[وبعديين]

الأعضاء و المشرفين الأعزاء
السلام عليكم ورحمة الله وبركاته
أولا : أشكر الجميع على هذا المنتدى الراقي والمفيد .

ثانيا : لدي بعض الاستفسارات والاستشارات واتمنى من الجميع إعطاء رأيهم بما يعرفون مع خالص الامتنان .

عزمت على شراء كامري gl واريد رأيكم من ناحية :

1ـ العازل الحراري بالنسبة لشركة تويوتا هل هو فعال أم اركبه من خارج الشركة مع العلم ان قيمته 1800 ريال في الشركة .

2ـ ما الاكسسوارات التي تجي مع السيارة ؟

3 ـ عندما سألت الموظف عن اللون الفضي التيتاني قال مافيه هذا اللون عندنا فضي وبس فهل كلامه صحيح أم يصرف لعدم توفر اللون ؟

4ـ ما السرعه المقترحه وقت التمرين بمكيف و بدونه ؟

ولكم خالص الامتنان والشكر
تقبلو تحياتي ،،،،،،،

[عاشـــق اللاند]

الف الف مبروك

انصحك ركب العازل خارج الوكاله عند في كول او زيبارت افضل من الوكاله

وبانسبه للاكسسوارات الgl تجي مافيها اي شي

اللون نم كلام الموظف صحيح الفضي فقط ولونه رسمي وجميل

وانصحك وقت التمرين ماتتعدى ال80 كيلو اول 500 كيلو وبعد ال500 كيلو تمشي 120 وانتبه تمسك فرامل بقوه خل رجلك ناعمه على الدواسات



ومبروك مره اخرى

[وبعديين]

الله يبارك بحياتك
اشكر لك مرورك اخوي عاشق اللاند

انا اقصد بالاكسسوارات طفاية حريق وغيره .

بس ليش ما امسك فرامل بقوه مع العلم بان السيارة اوتوماتيك ؟

ومتى اغير الزيت ؟

الله يعطيك العافيه حبيب قلبي

[عاشـــق اللاند]

لان السياره راح تكون جديده وكل قطعها لينه وناعمه فأنت لو تبي تقسى عليها فتره التمرين صدقني ماتعيش معك

وانا بورقه الاستلام مكتوب تجنب مسك الفرامل بقوه او التوقف المفأجاة

وشكرا

[وبعديين]

مشكوووووووووووووووووووووووووور حبيب قلبي

يعطيك العافيه

[عاشـــق اللاند]

العفو يالغالي

والله يعافيك ويسلمك

واي سؤال ابشر بسعدك

[وبعديين]

الله يسعد ايامك حبيبي

بالنسبه للزيت متى يتغير ؟

وايش يجي مع السيارة زي الطفايه مثلا ؟ وايش

[الشمااااالي]

أخوي تأكد من الأستبنة وعدتها

وشنطة الأسعافات الأولية مع ماطور الهواء
وطفاية الحريق وفرشات الأرجل

وأول 1000 كم لاتتعدى عليها 100

وبالنسبة للعازل لاتتوقع أن أبو جميل راح يركب لك عازل جودته عالية بالعكس راح يرفع عليك سعره دبل الدبل والجودة مش حالك نصيحة إذا معزم على العازل ركب من برا الوكالة فيه عوازل معروفة مثل ماقال لك مشرف المنتدى

والزيت من 1000 إلى 1500 لأنه خفيف مرة وأنت تأكد من هالشي بنفسك

... تحياتي ...

[وبعديين]

شاكر لك مرورك حبيبي الشمالي

ويعطيك العافيه على التوضيحات

تقبل تحياتي

[متيم الكامري]

العازل الحراري بالنسبة لشركة تويوتا هل هو فعال أم اركبه من خارج الشركة مع العلم ان قيمته 1800 ريال في الشركة ؟
ج- ركب خارج الوكاله اضمنلك واحسن ويكون عليه ضمان


ما الاكسسوارات التي تجي مع السيارة ؟
ج- اذا قصدك الاكسسوارات الي من الوكاله
يكفي انها كامري ولا شي


ـ عندما سألت الموظف عن اللون الفضي التيتاني قال مافيه هذا اللون عندنا فضي وبس فهل كلامه صحيح أم يصرف لعدم توفر اللون ؟
ج- زرفها من جد
يجي بس انت اذا انت منت مستعجل يجيك طلبيه
واكيد هو قالك الي موجود حاليا



4ـ ما السرعه المقترحه وقت التمرين بمكيف و بدونه ؟
ج- السرعه لا تتعدى 80
والمكيف لا تشغله على الاخير على اول درجه
والفرامل لا تمسكها بقوه عشان جديده

وارجو اني افدتك

[عاشـــق اللاند]

اول ماتطلعها من الوكاله غير زيتها على الالف كيلو

وبعدين بدله من الوكاله زيت تيوتا كل 5 الاف كيلو وتجي مع السياره طفايه حريق ولخ

[أبونواف.]

أنا ركبت العازل الحراري في شركة تويوتا و لا فعال ولا شي مع العلم ان قيمته 1800 ريال في الشركة .
احسن لك ركبه من خارج الشركة أفضل .

[وبعديين]

يعطيكم ألف عافيه أحبائي
كفيتو ووفيتو

وشاكرلكم مروركم وتجاوبكم

تقبلو خالص تحياتي

[أبـو فـيـصـل]

شوف حبيبي بالنسبه للون ترا والله يصرفها وترا انا اعرف وكالة ينبع
ترا مرة معدومين روح معرض سلامه الجهني خذها من هناك ارخص
ونفس مواصفات الوكاله ما نقصت بشي عن الوكاله
.
.
.
تقبل مروري

[مرتاح أحبك]

على البركة ان شاء الله
والله يعطيك خيرها ويكفيك شرها
سو مابدالك اهم شي سم بالرحمن واقر المعوذات
اما بالنسبة عن التظليل فاقترح عليك تظللها عند الوكالة لان العازل برا غالي زي ماقلت
وبالتوفيق

[وبعديين]

مشكور حبيبي أبو فيصل يعطيك ربي العافيه سلامه يبي ( الكاش )
والله الشركه مماطلين لي اسبوع وانا انتظر السياره توصل مافيه فايده

الله يبارك فيك اخوي مرتاح احبك
بالنسبة للتظليل بظلل برى الشركة بس خل السياره توصل بالأول


شاكرلكم مروركم

تقبلوا خالص تحياتي