سؤال لأهل البرادو

ااالللساااحر · 07-02-2008, 10:42 AM

بسم الله الرحمن الرحيم

السلام عليكم ورحمة الله وبركاته

أنا معي برادو Gx3 وأبي أسأل عن البلوتوث كيف طريقة برمجته

رحت للوكالة أبي أبرمجه وقالوا لي برمجته بـ 150ريال وأبغي طريقة البرمجة

وهل المسجل يقترن بأكثر من جوال ؟

لان الوكالة قالوا لي يقترن بجهاز واحد فقط وبالكاتلوج حق

المسجل مكتوب أنه المسجل يقترن بستة أجهزه .

ااالللساااحر · 07-03-2008, 02:03 AM

المشاهدات 25 ولا فيه أحد رد

كمالناس · 07-11-2008, 07:35 PM

السلام عليكم ورحمة الله وبركاته
أخي الساحر
ما أعرف شو نوع البلوتوث اللي عندك بس أنا بشرحلك حسب ماهو في سيارتي
مع العلم بأن سيارتي موديل 2008 وارد بهوان ( البريمي) لأن البلوتوث حقها في المسجل

أولا : طفي المسجل كامل ولازم تكون السيارة شغاله والجير على ال p
ثانيا : إضغط على الزر الأخضر حق الرد على المكالمات
ثالثا : بتطلعلك كلمة phone استخدم الزر حق توليف القنوات ( نفس زر الصوت بس الجهة الثانية )
رابعا: دور بالزر لين ماتحصل على كلمة bluetooth
خامسا : اضغط على الزر حق التوليف كأنك تبي تشغل المسجل أو إطفيه ( إضغط للداخل )
سادسا : بتحصل كلمة register phone إضغط على الزر حق التوليف للداخل
سابعا : سوي بحث بتلفونك وبتحصل على ما أعتقد كلمة hands freeوبتكون الباسورد حق التوصيل 1234

أتمنى أكون وضحتلك ونرجو منك الدعاء

سعد سعيد · 07-11-2008, 09:04 PM

عموماً الطريقة باختصار تضغط على زر البلوتوث الموجود في المسجل لمدة ثانيتين بعدين تحرك الفرار اللي يطول الصوت لين يطلع في الشاشة كلمة Authorize بعدين اضغط على الفرار لين يطلع لك كلمة Enter Passkey بعدين خل جوالك يبحث عن البلوتوث حق السيارة بعدين اشبكه وبيطلب منك رمز سري اكتب 1212 وخلاص كذا يكون اتصل ان شاءالله وراح يظهر في شاشة السيارة مؤشر بطارية جوالك وقوة الإشارة أو الأبراج

منقول من الاخ افلون خاص .

أفالون خاص · 07-12-2008, 08:31 AM

شكراً اخوي سعد سعيد على نقل ردي

الطريقة واضحة جداً في دليل المسجل اللي في الدرج اتبعها خطوة خطوة وما يحتاج الوكالة وانا مسويها على Vx2 موديل 2008

ااالللساااحر · 07-13-2008, 12:15 PM

أتمنى أكون وضحتلك ونرجو منك الدعاء[/quote]

الله يجزاك الجنة مشكور وما قصرت

ااالللساااحر · 07-13-2008, 12:16 PM

سعد سعيد و أفالون خالص

مشكورين والله يجزاكم خير

المواضيع المتشابهه للموضوع: سؤال لأهل البرادو
الموضوع	كاتب الموضوع	المنتدى	مشاركات	آخر مشاركة
مقارنة بين البرادو وَ الجي أكس آر موديلات 2007	عضو جديد جداً	برادو Prado	10	05-12-2008 12:14 PM
سؤال لأهل الخبره,	فراس_ب	لاند كروزر Land Cruiser	1	12-27-2007 02:09 PM
عشر فوائد في صيام الست من شوال	الأسد المتوحش	المنتدى الاسلامي	14	10-17-2007 07:44 PM
افضلية الباثفايندر عن البرادو تكمن في النقاط	سمسميت	لاند كروزر Land Cruiser	16	07-13-2006 08:29 PM
لو سمحتوا كم سؤال عن البرادو	عـــــاشـق الــلا نـدكروزر	لاند كروزر Land Cruiser	12	07-11-2005 01:40 AM

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق