[أبو المعالي]

السلام عليكم ورحمة الله وبركاته

ياشباب الله يعطيكم الصحة والعافية

بس عندي استفسار إذا ممكن تفيدوني الله لا يهينكم

أولا : هل راح يكون فيه عروضات ( خصومات في السعر ) على موديلات 2008 بالنسبة للكامري


عند عبد اللطيف جميل في شهر رمضان.......( الله يبلغنا وياكم الشهر الفضيل ) آآآآآآمين

ثانياً : والخصومات في حدود كم تقريباً من خلال السنوات الماضية ( ممكن تصل إلى 5000 )

بمعنى أخر ( لو انتظرت إلى رمضان هل راح استفيد )

ودمتم بصحة وعافية

[وسام]

اكيد انشالله تستفيد وحيكون عروض مغريه

[المنسق]

اصبر الى الشهر الكريم

انا مثلك مخلي مشتر ى الموتر في رمضان عشان يتبارك بالشهر الفضيل

[أبو المعالي]

بارك الله فيكم وشاكر لكم مرورك

[ميثاق]

ملاحظه يا خوان
الوكلاء مايخفيكم شغلهم مايسوون شي لله او حب في الزبون
عموما اللي بينتظر او بيشتري اي شي في وقت عرض مغري او خصم قوي يتأكد احتمال تكون طريقة تصفية بطريقة دبلوماسيه يعني مواتر طايحه في كبودهم ويبون يمشونها اللي بيعزم ضروري يتأكد من تاريخ الإنتاج وينفض الموتر فوق حدر قبل يوقع اي عقد وقبل يدفع ريال ترى التجار يلعبون على ثقيل يدرسونها دراسه

مجرد ناصح

تحياتي لكم

[المنسق]

طالع عمرك انا ما اتفق معك


الوكيل لو يبيعك بنص السعر ربحان

[الضمير الحي]

انتظر الى رمضان


والسياره وحده في رمضان والا قبل رمضان

لكن في رمضان يسوون تصفيه عشان المودجيل الجديد


نصيحتي انتظر بتفرق معاك كثيرررر

[أبو المعالي]

ومنكم نستفيد,,,شاكر لكم جميعاً

وبالنسبة لأخوي ميثاق نصيحته مهمة للغاية والمطلوب من الزبون أنه يفحص السيارة في وقت التصفية وغيرها

لكن في وقت التصفية يكون الفحص أدق

[عمرين العمري]

من صبر أكل طيب