[تويوتــــــــــ]

السلام عليكم
لاحظت في الفترة الاخيرة خروج دخان ابيض من شكمان اللاندكروزر مع العلم ان العزم ممتاز ومافيه اي تغيير الا خروج الدخان الابيض
وش تتوقعون السبب مع العلم ان السيارة موديل 98 بنزين

[راع الحيزى]

تخبيط !!
لحق موترك قبل لاتنعدم عليك المكينة مرة وحدة !!

الله يستر عليك

[نــواف]

اخي العزيز ... احتمال كبير جدآ ان محرك السياره مستهلك ويحتاج توظيب , والدخن الابيض بسبب استهلاك حلقات المكابس وتهريبها للزيت مما يؤدي الى اشتعاله مع الوقود وخروج الدخان الابيض

[علي بن عايض]

المشاركة الأصلية كتبت بواسطة نــواف

اخي العزيز ... احتمال كبير جدآ ان محرك السياره مستهلك ويحتاج توظيب , والدخن الابيض بسبب استهلاك حلقات المكابس وتهريبها للزيت مما يؤدي الى اشتعاله مع الوقود وخروج الدخان الابيض

تمام مثل كلام اخوي ( نواف ) بارك الله فيه و فيك

ان شاء الله السيارة ما فيها الا العافية بس عجل على مفاقدة و صيانة المكينة قبل لا تكبر المشكلة

الله يكون بعونك

[تويوتــــــــــ]

اليوم رحت للمهند س وقال انها جلدة البلوف ولازم عشان تتغير ينفك راس المكينة كامل ويقول مو لازم تصلحها

بعدين الدخان يطلع اذا دعست بنزين بالقوة بس وبسيط جدا

[أبوسعــد]

أخوي هذي جلد بلوف وانا غيرتها في سيارتي جيب 97


والحمدلله تمام


وحسب كلام الميكانيكي مافيها ضرر اذا تركتها

ولكن منظر الدخان يضايق شوي

والزيت ينقص بعد خمس آلاف

..............................



أنا أنصحك بتغييرها

بس شوف لك ميكانيكي مظبوط
ومره وحده غير وجيه الراس والثلاجه ..

موفق إن شاءلله . .

[تويوتــــــــــ]

انا خايف ياخوي ابو سعد لاانهم بيفكون راس المكينة وخايف ماترجع زي ماكانت
حرام السيارة ماشية 170 الف وتنفك مكينتها

[أبوسعــد]

يخوي لاتخاف ولا شي

وانا غيرتها وسيارتي ماشيه 200 ألف الوضع طبيعي ان شاءلله

واذا تبيني ادلك على ميكانيكي مظبوط في مكه

الي سويت فيه سيارتي

ابشر


تحياتي . .

[مصرقع الشرقية]

هي زبدة يبيلها توظيب ولا تركب شي ولا توديها ورش لين ما توقف المكينة من نفسها ذاك الوقت وظبها

وترى افيدك انها تصير تنقص زيت اكثر وعزم يقل تدرج بس انشاء اللة تقعد معك فترة طويلة