[كامري روعه]

السلام عليكم

تعرفون اني توي شاري الموتر الله يعطيني خيره ويكفينا شره

الموتر ماشي 98 الف ..

صراحه فاقع قلبي ذا الرقم ..

ابي انزله احطه 10 .. او 20 .. لحد يقول غش ومدري ايش ..

لاني ناوي استخدم الموتر ليييييين 4 سنوات قدام


ياليت تدلونا على ورشه تسويها ..

موديل الكامري 2006 .. اكس ال اي مطور

فيه واحد بالامارات يسويها ب 200 درهم .. مرجعين كابريس 2006 من 180 الى 25 الف ؟؟
ب 200 ريال


بالانتضار .. ترى مو شرط الورشه بالرياض ..

عادي ندق مشوار للدمام او جده

,,,,, قاعد اتخيل عداد الموتر 30 الف

[كامري روعه]

!!!! وينكم يا شبااااب !!!

[عاشـــق اللاند]

اجل وش تسمي تنزيل العداد !!

خله على ماهو عليه بعد 4 سنوات لو تبي تبيع الموتر بدل مايدعي لك اللي يبي يشتريه يبي يدعي عليك انصحك لاتلعب بالسياره وانت بهالطريقه تغش نفسك وتغش الناس

ولاتقول لي مو غش

فيه مثل يقول قال انذك فين ياجحه قال أهي هههههههه

[استاذ الكامري]

اقولك انا بدلك على طريقه بس ولا ابغى اقولك غش وما ادري
المهم روح تشليح الحاير واشتري عداد بــ 300 تحصله وركبه بدال الي عندك وخليه يمشي براحته يوم تتطفش ركب العداد الي عندك تحصله ماشي 90 الف مو حلو
تحياتي

[حربي القصيم]

مالك الاتشاليح الحاير
بتحصل طبالين والعداد اللي تبي بعد
اغلب الكامريات اللي تحصلها بالمعارض والكابرسات
حقت كداده ياسنايدي واغلبهم مبدلين طبالللين
واحد من اخوياي سوها ولاضر الموتر ولاشي ولايكلف سعره
والافضل افصله وريح نفسك اذ ماتبي العداد يمشي
وبتولع عليك لمبة حساس صفراء اذ فصلته
وطبعا لرجعت العداد افصل الاصبع وركبه من جديد وتطفي مباشره
<***** خبره بالايجارات

[الكامري السوداء]

مما أفهم بها السوالف
تقبل مروري اخوي

[حربي اهلاوي]

تقبل مروري

[كـ ا قـ]

يااخي اقرب كهربااائي يسويها ؟؟ قد مريت على كهربائي انت ؟؟ بس تبي تسويها رح لاقرب كهربائي عند احد معارض السيارات ويسويها لك ادب ((اللهم اني بررري))) تقبل مروري اخوك عبدالعزيز بن عبدالرحمن

[الشوكي]

(صديقك من صدقك لا من صدقك)

ادري بتزعل مني لاكن عندي كلمه ولابد اقولها ايش الفايده من ارجاع العداد ؟؟

هذاء يعتبر غش وتلاعب طبعا اكيد بيجي يوم وتبيع السياره وش بتقول اذاء جاء احد وسئلك ممشاها صحيح
بتقوله انك منزل العداد ؟؟ اكيد بيخلي السياره ويمشي

والا بتغشه وتقول هذاء ممشاها ؟؟ اتمنى اني اكون غلطان

(هل ترضاها لنفسك )
.................................................. ......
على كذاء صرت اخاف من شراء المستعمل

[نبضي الكامري]

اصحاب العقول في نعمه

طيب لو رجعت لك عداد الطبلون على الـ 000 والأصل ماشيه 98000 ألف كم انت وش استفدت غير انك عشت بوهم

ما انصحك لأنك بتغش نفسك قبل تغش غيرك ..

[عاشـــق اللاند]

يا اخوان يقفل الموضوع