[راعي الفتاك]

انا ما اعتقد ان الـ2009 بيتغير شكله لان السيارة توها يديدة
و اذا بيتغير فيها شي الاسطابات و التخطيط بس
مثال: شو الفرق بين الـ2006 و الـ2007

[ابومشبب]

يا اخوان السعوديه ,ودول مجلس التعاون ليس فيها تلا عب في الاوراق الجمركيه
هذه ليست دول افريقية
اذا شريت راح يكتب في الاستمارة 2009 وغير ذلك مستحيل يسجل في الكمبيوتر
لذلك اتوقع انه صحيح نزول 2009

[الحجيلان]

الله العالم إنه تصريف لموديلات 2008 اللي نشبت بحلوق المعارض وأكيد ضبطوا الوضع مع الوكيل وخدمهم بهالموضوع عن طريق اصدار بطاقات جمركية على أنها 2009 ..


حسبي الله عليهم وهذي السالفة ماهي غريبة لأني قلتها قبل كذا وبالتحديد قلت إن المعارض أكلهم ابو جميل مقلب ولبسهم كل المخزون علشان نهاية السنة مايكون عنده مخزون ينشب له ..

[أبوحمد]

صبر جميل والله المستعان

يـــــــــا إخوان إلى الان كل هالسيارات المعروضه بليتتها شهر 6 / 2008 وعلشان تصدقوني ,,
أول دفعة لموديلات 2008 كانت شهر 7 / 2007 وأتحدى واحد يجيب لي شكل 2008 وببليته 6 / 2007

والاخوان جايبين صور لبليتة 6 / 2008 ويقولون مواصفات 2009 !!!! بأي منطق ؟؟؟

وملاحظة أخيرة ياليت واحد يروح يشتري من هالمواتر وأتحداهم يكتبون له بالاستماره 2009 لا الجمارك ولا الحكومة ولا الوكيل يقدر يسويها ..

والحركة هذي فقط لشد أنتباه الناس ,, وبعض المستعجلين بياخذون السياره
وتأكدوا أن في ناس كثير ما يفهمون بالسيارات مثلكم يعني اللعبة بتمشي عليه وبيتفاجأ في الاخير بأن أوراقه 2008 !!!

وبعدها غصب عنه بيسكت ويبلعها

[فزة الصحراء]

امس كنت بالمعارض وفعلا كثير من المعارض الكبيرة حاطين ورقة على القزاز الامامي وكاتبين 2009 وحاطين الموتر بوجه المعرض لشد الانتباه

سألت راعي المعرض وش الفرق قال زي ماتشوف مافيها فرق قلت طيب السعر قال الى الحين ماجتنا تسعيرته

بس يمكن يفرق 15000 ريال عن 2008

بس ياناس معقولة حتى الخطوط ماتتغير هذا الشي مايصير ابد ولا صار من قبل

[أسامه]

السلام عليكم

هل تتكلمون عن الخليجي عموماً ؟ أم عبد اللطيف جميل ؟

لأني أنا لفيت المعارض برجليني وكان الخليجي شحيح جداً جداً!!!

فهل يعقل بعد أسبوعين تتوفر مباشرة...؟؟

وبالنسبة للأسعار اليوم اتصلت على معرض نجد لكي أتقصى عن الأسعار.

اتصلت وسألت عما إذا كان اللاند 2009 متوفر لدى معرض نجد وأجابني بنعم

أما عن الأسعار فقال لي أن الجي إكس آر 2008 بـ212000 وأخوه بالضبط 2009 ((ونفس المواصفات)) بـ135000

والحمد لله على كل حال والله يعين على هذه الارتفاعات الغير محكومة أبداً أبداً أبداً

شكراً لكم

[حسونه]

الحمد لله على نعمت العقل
إذا كان لا يوجد فرق بينه وبين الــ2008
لماذا أزيد 15,000 ريال

[شرق الصمان]

ذهبت إلى معارض النسيم اليوم الخميس وفعلا وجدت لا ندكروزر 2009 البريمي فقط الغريب أنه لم يتغير فيه أي شيء عن 2008
فعلا شيء غريب شكله نصبه من المعارض لتصريف سيارات 2008 قبل نزول 2009

[سـفـيـر]

ماهو لدرجة غباء انهم بيحطون 2009 وهو 2008
كنت اتوقع انهن ينزلن هالشهر هذا

بس اكيد فيه تغييرات ميكانيكية او اي شي كان عيب في 2008

[محمد عيسى]

هل معقولة خلال هذه الفترة يصل 2009 والان في شهر 7 من العام ما اتوقع ينزل 2009 ولكن والله العالم هذا استغلال من اهل المعارض على شان يصرفون اللي عندهم خصوصا بهذه الاسعار المرتفعة واحتمال بعد انه عندهم علم انه راح يجي 2009 بمواصفات افضل واستخدم هذا الاسلوب في الترويج ، بأختصار السالفة فيها شي غير صحيح والله العالم

