[بيبي مايباخ]

السلام عليكم
كيفكم شباب ان شاء الله بخير
عندي استفسارات بسيطه واللي عنده اي معلومه((بالامانه)) اتمنى الرد وربي يوفقكم ان شاء الله عن موعد نزول لكزس 460 موديل 2009 خصوصا انه تم نزول جيب لاندكروزر بالمعارض موديل 2009 وهل قريبا يعني اسابيع او بالكثير شهر وتنزل 2009 لكزس 460 ولالا واتمنى اذا في معلومات عن اي فرق او اي عيب تفيدوني انا ناوي اشتري وخصوصا لما رحت ابو جميل قالي بـ340 وعند المعارض تتراوح مابين 310 الى 320 والفرق تقريبا 30 الى 20 الف مو شي بسيط لو في فرق ولالا اتمنى الافاده
اخوكم/ بيبي مايباخ

[شكمان ابوكنداسه]

اذا كان جيب لكزس 2009 نزل في المعارض


فيعني انه 460 2009 بتنزل بعد شهر او شهرين

[بيبي مايباخ]

ابو كنداسه مشكور على الرد حبيبي بس شهر تقدر تقول قريب او نتحمل بس شهرين ترى بالعقال والله مصخوها عاد

[عبدالعزيز !!]

أخوي نصيحة من أخ لأخوه أنحش من 460 والله كانك تسوق هايلكس

ومشاكلهم الا الآن ما حلوها على كلامهم أنهم بيحلون مشاكلهم موديل 2008

بس الظاهر ما حولك أحد تبي نصيحتي

إستنى إلى تنزل BMW الفئة السابعة موديل 2009

بتقول ل البانورما إرتح والله أنا مفكر إذا نزلت أبيع 460 وإشترى BMW

والله يدلك على كل خير بس إنحش من 460

[بيبي مايباخ]

وش فيكم خوفتوني من السياره انا كان معاي LS430موديل2005 توب التوب في كل شي والان معاي ES350 موديل2007 وان شاء الله بشتري 460 موديل 2009 بس قولولي وش المشاكل اللي خلتكم تكرهون السياره هاذي مع اني اشوفها هي القمه

[لكزس ألترا]

السلام عليكم .. شحالك اخوي ؟ ان شاء الله مرتاح ؟

أنا سألت قبل يومين الوكيل عدنا بالإمارات ما يعرفون ما موعد نزول الـ 2009 ..

الصراحة انا كنت أعشق الـ 460 .. بس من خلال تجارب الناس ..

ويقولك (( أسأل مجرب .. ولا تسأل طبيب )) .. شفت ان الـ 460 عطوووه السعر اللي ما يستاهله ..

والدعاية عنه كانت أكثر عن حجمه .. ويكفيك الصراحة شهادة اخونا عبدالعزيز .. وانا كنت مثلك كنت ناوي عليه ..

بس غيرت .. وناوي على 750Li موديل 2007 أو 2008 .. والله فخامة .. رساوة .. ويكفي شعار بي ام الصراحة ..

ياخوي تحس انك حاط سعرك فموتر فخم يستاهل .. والسموحة اذا طولت فالكلام ..

[اللكزس المجنونه]

بسم الله الرحمن الرحيم
أول شي ليه ال 460 عطوها أكثر من سعرها بالعكس معطينها أقل من سعرها المفروض تصير ب(((400000))
وما فوق أنا ماأنكر انه صار ب2007 خرابات ودنيا بس (الدفعة الثانية)ماكان فيها شي على حسب كلام الناس
اما أنا مجرب 2008 شعارها (لا خرابات بعد الآن) وفخامه وتعطيك أنا مشت معي حول العشرين ألف ماقالت أح
وفي((((((6)))))))) شهور!!!!!!!!!!!!!!
أخوكم
(اللكزس المجنونة)

[نديم الطيف]

اختلف العلماء


رجاء شباب كل واحد يكتب تجاربه عن السيارة ومانبي نصائح (عاطفيه) لانكم كذا بتضيعون مستقبل الرجال وفلوسه

[الدب القطبي]

ماشاء الله سيارة لايعلى عليها توكل على الله وطقها اخوي ولاتشاور او تحاتي على قول الكوايته واتحدى اطلق سيارة المانية تكرف كرفها وتتحمل اجوائنا القاسيه مثلها وتمسك سعرها غير الكزس معي الان وحده فاكها بقراطيسه جديده ماشيه فوق 72 الف وزي الحلاوة ماشاء الله لاقوة الا بالله وماأذكر انى وديتها غير للزيت و اغسلها فقط ولله الحمد..


تحياتي..

[وليد الخالدي]

نصيحتي انك تفكر بسيارة تعطيك قد ماانت دافع فيها دم قلبك ,,, 460 ماتستاهل وربي ماتستاهل

خلينا من موضوع عملية وتمسك سعر ومدري كيف؟؟؟؟

ابي شغلة وحدة تضمنها لي شركة لكزس واكون راضي

ابي احس اني راكب سيارة فخمة فيها سبل الراحة وبس

ياعمي صوت الزفلت فقع اذوننا تقول راكبين هايلوكس وتمشي على ردمية

غيرنا طقم كفرات جديد وافظل نوع بعد الي هو مشلان والمشكلة طلعت مو مشكلة كفرات!!!! مع العلم ان ماشلان انعم واجود كفرات,,,, وماغير خسٌرت نفسي واشتريت كفرات جديدة وكفراتها اصلا جديدة بس قلت لعل وعسى تروح المشكلة وللاسف ماراحت ,,,,الظاهر ان ال460 تبي يفصلون لها شوارع خاصة طال عمرها عشان ننتهي من القرف واصوات الازعاج,,,بالله ليه حطو ظاهرة عزل السيارة عن الصوت الخارجي مو عشان نستفيد من ذا الخاصية بالشوارع الزبالة,,,,ماشفنا اي أثر للميزة هذي واشك ان ال 460 فيها عزل من اساسه

وان جيت تسافر تضحك على نفسك تزود صوت المسجل عشان تتخلص من صوت الهواء

بالله هذي حالة!!!! وبالله هذي سيارة تستاهل ذا المبلغ !!!!! والله حرام عليها سعر ال430 ال هو 260 الف على ايش موصلينها 340 الف

انصحكم وابري ذمتي لله عليكم بالماني بانوراما( 350S (EMG ولو زاد سعرها شوي عن ال460 بس تستاهل حط فلوسك فيها وارتاح , عن نفسي قاعد ادور شي نظيف ومستعمل بس ماحصلت

ولايتوقع احد ان البلا في سيارتي او يقول واحد عيب مصنعي , انا ملاحظاتي هذي ماكانت شي جديد على الوكالة او تفاجأو فيها او قالو انت اول عميل يشكتي ,,,, أبداًَ كل الي يقدرون يفيدونك فيه " الناس كلها تشتكي من نفس ملاحظاتك " طيب وش الحل ابسط موضوع الفرامل الزفت الي يصدر اصوات طقطقة تقول حديد يآكل في حديد مع العلم ان فحماتها جديدة ,,,, وش حله !!!! يضحكون عليك ويقولون الطقطقة هذي الي تسمعها اول ماترفع رجلك من الفرامل نتيجة الفصل الكهربائي وان ال 430 ماكان فيها الميزة هذي عشان كذا الناس مااتعودو عليها!!!!!!!!!!!!!!! ضحك على الدقون والله

ياخوان مالاحظتوا شي بسيط كنت الاحظه من قبل اغير الفحمات ومازال مستمر للحين معي والوكالة تقول لي عادي؟؟؟؟ ,,,, الي هو حركة دركسون السيارة اذا كنت راجع على ورى ولاف الدركسون او كنت ماشي قدام وتسوي Return وكان في الارض شوية مويه ماتذكر!!!!! ,,,ماتحسون السيارة تزلق مع شوية الموية والدركسون يصدر اصوات طقطقة اذا كنت لافه على آخر شي,,,,هذي لحالها تكرهك السيارة واذا قلت للوكالة عن سبب المشكلة هذي قالو كل الناس تشتكي من مانع الانزلاق!!!!!

الزبدة قالوها قبل ياباني وتويوتا وش ترجي منه صفر شمال عند الالماني كلمة حق اقولها وكنت قبل اكثر واحد معارض للمقارنة بين الالماني والياباني وكنت احاول قدر الامكان ارجح كفة الياباني على الالماني بس للأسف ان الياباني او الي اسميه الدافور قبل ماساعد نفسه عشان اساعده

اليوم اسحب كل كلامي الي قلته قبل واتراجع عنه

واشكر اخي نديم الذي طالما اراد لي الهداية وكنت مكابراً وأقول له شف لي BMW موديل 97 والله انها اصرف مليون مرة عن الكامري المطور

[نديم الطيف]

^^^^


ماشاء الله الله يثبتك خخخخخخخخخخ

[ل ك س]

ماشاء الله اعضاء معاهم Ls460l ، ويذمون فيها بصراحة لاتعليق .

[أمير لكزس]

مع احترامي لكم خواني بصراااااحه انتم طلعتوا عيوب بالسياره انا من يوم شريتها ما شفتها


ما لاحظت غير حاجه وحده بس الي هو صوت الهواء


والله لا طقطقت فرامل ولا في الدركسون ولا من الاشياء الي تتكلمون عنها !!!!


مو مسألة ادافع عن السياره لا بالعكس بس هذا الي صاير معاي


يعني سؤال سيارتي جايه من المريخ وانتم من عطارد!!!


شوفوا يا سياراتكم دفعتها مضروبه يا الخلل فيكم انتم اصحابها مع احترامي لكم


وعلى فكره بالنسبه للالماني انا اشهد انها سياره سيااااااااره


بس انا ما ارتاح غير مع اللكزس تحياتي لكم....

[إنتعاش]

الصراحه انا شريتها اول مانزلت
ما فيها اي عيييييييييييييييييب
سياره ماشاءالله تبارك الله كامله
لكن ينقصها بعض اللمسات الجمالية من الداخل
حتى تنافس مثيلاتها الالمانية
يعني اقل ملاحظه مثلا صوت تنبيه حزام الامان !!
نفس صوت الكامري !!


لكن شكل + سواقه + ريافه + تبديل سرعات + تبريد داخلي
100 % ما عليها اي كلام

[كريم كراميل]

واللة ياشباب رضى الناس غاية لاتدرك........وانا بصراحة ماجربت غير اللكزس ومرتاح معها .......
اما بنسبة لموضوعك اخي العزيز اذا معك فلوس انتظر 2009 لانة اكيد بيزيد ......ومعروف عن لكزس وتويوتا دايما تعتم على اخبارها ولاخر لحظه

[بيبي مايباخ]

مشكوووووووووووورين جميعا على الرد عموووما انا طرحت الموضوع واستغرب من ردكم من اول موديل لكزس الى اخر موديل لها وعمي كل يوم مغير موديل من اولها 400 إلى اخرها 460 2008 اسود وغير كذا معاه 500 بانوراما 2008 وجيب لكزس2008 ويقول مافي غير لكزس وعيب اللكزس الفرامل فقط واستغرب من ردودكم ونفس الكلام عيال عمي الثانين معاهم 460 ولا احد اشتكى واستغرب انتم بالاعضاء تشتكون حبيبي مو عاجبتك السياره لاتخليها معك بيعها اقل شي تجيب لك 260الف تجيب لك احلى بي ام واحلى اودي او احلى سياره المانيه بعد ماحد جابركم تصبرون وعالعموم مشكوووووووووورين جد واذا تقولي الماني انا حاليا عندنا افضل سياره هي بانوراما S63 AMG غنيه عن التعريف قيمتها حوالي 800 الف ومع ذالك ابي لكزززززززززززززززززززززززززززززس((متعصب لكزس))