[الوشق]

بسم الله الرحمن الرحيم
احم احم
السلام عليكم ورحمة الله وبركاته
ادري اني من زمان ما كتبت ولا موضوع
بس كان ودي اعطي فرصة للشباب
اليوم عندي موضوع اعتقد انه مهم للجميع وخصوصا العزابية خخخخخخخ
ندخل في الموضوع

انا ناوي اروح اتمشى مع العائلة كم يوم
وطبعا
لازم اخذ معي شنطة العزبة - شنطة التبريد - شنط الملابس والاغراض
يعني لازم افك المرتبة الثالثة واحط فيها العفش
طيب وين ينامون العيال خلال الطريق
هذا هو اهم سؤال
طبعا عندي ولدين
فكرت وفكرت ولقيت حلين
ابي رايكم فيهن والي عنده غيرهم يتفضل
الا فكرة اني احط قلص او احط العفش فوق التنده

اولا :

اشيل المرتبة الثالثة
واحط العزبة ثم احط فوق العزبة
لوحين بلاكاش مخيطين في بعض داخل قماش تنزاني والسبب في انهم اثنين
عشان اقدر اصفطهم ويسهل تدخيلهم واخراجهم
وطبعا احط في الزوايا الاربع لكل لوح فتحة واحط قواعد خشبية في اعلاها مسمار يدخل في الفتحة ويتبث بصامولة وبكذا يثبت اللوح وممكن ينامون عليه العيال
وطبعا كذا بتكون القواعد 8 قواعد واذا بغيتهم اربع احط في كل لوح ثنتين بحيث تكون في الزوايا الاربع للطاولة ككل وفي الوسط من الاسفل احط عصا داعمة متحركة

ثانيا :

اشيل المرتبة الثالثة
وافرش مكانها للعيال
والمرتبة الثانية ارفعها
واحط مكانها العفش

ابي رايكم

[نيازى]

اظن فكرة شيل المرتبة 3 ارجح و اريح

[الوشق]

مشكزر نيازي

الله يحفظك

[صاحب الفورتشنر]

وعليكم السلام ورحمة الله وبركاته
اهلين وسهلين
اتوقع شيل مراتب الصف الثالث كامل والأغراض تضعها في سله خلفيه افضل شي

[الوشق]

صاحب الفورتشنر
جزاك الله خير

[الوشق]

الى الان شيل المرتبة الثالثة افضل

طيب وش رايكم بفكرة الطاولة المذكورة

هل تحتاج تعديل

[أبو عبدالرحمن خ]

انا اقترح عليك وهذا من تجربه انا عندي اربع عيال الله يصلح عيالي وعيالكم

ومركب طاوله واحط العفش والعزبه والشنط الصغيره تحت لين تغص والباقي يصير خفيف احطه يمين والا يسار والعيال يجلسون بالمراتب واللي يبي ينام يرجع ورا فوق الطاوله وتاخذ اثنين وهم مرتاحين وشف الصوره واحكم بنفسك

ImageShack - Hosting :: 20080610058ob3.jpg

[المحترف الخليجي]

بصراحه انا اعاني من نفس المشكله وفكرت كثير في اني استغني عن المرتبه الثالثه ولكن هي مفيده جداً وخاصه ان الاطفال يأخذو راحتهم عند النوم اكثر .
ووجدت الحل في الصندوق العلوي roof box وهو ممتاز جداً وامن وشكله جميل وسعره معقول نوعا ما حسب الحجم ومتوفر على ما اعتقد عند السليماني
هذه صوره مشابهه مع العلم يتوفر مقاسات والوان
http://upload.wikimedia.org/wikipedi...V_roof_box.JPG

[أبو عبدالرحمن خ]

وايضا للمعلوميه العيال يرتاحون للطاوله اكثر من المرتبه ويقولون لي لا تركبها ابد

[الوشق]

المحترف الخليجي
مشكور الله يحفظك
والله متردد اني احط شي فوق السيارة
ازعاج في الشيل والحط

لك الشكر

[الوشق]

ابو عبدالرحمن
هلا وغلا بالغالي

الله يصلحلك عيالك

شكل الطاولة حديد
هل الاطراف اللي بعد الارجل ( اللي فيها الفصالات) تتحمل
هل المربع اللي في النص يفتح
هل الارجل تفك وتركب
هل وين القاها هالطاولة وبكم

مشكور يا غالي

[رنديفو]

أخواني ارى ان افضل طريقة هي طريقة الاخ المحترف الخليجي



وذالك بعد ما تتأكد انك مركبة على سياج وليس على سطح السيارة لأن السطح ضعيف
صدقوني ان تركيبة واستخدامة بيكون عملي حيث ما تحتاج تخلح مقاعد ولا تشد مقاعد ولا تلبس ارضيات ....الخ
وجه نظري لا غير

[رااااعيها]

تحياتي شيل المرتبه الثالثه ومكان المسامير ممكن تستفيد منها انك تحط لوحين متقابلين بمفصلات وسلام

[الحسن القاضي]

أمس أنا كنت في محلات الزينة ولقيت العوارض اللي تركب على شبك الفورتشنر
وقيمتها 120 ريال عدد 2
هذا إذا كان موترك vx
تستطيع تركيبها بنفسك ووضع العفش عليها ومن ثم فكها.

ثانياً تستطيع تركيب سلة خلفية وقيمتها 300 ريال صناعة تايلندية تتحمل أوزان كبيرة
وشكلها جميل .....والله يحفظك ويحفظ عائلتك الكريمة.

[البحث عن المصير]

*وهناك حل آخر قد يكون مناسبا وهو فك المقعدة الأخيرة كلها لمن أبناءه ثلاثة فأقل ثم يحضر لهم كراسي سلامة أفضل من حيث السلامة ولها جوانب بحيث لو نام أحد الأطفال ينام مكانه ولا يؤذي من بجانبه ولك إمكانية ترجيع المقعدة بحيث تكون مفرودة للوراء وتوفر راحة أكثر وتبقى الشنطة مساحتها كافية لحمل العفش
* ومن أبناءه أربعة يفك جزء من المقعدة الأخيرة لتأخذ الطفل الرابع أو الراشد الرابع فإن كان طفلا فيعطى كرسي سلامة ليتم مسكه عند النوم وتبقى المساحة المتبقية من الشنطة ومكان جزء المقعدة المفكوكة +سلة تركب في آخر الموتر لأخذ بقية الأغراض

صورة مقترحة لكرسي السلامة تفضلوا الصور

[الوشق]

رنديفو
مشكور يالغالي

[الوشق]

راااااااعيها

مشكور الله يحفظك

يعجبني فيك
انك اخذت الموضوع بساطة و بدون تعقيد