[عـاشـق ربـع]

المشاركة الأصلية كتبت بواسطة أبوحمد

صبر جميل والله المستعان

يـــــــــا إخوان إلى الان كل هالسيارات المعروضه بليتتها شهر 6 / 2008 وعلشان تصدقوني ,,
أول دفعة لموديلات 2008 كانت شهر 7 / 2007 وأتحدى واحد يجيب لي شكل 2008 وببليته 6 / 2007

والاخوان جايبين صور لبليتة 6 / 2008 ويقولون مواصفات 2009 !!!! بأي منطق ؟؟؟

وملاحظة أخيرة ياليت واحد يروح يشتري من هالمواتر وأتحداهم يكتبون له بالاستماره 2009 لا الجمارك ولا الحكومة ولا الوكيل يقدر يسويها ..

والحركة هذي فقط لشد أنتباه الناس ,, وبعض المستعجلين بياخذون السياره
وتأكدوا أن في ناس كثير ما يفهمون بالسيارات مثلكم يعني اللعبة بتمشي عليه وبيتفاجأ في الاخير بأن أوراقه 2008 !!!

وبعدها غصب عنه بيسكت ويبلعها

كــلام 100%

[البيـرق]

مريت على المعرض..........وسألته

السيارات كلها مواصفات خليجية..............

واخبرني انه قد باع بالامس واحد ب 230 الف...بدون ونش...والي بونش 2008 فل 210 الف

وان الموديل مسجل بالاستمارة 2009.......(ابو حمد) تعقيبا على رأيك هل تذكر

موديل 2006 متى نزل........نزل في اول الصيف تقريبا في نفس الوقت....وانا بعد مده شريته في اول شهر رمضان

فليس علينا قياس نزول الموديل الجديد......بموعد نزول ال2008.........

آمل ان تكون الصورة واضحة.............

[بروغه]

مشكوووووووووووووووور على الصور + الموضــــــــــــــــــــــــــــوع ^^

[الافق]

فعلاً .. تم نزول 2009 لاندكوزر في معارض الرياض الشهيرة بدون تغيير عن الـ 2008 م فقط ارتفاع بالسعر تقريباً 15000 ريال او اكثر بقليل .. ويكتب في استمارة السيارة 2009 م


تحياتي

[أبوحمد]

المشاركة الأصلية كتبت بواسطة البيـرق

مريت على المعرض..........وسألته

السيارات كلها مواصفات خليجية..............

واخبرني انه قد باع بالامس واحد ب 230 الف...بدون ونش...والي بونش 2008 فل 210 الف

وان الموديل مسجل بالاستمارة 2009.......(ابو حمد) تعقيبا على رأيك هل تذكر

موديل 2006 متى نزل........نزل في اول الصيف تقريبا في نفس الوقت....وانا بعد مده شريته في اول شهر رمضان

فليس علينا قياس نزول الموديل الجديد......بموعد نزول ال2008.........

آمل ان تكون الصورة واضحة.............

أخوي الله يطولي بعمرك لا تربط بين الشهور الميلادية والهجرية يعني بعام 2006 شهر رمضان يصادف أي شهر ميلادي

ومن خلال ملاحظتي بالسوق دائما الاشكال الجديدة تلقى بليتتها شهر 7 وإلى الان لم يصل أي كروزر ببليته شهر 7 لأن أحنا فيه !!!!

أما عن الاستماره فهذا يعتبر غش وتحايل وغشامة !!!! وشلون سياره منتجة بنص السنه بشهر 6 ويسجلونها للسنه الجديدة ؟؟؟؟

عموما ماراح نزعل على بعض لكن أنا عن نفسي بتأكد أن 2009 لم يشهد أي تعديل حتى على الخطوط إلا إذا شفت البليته حق شهر 7 أو 8 بالكثير لأن مواصفات السياره للسنه الجديدة تنزل بشهر 7 ميلادي وفوق .

[اسـتـرجـاعـهـا]

المشاركة الأصلية كتبت بواسطة أبوحمد

أخوي الله يطولي بعمرك لا تربط بين الشهور الميلادية والهجرية يعني بعام 2006 شهر رمضان يصادف أي شهر ميلادي

ومن خلال ملاحظتي بالسوق دائما الاشكال الجديدة تلقى بليتتها شهر 7 وإلى الان لم يصل أي كروزر ببليته شهر 7 لأن أحنا فيه !!!!

أما عن الاستماره فهذا يعتبر غش وتحايل وغشامة !!!! وشلون سياره منتجة بنص السنه بشهر 6 ويسجلونها للسنه الجديدة ؟؟؟؟

عموما ماراح نزعل على بعض لكن أنا عن نفسي بتأكد أن 2009 لم يشهد أي تعديل حتى على الخطوط إلا إذا شفت البليته حق شهر 7 أو 8 بالكثير لأن مواصفات السياره للسنه الجديدة تنزل بشهر 7 ميلادي وفوق .

انا معاك في النقطة هذي ا