تجربتي في استبدال دينمو الدركسون... لكزس ls430

[uae_sniper]

السلام عليكم

اليوم تجربتي في تغيير دينمو الدركسون الخاص بلكزس LS430 ،، طبعا الدركسون له عدد 2 دينمو، الأول الخاص بدفع الدركسون إلى الأمام والخلف ، والثاني الخاص بتحريك عجله الدركسون إلى فوق والى أسفل. وتجربتنا بتكون في الدينمو الثاني.

في البدايه وقبل عن قراري باستبدال الدينمو أنا فكيت غطا الدركسون بس وحاولت أشوف العلة وين عل وعسى أقدر أحل المشكلة بدون استبدال للقطعة مثل رش w40 على الدينمو العطلان ، بس طلع الموضوع بحاجة لاستبدال قطعة الدينمو ،،، المهم توكلت على الله ورحت لصناعية الشارقة وحصلت قطعة مستعملة بسعر 70 درهم بعد المفاصله ،،، وطبعا سعرها عند الوكيل غاليه بلاشك،، أول شيء كنت مقرر أبدل القطعة عند كهربائي مختص ولكن توكلت على الله وعزمت أغيرها لحالي.

نبدأ باسم الله...


القطعه المراد استبدالها



أول شيئ نشغل السيارة علشان نقدم عجلة الدركسون إلى أقصى الأمام ونعرف نشتغل عدل



وبعدها راح نفك الثلاث براغي علشان نفتح غطا العجلة ... واحد بيكون على اليمين والثاني والثالث في الأسفل







وبعد ازالة المسامير نفتح الغطاء من فوق ومن تحت ويظهر بهالشكل





والحين ننزع بعض الفيشات علشان ماتضايقنا وقت فك الدينمو طبعا الفك سهل بس ماتشد على ايدك علشان ماتنكسر فيشه






والحين نبدأ في الجد ...

بتحصلون من جهة اليمين واليسار مسمارين على شكل سداسي ولازم في هالحاله تكون مجهز القطعة اللي تفك نفس هالنوع من المسامير.

طبعا في السوق بتحصلون طقم قيمته حوالي 10 دراهم / ريالات خاص لفك البراغي السداسية بأحجام عدة. والقياس المطلوب مقاس 5



وفك المسامير محتاج شده بسيطه بس تكور حريفه،، بس الحذر عن تجيب العيد وتخرب راس المسمار وتخرب كل الشغل


صور المسمارين بعد الفك



وبعد الفك ارفع العجله بإيدك علشان نقدر نطلع الدينمو



ولكن باقي شي واحد قبل إخراج الدينمو ... راح تحصل حلقة الدائرية في نهاية راس الدينمو هي عبارة عن لوك ولازم تشيلها بمفك أو بشطارتك



القطعة المقصودة بعد الفك



وبعدها تقدر تطلع الدينمو بكل راحة ودون شد ولا قوة مجرد دوران إلى حين خروجه.




والحين بنبدأ بتركيب الدينمو الجديد ... ولكن مهم تحطي شحم خفيف على راس الدينمو علشان سهوله حركته وقت عمله



وطبعا ماتنسى تركب اللوك الصغير (الحلقة الدائرية)


ونرجع المسامير وكل شيء مثل ماكان


وبهذا انتهينا من العملية

ودمتم سالمين

أخوكم uae_sniper

[raheeb_UAE]

وعليكم السلام ورحمة الله وبركاته
يعطيك العافيه اخوي ع مجهودك
تستاهل كل الشكر
انا مغير الثنتين بنفسي الحمد لله ...سرت عند كهربائي عسب اغيرهم قالي 100 درهم شغل اليد مع انه ما يستاهل
دينمو الرجوع للامام والخلف نوعا ما تغييره صعب شويه

[uae_sniper]

وعليكم السلام ورحمة الله وبركاته
يعطيك العافيه اخوي ع مجهودك
تستاهل كل الشكر
انا مغير الثنتين بنفسي الحمد لله ...سرت عند كهربائي عسب اغيرهم قالي 100 درهم شغل اليد مع انه ما يستاهل
دينمو الرجوع للامام والخلف نوعا ما تغييره صعب شويه

شكرا اخوي الرحيب على ماقدمت

للأسف عندنا استغلال كبير من ناحيه اسعار التصليح في كثير من الورش.
وازيدك من الشعر بيت... البارحه صلحت السنتر لوك الخاص بالباب.. من بعد كل الكهربائيين خبروني انه لازم يتبدل وسعره في الوكاله يمكن يوصل 500 درهم . وانا شديت حالي وعزمت اصلحه لحالي في البيت لأني عارف ان المشكله في الدينمو الموجود في السنتر لوك بس كل الكهربائيين تعذروا انهم ماعملوها من قبل وان حتى لو سواها ماراح تضبط معاه.

توكلت على الله وطبعا الجهد خذ معاي حوالي 3 ساعات لأي اول مره اسويها بالاضافه لعوزني برغي سداسي خذ لحاله حوالي ساعه كامله لين فكيته. بس في الاخير تصلح السنتر لوك ورجع وكاله.

حلو لما تكون عندك سيارة قديمه نوعا ما وتشتغل عليها في اوقات الفراغ وتستوي ميكانيكي😁

ودمتم سالمين

[raheeb_UAE]

لوك الباب يمين ورا عندي خربان ما يشتغل وخاصه اذا وقفت لفتره طويله ف الشمس ... ادري ان المشكله من الديمنو ولكن هل يبالها تغيير ولا تنظيف فقط يا ريت تفيدني

[uae_sniper]

لوك الباب يمين ورا عندي خربان ما يشتغل وخاصه اذا وقفت لفتره طويله ف الشمس ... ادري ان المشكله من الديمنو ولكن هل يبالها تغيير ولا تنظيف فقط يا ريت تفيدني

مشكلتك كانت نفس مشكلتي خاصه لما تكون السيارة تحت الشمس الحارة مايشتغل اللوك... كل ماعليك هو فك الباب وبعدها تفك السنتر لوك وبتحصل داخله الدينمو وللأسف بتكتشف انه صناعه صينيه بعد!! المهم قبل الفك لازم يكون عندك بخاخ تنظيف الالكترونيات.. بتحصل داخل الدينمو قطعه مربعه نظفها وبعدها لفها بورق المنيوم ورجعها مكانها ونظف قلب الدينو بشكل جيد بالمنظف وترجع كل شيء مكانه. وان شاء الله بيشتغل معاك.