[! عاسف المهرة !]

السلام عليكم ورحمة الله وبركاته

تعرفون جو الرياض الخطير


والبرد اللي خطر نتجمد منه :d



وناوي اظلل الكامري عازل حراري كامل على الموتر

نصحوني ناس بشركات كبار لكن خير ب1500 وفوق والله لو اني بركب ذهب


وابي شوركم

[ماي دريم التيما]

اخوي لا يهمونك


تخيل بدفع هالمبلغ

لو يقولون لي 500 والله العظيم ما ادفع على تضليله

انا اقولكـ اخوي الشمس لا بد منه والعزل هو هو ما يختلف من شركه إلى اخرى

اوانا اعرف محل بالنسيم الشرقي نهايه شارع احمد بن حنبل روح يسار محل لوحته حمراء ناسي وش اسمه

يضلل لك السياره كامله عازل بأقل من 60 ريال

وبعدين لا تقولي شغل خرابيط وما ينفع


انت شف بالنهايه بيقفونك تفتيش وبيقولون لك اقشعها

ازين من انك تروح وتدفع 1000 ريال على شركه تظليل

بالاخير تبي تقشعها بعد كم سنه

او يقشعونها لك التفتيش

[حاااالم]

مالك الا الي عند محلات الزينة واذا ودك بفي كوول مثلا

ظلل تظليله ملونه على حسب سيارتك ابو 60 ريال وحط طابعة في كول

احسن لك من 1500 ريال

[نافيقون]

فيه محلات بالغرابي تظلل لك تظليل أمريكي عازل

مع تحياتي

[كورولا القطيف]

ظلل ابو 60 ريال مثل ماقالو لك الشباب احسن لك
اسمعها مني ..
تقبل مروري

[! عاسف المهرة !]

والله هذا اللي افكر فيه


بس

[-فارس-]

في تظليله ممتازه في الغرابي

وهي عازل حراري وامريكيه وقيمتها للسياره الصغير من 120 الى 150


مجربها على اكثر من سياره والنتيجه جيده

[عاشـــق اللاند]

انصحك ضلل 50 بالميه امريكي اسود او ياباني والله افضل لك وسعره مقدور عليه مايتعدى ال100 ريال افضل من تضليل الشركات الكبار لانه غالي ولا يعزل الحر زي مايقول مجرد يعكس اشعه الشمس والتضليل حق شارع الزينه يمنع عنك دخول الشمس وراح تبرد عليك المكيف

انا مضلل سيارتي لها شهر وشوي والحمدلله براد بعز الظهر