شوفو شباب يمكن انا رديت على مواضيع الشباب بخصوص الدبل للاف جي بس حبيت احطيه بشكل مستقل نظرا لاهمية استخدامه بالاف جي بس انا بخبركم بالعاميه وعن الصحراء وكيف تتعامل معاها لان هالشي مهم عدنا اكثر من المنحدرات والجبال وغيره شوفو شباب الاف جي غير عن بقية كل السيارات ذات الدفع الرباعي بسهوله لو ماتبي تغرز بالمرة بالرمل ركب الدبل بال H4 وخفف هوا الاطارات ل 15 وامشي السيارة ماشالله عليها مول ما تغرز , والدبل بها الوضعيه خفيف عالمكينه خاصة لما ضغط الاطارات يكون خفيف لما تبغي تصعد تلال رمليه حط الدبل على الوضع الجبار L4 اصعد بكل سهوله بس لاتنسى ترجع الدبل بسرعه لوضعه العادي بعد ما تنزل لاتحاول تصعد وايد والدبل على هالوضعيه لانه خطير عالموتر نحن نسمي الوضعيه L4 للفزعه لاتشيل ريلك من الريس ونت تصعد الا للضروره ولا تضرب بريك ابدا الا للضرورة القصوى وطبعا لاتخاول توقف بنص الرمل الا لفزعة راعي النيسان لو مغرز ( ههه) لو انغرزت السيارة بالرمل لاسمح الله: هناك خطوتين لتحررها : 1 حط الدبل L4 ورجع القير لنمرة ال L وامشي ببطء بتتحرر السيارة لاتهوس بسرعه عالريس ترى بتواجه مشاكل الخطوة 2 : للي عندهم A Trak حط الدبل على L4 وهوس A Trak نت والخير ربع لان هالزر فايدته يوزع قوة الدفع عالتواير مثال لو التاير الامامي يمين يدور بدون مايلامس الارض يمنع دورانه ويوزع القوة على 3 تواير ولو التايرين يدورون يمنع دورانهم ويوزع القوة على ال2 الاخرين وبجي تظهر السيارة من الغرز عندك قفل الدفرنشن المفتاح اللي بجانب Atrak اسمه Defren Look ها يغلق التايرين الخلفيين عن الدوران يعني لو التايرين اللي ورا يدورون بالرمل ركب الدبل L4 وحطه عالدفرن لوك بيتحررن التواير الخلفيه مع ملاحظة ان ال A Trak وقفل الدفرنشن مايشتغلون الا والدبل في وضع L4 ولاتخاف يوم بتركب الدبل L4 بتظهر لك بالشاشه لمبات صفر وايد مثل نظام التحكم بالسيارة ما بيشتغل وبعد نظام البريك سستم كله بيظوي اصفر وبمجرد ترد الدبل وضعه العادي بيردن يشتغلن الاف جي بالرمل ماله شبيه واسال مجرب ولا تسال طبيب
شوفو شباب القير طبعا اوتوماتيك والدبل عادي لو تبي تحط الدبل عال H4 في طريقتين الاولى تركب القير بالn وترجع الدبل لل H4 الطريقة الثانيه اللي افضلها تروم ترجع الدبل H4 ونت تمشي من 1 ل 60 كيلو ( اقصد السرعه) بمعنى القير بال D وترجع الدبل عادي للخلف نمرة وحده وبيظهر لك ليت الدبل شغال لو تبي تحط الدبل ( L4) قوة قصوى لازم توقف السيارة وتحط القير بال (n) ولو تضغط عالفرامل قبل لاترجع الدبل لها الوضعيه احسن عسب مايطلع صوت تعشيق القير وضعية الدبل الدبل العادي يكون عال H2 هاي الوضعيه العاديه السيارة هني تمشي عتايرين الحين الدبل طبعا مو شغال لما ترجع الدبل للخلف والسيارة واقفه او تمشي اقل من 60 كيلو مثل ماشرحت يكون الوضع H4الدبل شغال لوحركت الدبل يمين وصعدت فيه شوي لاعلى بيكون الوضع N وهني مايعطي قوة بس تهياه للدبل القوي اللي فوقه لو تبي الديل القوي حرك الدبل للاعلى طبعا بعد مايكون بال N حركه لفوق بيصير قوي جدا والسيارة بتثقل وبيغلق جميع الانظمه بالسيارة مثل نظام بريك سستم ونظام التحكم بالسيارة وغيره هالوضعيه اسمها L4
الموضوع طبعا حصري ونتيجه لتنبيه اختي بنت الخران اللي بينقل يحط المصدر شكرا
التعديل الأخير تم بواسطة : ملك الاف جي بتاريخ 07-14-2008 الساعة 06:45 PM.
شوف الغالي لما تبي تحط الدبل L4 حط القير بال P او ال N ونا افضل ال N ودوس بريك بعدين حطه L4 ونت والخير ربع
طبيعي بتسمع صوت تعشيق الدبل لانك ماحطيت الدبل بشكل صحيح, الصوت مزعج ويقطع القلب لان الصوت قوي بس ها شي عادي ما ياثر لان الدبل ماركب صح
طبق الطريقه اللي خبرتك فيها ومابتسمع صوت
باي
التعديل الأخير تم بواسطة : ملك الاف جي بتاريخ 07-13-2008 الساعة 10:03 PM.
شوف الغالي لما تبي تحط الدبل L4 حط القير بال P ودوس بريك بعدين حطه L4 ونت والخير ربع
طبيعي بتسمع صوت تعشيق الدبل لانك ماحطيت الدبل بشكل صحيح, الصوت مزعج ويقطع القلب لان الصوت قوي بس ها شي عادي ما ياثر لان الدبل ماركب صح
طبق الطريقه اللي خبرتك فيها ومابتسمع صوت
كل مايخص التعامل مع دبل الاف جي 
