[ابودعيج]

عندي البانزين اذاهديته فجاءه اسمع طقه في التبديل مضايقتني نوع السيارة لاندكروزر2003 يمكن يبي تشحيم القير ؟

[عاشـــق اللاند]

ابو دعيج شغله طبيعيه عموما الاند كله فيه طقه بالقير لانه الدبل يشبك وتسمع الطقه عادي

[راع الحيزى]

يمكن احد صليبات العمود .... شيك عليه

[عاشـــق اللاند]

لا مافيه شي كل اللاندكروزرات القديمه هشكل عندنا 5 جيوب وموديلات مختلفه وكلهم فيهم نفس الطقه وللعلم ان الموديلات من 99 الى 2005 وكلهم اوتوماتيك 6 سلندر

[ابودعيج]

ما في حل يخفف الطقة مو شرط تختفي ؟

[عاشـــق اللاند]

ابو دعيج انصحك بدل دهن القير عند محطه صافي مع فلتر ومعجون وراح تخف بشكل ملحوظ جدا

بس مستحيل تختفي لانها طبيعيه ولاتخاف

واحب انبهك ترا هالطقه تعني ان قير الجيب قوي لان من خلال خبرتي باللاندكرورز جربت كم جيب قديم شوي موجوده فيه الطقه لكنه وانت بكرامه جحش مافيه حيل يمشي واللي يجي فيه الطقه تحسه نشيط

انا جيبي اللي عندي الحين توني شافط من 4 لتر قبل 10 ايام وزدت عليه 4 لتر وقبل امس شفطت وزدت نفس الشي ويوم السبت ابي ابدل دهن القير والفلتر والمعجون والكارتير وبسوي له تصفيه كامله راح اخليه جديد بأذن الله

والله يبارك لك في موترك ويكافيك شره

[ابودعيج]

المشاركة الأصلية كتبت بواسطة عاشـــق اللاند

ابو دعيج انصحك بدل دهن القير عند محطه صافي مع فلتر ومعجون وراح تخف بشكل ملحوظ جدا

بس مستحيل تختفي لانها طبيعيه ولاتخاف

واحب انبهك ترا هالطقه تعني ان قير الجيب قوي لان من خلال خبرتي باللاندكرورز جربت كم جيب قديم شوي موجوده فيه الطقه لكنه وانت بكرامه جحش مافيه حيل يمشي واللي يجي فيه الطقه تحسه نشيط

انا جيبي اللي عندي الحين توني شافط من 4 لتر قبل 10 ايام وزدت عليه 4 لتر وقبل امس شفطت وزدت نفس الشي ويوم السبت ابي ابدل دهن القير والفلتر والمعجون والكارتير وبسوي له تصفيه كامله راح اخليه جديد بأذن الله

والله يبارك لك في موترك ويكافيك شره

الله لايهينك وجزاك الله خير بس ببدل الشغلات اللي قلتهم وان شاءالله يكون في فرق ولا اشرايكم يمكن المكينة سرعة الدوران ما اتخفف يمكن يعرفلها الكهربجي يخلي سرعة الدوران ابطا اشوي عشان اتخف الطقة ؟

[عاشـــق اللاند]

شوف اذا تبي الطقه تروح

أولا اذا دهن القير قديم عليك بالشفط من 4 لتر وزيادته 4 لتر من دهن تيوتا وبعد اسبوع من الشفط كرر نفس العمليه اشفط وزيده

وبعد اسبوع من ثاني شفطه بدل الدهن مع فلتر القير ومعجون

واذا جيبك قديم او مستعمل انصحك تسوي له تصفيه كامله

لكن مو عند الساير لانه يبي يعطيك سعر خيالي

انصحك تروح حق اي كراج مضبوط وانصحك بكراج الباخره

واشتر القطع من صفينه او ابراج العمر لانهم ارخص من الساير واصليه

والتصفيه تطلع عليك تقريبا القطع ب56 دينار وشغل اليد ب30 دينار

وموفق خير

[ابودعيج]

تسلم والله ماقصرت

[عاشـــق اللاند]

الله يسلمك يابودعيج واي شي تبيه انا حاضر وابشر بسعدك

[وسام]

ماقصر اخونا عاشق وبالتوفيق

[كـ ا قـ]

افاااادك مشرفنا جزاه الله خير اتوقع واتمنى انها تنحل مشكلتك تقبل مروري

[ابودعيج]

المشاركة الأصلية كتبت بواسطة عاشـــق اللاند

شوف اذا تبي الطقه تروح

أولا اذا دهن القير قديم عليك بالشفط من 4 لتر وزيادته 4 لتر من دهن تيوتا وبعد اسبوع من الشفط كرر نفس العمليه اشفط وزيده

وبعد اسبوع من ثاني شفطه بدل الدهن مع فلتر القير ومعجون

واذا جيبك قديم او مستعمل انصحك تسوي له تصفيه كامله

لكن مو عند الساير لانه يبي يعطيك سعر خيالي

انصحك تروح حق اي كراج مضبوط وانصحك بكراج الباخره

واشتر القطع من صفينه او ابراج العمر لانهم ارخص من الساير واصليه

والتصفيه تطلع عليك تقريبا القطع ب56 دينار وشغل اليد ب30 دينار

وموفق خير

اخي العزيز رحت لابراج العمر وقلتله ابي فلتر القير قالي ما في بابا بس في فلتر ماكينة اذا كنت تقصد هذا فهذا بدلتة مع زيت الماكينة ومريت قراج شيك على زيت القير قالى جديد وزين سالته عن المعجون قال شوووو معجووون انا توهقت الصراحة وقلت مالى غير عاشق اللاتد يفيدني وبالاخير اشكر كل من شارك بالموضوع

[عاشـــق اللاند]

هههه

طال عمرك القير لازم له فلتر ومعجون ولاتروح حق اي كراج روح حق كراج الباخره عند واحد اسمه اخطر

هذا احسن كراج وعلى كفالتي

انا مبدل منه دهن القير مع فلتر ومعجون وقطع شريتها من صفينه مقابل ابراج العمر

الكراج ياخذ منك 14 دينار

وفلتر القير ب8 دنانير والمعجون ب6 دنانير والدهن نسيت سعره ههههه

وماعليك بدلهم وسو تصفيه للجيب ترا راح يفرق عزمه

[ابودعيج]

اخوي عاشق الاند
رحت لكراج متخصص بالتويوتا قالى ان هذي الطقه عادية بكل الاندات مثل ما ذكرت بالاول ولا يحتاج تبديل شي

[عاشـــق اللاند]

انا قايلك من مبطي حنا الشيبان كلهم للاندات ومجربهم كلهم من 98 الى 2008