[مدريدي الهوى]

سلام عليكم شباب

عندي سؤال خصوصا لاهل الذوق ..


بالنسبة للافالون 2008 اللؤلوي وش احلى مع الجناح او بدون جناح ؟؟

انا اعتقد اذا فيها جناح يعطيها لمسة شبابية شوي

وش رايكم انتوا ؟؟


سؤال ثاني اخواني عن مقاعد الجلد بلون البيج ...

تتوسخ بسرعة ؟؟

تعرفون مواد تنظيف او رش معين جيد لازالة البقع


وشكرا على مروركم

[القعقا ع]

بالنسبة لنا يالشياب الجناح صار موضة قديمة واي جناح اشوفه على أي سيارة اشبهه على سيارات الفلبينين

[الكنــــــــج]

بالنسبة لي افضلها بدون جناح

[مجنون أفااالون]

افضــل السياارة بدون جنـــاح . . واعتقد مثل ماقال القعقاع موضه قديمه ايام الكرسيدا ..

وبالنسبة لمواد التنظيف ,, مريت محل زينة و لقيت عنده ميجوارز Meguiars صررراحه رهيب و سعرهـ زهيـــد الظاهر بـ 45 ريال للعلبــة بس ينظف تنظيف ماعليه كـــلام . .

تقبل مروري

[الكـويت]

انا اخالف الاخوان افضلها بجناح لانه سيارتي كانت بدون جناح وحسيت الدبه (الشنطه) ناقصها شي يسد الفراغ وطلعت احلى بكثير

بالنسبه للي يقول انه موضه قديمه او تبع الكرسيدا جناح الافالون يجي صغير لازق بالدبه يعني اهو ماراح يحط جناح موستنق ولا اوريون مرتفع

والراي الاول والاخير لك

تحياتي

[فــلان]

أأيد الكويت مية مية
الأخ ماسأل هل هي موضة أو لأ
هو قال أحلا أو لأ
وهي بالجناح أحلا
بدون أحسها مقرعة .. مافيها شعر

[مجنون أفااالون]

المشاركة الأصلية كتبت بواسطة فــلان

أأيد الكويت مية مية
الأخ ماسأل هل هي موضة أو لأ
هو قال أحلا أو لأ
وهي بالجناح أحلا
بدون أحسها مقرعة .. مافيها شعر

قااااادر !!

[اس اس اس]

والله ياشباب ماعجبني الجناح على افالون افضل بدون واحلى كمان وجهة نظري

[الكابتن ماجد]

لو ألقى جناح للأفالون ركبته على طول وبدون تردد

المشكله ان الوكيل في السعوديه يجيبها بدون جناح

بكل اختصار الجناح عالأفالون معطيها شكل ثاني

[ابو ملوكه]

السلام عليكم
انا اقول احلا بدون جناح وشكران اخوي مدريدي على الموضوع الحلوو

[آخر رجل أفلوني]

سؤال في وقته ... أنا متردد أركب جناح أو لا بس رأيي أن الجناح رهييب ويعطي شكل حلو على الافالون ..
بعدين هو وكاله مو اي كلام تجاري .. يعني يعتبر شد بلد
وجاي على موديلات الأمارات وأمريكا ..

[قلب أفالوني]

بس صدوقوني يا اخوان لو كانت الفل اوبشن عندنا في السعوديه بجناح كلنا حنطلب الجناح وحنقول الجناح افضل


تقبلو مروري

[مدريدي الهوى]

أشكركم اخواني على الردود وآرائكم المختلفة

طبعا معروف جناح الافالون مو كبير بالعكس صغير جدا ( نقدر نسميه جنيح خخخخ )

بالنسبة للجلد اللون البيج اخواني ..

انا شفت سيارات جديدة والله يتوسخ جلدها البيج وخصوصا من عبايات الحريم

هذا مو كلام فلان او علان انا شايف بعيوني وسامع من راعي محل تنظيفات يقول تجيني حتى لكزسات وتكون عليها بقع عبايات ( بالخصوص اذا السيارة تسوقها حرمة )

تعرفون طريقة حماية للجلد منظف الخ الخ ؟؟


افيدونا

[نواف البريكي]

بدون جناح افضل

[السـ(الناري)ـهم]

في البدايه احب اشكر اخوي على الموضوع

بس مستغرب من اراء الاعضاء

اتذكر على ايام بداية المنتدى الاعضاء كانو يتسألون عن جناح الافالون

كيف يشترون جناح الافالون

وكان الكل متلهف يبي يركب الجناح

بسبب شكله وجماله ويعطي للموتر هيبه

اما الحين اشوف الكل يقول الافالون بدون جناح احلى

انا ما اقول لي اني مركب جناح

الحقيقه تظهر اذا شفتو مواضيع التي تخص بالجناح

وانا الحمدالله انا واحد مركب على سيارتي

وسعره 1190 ريال قطري

وهو متوفر عندنا بقطر بحبات قليله

واذا مافي تقدر تطلبه

وياخذ بحدود شهرين

ويوم ركبته الكل من يشوفني يقولي من وين ماخذ الجناح

وبعضهم ناس ما اعرفهم يقفوني عشان يشوفون الجناح ويمدحونه يقولون لي طلعت الافالون سبورت من الخلف

بس لو تكرم اخوي راعي الموضوع يضع صور سيارتي في موضوعه عشان اتعرف الناس اشلون شكل الافالون بالجناح

وهاي رابط موضوعي بخصوص الجناح اللي يحب يشوف

ولا تنسون تشوفون رود لاعضاء شنو قالو عن الجناح

سـيـارتـي الافـالـون بـالـجـنـاح

[ابو ريمـــــــا]

والله ياخوي اشوفها بدون جناح افضل ..وبالنسبة لتنظيف الجلد فيه شركة اسمها Meguiars ولهم موقع على النت http://www.meguiars.comوانا شريت من عندهم منظف للجلد على شكل كريم وميزته ينظف الجلد وينعمه ..تحياتي لك