لوكس HILUX
    مشاركات: 0
    آخر مشاركة: 11-15-2013, 10:45 AM
  3. مساعده : تهريب في صرة القير
    بواسطة ديسكـفري في المنتدى اف جي كروزر FJ CRUISER
    مشاركات: 4
    آخر مشاركة: 08-16-2013, 06:39 AM
  4. تهريب زيت القير؟
    بواسطة ابوو سليمان في المنتدى اف جي كروزر FJ CRUISER
    مشاركات: 5
    آخر مشاركة: 07-27-2012, 02:35 AM
  5. تهريب في زيــــــت القير ....
    بواسطة المستشأأأر في المنتدى القسم العام
    مشاركات: 4
    آخر مشاركة: 01-28-2010, 03:37 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن تويوتا العربية
منتديات تويوتا العربية هي لمالكي ومحبي سيارات تويوتا ولكزس ولا يمثل الموقع شركة تويوتا المالك الرئيسي لعلامة TOYOTA ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر