[بوعيد]

السلام عليكم ورحمة الله وبركاتة

شلونكم اربكم بخير

يالربع انا عندي موتر Gx.r 2007

وانا بصراحه رجال عليمي بهالسوالف .. ماعرف للمواتر وااجد

المشكلة بالصوت عندي .. <***** صوت المسجل

موب ذاكـ الصوت القوي والواضح

اتحس انكـ راكب عرواي بيني وبينكم

قالوا لي ركب سماعات ورا .. وان شاءالله تظبط معكـ

ورحت وركبت ولا تغير شيء .. اللهم صار الصوت أعلى شووي

بس انا ابي الصوت واضح ..

ركبت مواتر واجد اقدم و اجدد من موتري .. والصوت ماشاءالله واضح

<***** على فكره موتري وارد البريمي <***** وارد الأمارات

والمشكلة فقط بصوت المسجل .. وانا ابيه مثل صوت المواتر الجداد مثل 2008

ياليت تفيديوني جزاكم الله خير

دمتم بــــــووود ..

[ملك اللاند]

المواتر الجداد نوعين :
نوع الصوت فيه تعبان جدا سماعتين فقط
والنوع الآخر ممتاز تسع سماعات

أنت تحتاج إجراء تجربة عند محل مال مسجلات السيارات لمعرفة قوة الـ (وات) لكل سماعة
أو قد تكون المشكلة من داخل المسجل

[أبوحمد]

أنا عندي نفس الموتر

والصوت عندي ممتاز ولكن يعتبر واطي مقارنة ببعض السيارات !!!

علما بأن لدي 4 سماعات فقط

[حسونه]

غريبة يا بو عيد
موترك والله أعلم 4 سماعات
طيب ممكن المشكلة في الشريط نفسه
أنت جرب السي دي إذا فيه فرق واضح معناها فعلاً
الأشرطه مضروبه عندك

[بوعيد]

المشاركة الأصلية كتبت بواسطة ملك اللاند

المواتر الجداد نوعين :
نوع الصوت فيه تعبان جدا سماعتين فقط
والنوع الآخر ممتاز تسع سماعات

أنت تحتاج إجراء تجربة عند محل مال مسجلات السيارات لمعرفة قوة الـ (وات) لكل سماعة
أو قد تكون المشكلة من داخل المسجل

عليكـ نور

الموتر اللي ذكرته اول شيء .. هذا مثل موتري اول ماخذيته

وركبت عليه سماعتين ورا ..

لكن للحين نفس المشكله

ياليت تفيدنـآ ياملكـ الأند .. او ياليت تذكر المحل وين او اسمه .. وشنهي السماعات اللي تنصحني اركبهـآ .. لاني ماعرف والله بهالسوالف

الله يرحم والديكـ

أنا عندي نفس الموتر

والصوت عندي ممتاز ولكن يعتبر واطي مقارنة ببعض السيارات !!!

علما بأن لدي 4 سماعات فقط

ماقول الأ الله يعينـآ يابوحمد .. ناخذ مواتر اجداد .. ونعدل فيهـآ واحنا ماسوينـآ شيء

الله كريم وانا اخوكـ ..

تسلم ع المشاركه

غريبة يا بو عيد
موترك والله أعلم 4 سماعات
طيب ممكن المشكلة في الشريط نفسه
أنت جرب السي دي إذا فيه فرق واضح معناها فعلاً
الأشرطه مضروبه عندك

هلا اختي حسونه

المشكله ان الموتر اول ماخذيته كان مركب عليه سماعتين فقط من قدام <***** وهذا من الشركه طبعـآ

وبعدهـآ ركبت سماعتين ورا فقط

لكن طلع نفس الشيء .. للأسف

والمسجل ماعليه كلام لاني ركبت 3 مسجلات ونفس الشيء

والأشرطه .. مليون شريط جربت .. وايضآ نفس الشيء

اعتقد المشكله من السماعات

شاكر مساعدتكـ اختي

[بنت الخران]

تأكد من ضبط اعدادات الصوت فى المسجل

ممكن تحتاج تعديل بسيط جدا

[أبو الغلا]

غير المسجل

[درب المحبه]

المشاركة الأصلية كتبت بواسطة أبوحمد

أنا عندي نفس الموتر
والصوت عندي ممتاز ولكن يعتبر واطي مقارنة ببعض السيارات !!!
علما بأن لدي 4 سماعات فقط

بوحمد كيف حالك أشلون الصوت واطي وانت عندك
محل الأكترونيات لا يابوحمد قول غيرها ...
فاتح محل عندنا في الدوحــــه وماحد يدري عنه
لكن على من كشفنا المستور والخافي ظهر
أقول أدخل معاك شريك ههههههههههههههههههه

[درب المحبه]

بوعيد السلام عليكم ورحمة الله .......
أذكـر محل في الغرافـه متخصص في الصوت
أسمه صدى الصوت .. اذا سمعت عنه
وأن شاء الله بيضبط لك السماعات
انا باوصف المكان لك وانت روح له
تعرف شارع الغرافـه القديم
وانت جاي من أشارات اللاند مارك
رايح على الغرافه من تحت الجسر
بتحصل أشارات قدامك خذ يمينك وأدخل اللفه
بتشوفه على طول في الزاويـه على يدك اليمين
للأمانه مارحت له لكن سمعت عنه
والشباب يمدحون شغله
انت مر عليه وماراح تخسر شي
وأن شاء الله تنحل المشكلـه
تقبل تحياتي بوعيد

[بوعيد]

مكرررر

V
V

[بوعيد]

درب المحبه : بيض الله وجهكـ ع المساعد

مشكور وماقصرت يالغالي

اليوم بمر ع المحل وبشووف

ولا هنتوا جميعـآ ع المساعده

لا خلا ولا عدم

[أبوحمد]

ههههههههههههههه

أفا عليك أخوي درب ليش تكشفني

أنا كنت ناوي أقول أن الصوت ضبط من عقب مارحت محلات أبو أحمد علشان أخليها دعاية , بس الله يهديك خربت علي

الحين إجباري تشاركني وتعوض خسارتي