مراحب بكل الغاليين والغاليات ... حبايبي والله
ترى أنا من يوم عرفت منتداكم وانا متصفح دايم وكان سبب رئيسي لشرائي الساحره اليابانية ..
وراح أقولكم قصتي ...
أنا متأكد أني من أكبر الناس في المنتدى بس ماراح أقولكم عمري ...
وهاذي خامس سياره لي من الوكاله
لا تستغربون ... (( آخر رجل أفلوني ))
حبايبي .. قبل الأفالون كان عندي مرسيدس 320 اس 2000وبدت الخرابات وانا ما حب الكراجات
ولا اداني المراكض ورى السكراب .. فقررت أبيع الموتر واخذ سيارة من الوكالة ..
بس حيره والله حيره..
مطلبي سياره سيدان واسعه .. هيبه لاباس فيها .. قويه .. يابانيه(( بعد ذل الالمان ))
ترى اليابانيين فيهم خير ما عليك من عيونهم
بديت في زيارة الوكالات واسأل الربع هاه كيف وشو رايكم ..
اللي يقولي عليك بالهوندا الأكورد
ورحت وما دخلت مزاجي واللي يقول انفنتي 35 واروح وحسيت نفسي مايكل شوماخر بس منسم ..
واللي يقولك ماإلك إلا هيفا
وربي ما تركت وكالة الا وشديت الرحال .. (( ابن بطوطه وانا ما ادري)) ..
اخوكم ضاع في الطوشه ..
الى أن جاء اليوم اللي حصلت فيه واحد من الربع فالدوام ..
وكنت في حيره ومعتفس وكان على آخر اليوم .. وهو عنده آفالون 2007 .. قالي حرام عليك ..
قلت شو عسى ماشر ..
يقول تفكر ومحتار ياخي روح شوف الملكه .. وش هي الملكه ..
قال الأفالون ..
صدقوني حسيت أني غبي ساعتها
طيب وبعدين .. بس انا سمعت انها فيها مشاكل واصوات ومو ذاك الزود ..
وانت تسمع بس .. يااخي انا مجرب وانت تقولي اسمع ..
أقولك روح وادخل منتدى تويوتا فور عرب ولا تستعجل والشباب أكيد ما بيقصروا
وبتعرف كل شي ...تغديت فالبيت ومتعود انام بس قلت خلني ادخل هالمنتدى شوي وأنام .. عبالي سهله المسأله ..
القهر أن المنتدى أكد لي كل المشاكل اللي سمعتها
(( ترى منتداكم رعب حقيقي للي يريد يشتري آفالون ))...
مشاكل في مشاكل ... والفزعه تقول عنتر بن شداد .. والربع ضاغطين ..
بس في داخلي كنت أقول ترى المنتدى موجود للأستفسارات بس الشباب يضخمون الامور لانهم
محتاجين مساعده وبصراحه في ردود تبرد القلب وما أريد أذكر اسماء بس الشباب جزاهم الله خير واقفين وقفه على كل استفسار ..
المهم أنا رحت الوكاله وما لقيت السياره ...
وأستلمتني الموظفه وما شاء الله عليها (( تحطها على الجرح يبرى
)) ..
تحملتني وأسألتي الكثيره وأنا كل يومين ناطلها بالوكاله لغاية ما صارت عشره المسأله..
وآروح بعد ما آخذ شحنة المشاكل من المنتدى واقول نشوف الجي اس 300 أحسن .. ومره أقول خلينا في الأوريون..
طبعا
انا كنت دافع مبلغ الحجز وطالب لون ابيض لؤلؤي ..
تأخرت السياره ..
رحت لهم وآنا واصل حدي بس أول ما جلست ابتسمت لي وقالت لي تعال معاي ... (( هي ابتسمت وانا بنشرت ))
وفي الطريق بالمعرض تقول أنا بوريك سياره محجوزه بس صاحبها الظاهر كنسل الحجز واذا اعجبتك ترى من نصيبك ..
لان الؤلؤي راح يتأخر شهر
..
ومن أول نظره اعجبتني كأني أول امره اشوف السياره واللي زاد اني شفت لون
مميز (( بيج )) .. وركبت الموظفه على اليمين وقالت اركب وشوف السياره ..
الصراحه كنت خايف من التخشيب لان التخشيب السابق ما ارتحت له
والتخشيب الغامق صراحه يعطي هيبه ..
وكنت قلقان من الاختلاف بين سواقة الألماني والياباني والمواصفات اللي بالسياره ..
وهاذي بصراحه تجاوزتها بعد ما جربيت الأفالون ولقيت اكثر من 90% من المواصفات موجوده ..
ومساله صوت الهوى الخارجي وهو بصراحه فرق عن الألماني لكن مو نفس اللي يتكلمون عنه الشباب يعني عادي وفوق العادي بعد ..
واختلف علي التلفون صراحه ..
كان عندي تليفون بالمرسيدس استخدمه للمكالمات الدوليه وصوت واضح
وممكن انتر كم وممكن تستخدمه عادي بدون سماعه خارجيه ..
لكن هذي اتجاوزها عادي لان تلفون السياره اصبح موضه قديمه والموبايل شغال ميه الميه ..
اما النفجيشن ديكور ماله لزمه .. وانت عندك شاشة معلومات زي القمر بالسيارة
وش لك فالخرايط وعوار الراس
تريد خريطة عشان تروح بيتكم ..
عموما هاي طلتي عليكم واتمنى تقبلوني كآخر رجل أفلوني حتى حينه ..
