[أبو المعالي]

السلام عليكم ورحمة الله وبركاته

يا جماعة الربع تحية طيبة بالخير إن شاء الله كويسين

حقيقة أنا ناوي إن شاء الله بعد شهر من الاان بالظبط أشتري سيارة من عبد اللطيف جميل

ومحتار بين كورولا ( 2008 ) أو كامري ( 2007 )

طبعاً راح تستغرب وش جاب الكورولا جمب الكامري برد عليك وأقول :

السيولة وأنا اخوك تقريباً ( 60000 ) ( ستون ألف ريال فقط لاغير )

وشي أكيد أن المبلغ هذا ماراح يأهلني إني أشوف الكامري 2008 فضلاً عن إني أشتريها

فلذلك أنا محتار بين كامرى 2007 ( طبعاً مستعمل ومضمونه من عند أبو جميل )

أو كوكو 2008 ( الفئة السياحية من وكالة أبو جميل )

الزبدة ياجماعة الخير إني أبي الراي والمشورة وأبي الأجوبة على الأسئلة التالية :

مع ملا حظة ما يلي ( أسبوعياً أسافر 700 كيلو راح جاي ) بين الأحساء والرياض

1- ضع نفسك مكاني وش راح تختار وتقرر ؟

2- ممكن أحصل على كامري 2007 بهذا المبلغ نظيفة وطيبة ؟

3- نصيحة توجها لأخوك ؟


لا تبخلوا علي بآرائكم بارك الله فيكم أنتظر ردودكم

[سنين عمري]

والله يا اخوي انصحك بالكامري بما انها مضمونه من الوكاله لانها اوسع من الكورولا وافخم هذه غير الرساوه طبعا

[كااااامري اس اي]

و عليكم السلام ورحمة الله و بركاته

انت تقول انك راعي خطوط يعنى تبغى سيارة تتحمل الكرف و الكامري و الكرولا ما شاء الله ما عليهم كلام , سيارت

تكرف لين ما تقول بس , اذا انت معك عائلة خذلك كامري و اذا عزوبي هذا رأيي :

الكامري ما يختلف اثين انها أفضل من الكرولا بس الجديد له طعم خاص يعني اذا كانت الكامري شبه جديدة ( 10 آلاف كم و أقل ) توكل على الله وخذ الكامري أما اذا كان ممشاها كثير مالك الا الكرولا .

و لا تنسى الاستخارة و الرأي الأول و الأخير لك و بالتوفيق

تحياتي ...

[قووقل]

كااااااامري وبس

وان شاءالله انك بتلقى نظييف

بالتوفيق اخوي

[أبو المعالي]

أخوي سنين عمري وأخوي كااااااامري اس اي وأخوي قوقل

الله يعطيكم الصحة العافية وشاكر لكم مروركم واهتمامكم

وأنا أوافقكم الراي في أن الجديد ( له طعم خاص ) مافيه شك

لكني حقيقة نوعا ما أميل إلى الكامري المستعملة مع الضمان من وكالة عبد اللطيف

من وجهة نظركم :

1- الممشى المعقول للسيارة المستعملة إلى حد كم خصوصا الكامري 2006 و 2007؟ وياليت تعطوني تقدير للسعر ( توقعات)

2- كثر الكلام عن كامري 2007 وعيوب مصنعة وحذفه يسار وماني داري ايش وش رايكم ؟



لا تواخذوني على كثر الاسئلة والاستفسارات
أنا من يوم تعلمت السواقة إلى يومكم هذا وانا ماسوق غير أمريكي وما عندي خلفية عن الكامري فتحملوني شوي

[كااااامري اس اي]

المشاركة الأصلية كتبت بواسطة أبو المعالي

أخوي سنين عمري وأخوي كااااااامري اس اي

الله يعطيكم الصحة العافية وشاكر لكم مروركم واهتمامكم

وأنا أوافقكم الراي في أن الجديد ( له طعم خاص ) مافيه شك

لكني حقيقة نوعا ما أميل إلى الكامري المستعملة مع الضمان من وكالة عبد اللطيف

من وجهة نظركم :

1- الممشى المعقول للسيارة المستعملة إلى حد كم خصوصا الكامري 2006 و 2007؟

2- كثر الكلام عن كامري 2007 وعيوب مصنعة وحذفه يسار وماني داري ايش وش رايكم ؟

لا تواخذوني على كثر الاسئلة والاستفسارات
أنا من يوم تعلمت السواقة إلى يومكم هذا وانا ماسوق غير أمريكي وما عندي خلفية عن الكامري فتحملوني شوي

أنا أشوف الممشى الطبيعي للسيارة في 2006 ( 30 - 50 ألف كم ) 2007 (10 - 20 ألف كم ) بس اذا انت تبغى سيارة تعيش معك و تآخذها مستعملة عى أساس انها جديدة أكيد راح تآخذ المستوى القليل من الممشى و طبعا هذي الأمثلة الي ذكرتها يعتبر ممشاها قليل لأنه في سيارات 2008 ماشاء الله تبارك الله ماشية أكثر من 100 ألف .
و اذا كنت خايف من الحذفة أنا أقولك لا تخاف , أنا ما جربت كامري 2007 بس أتوقع نفس 2008 و2008 ماشاء الله ما فيها لا حذفة ولا شي و لو فيها حذفة ما كانت ما شاء الله تارسة الخليج كله مو بس المملكة , أنا ما حذفت معي غير مرة وحدة لمن دقيت الكفر في الرصيف و رحت الوكالة سويت ميزان للكفرات ب 180 ريال رجعت ما شاء الله زي الفل .

تحياتي ...

[أبو المعالي]

مشكووووووور أخوي كااااااامري اس اي

بيض الله وجهك وماقصرت

وأنا متأكد إنك نسيت تجاوبني وتحط توقعاتك إنت والإخوان

حول سعر الكامري 2007 إلى ماشية بين 10000 والـ 20000 كم ؟

[أوريون دمشق]

السلام عليكم
مثل رأي الشباب
أخوي أنا أنصحك تاخد الكامري ولو كانت مستعملة (10000-15000 ) لأنو زي ماذكرو الشباب أوسع وأقوى
وبعدين أفضل لك على الخط ذي ماذكر أخي(كامري اس ايه)

أنشأ الله موفق

[كااااامري اس اي]

معليش أخوي أبو المعالي بس الأسعار و الله ما أعرفها

تحياتي ...

[أبو المعالي]

بارك الله فيك وما قصرت