[اسـتـرجـاعـهـا]

السلام عليكم
مواضيع الكروزر2009 انتشرة بصورة كبيرة في الفترة الأخيرة والجميع مستغرب لأن ولا شي متغير وفي ناس تقول ان المعارض نصابين!!
اول شي لو نرجع ورى لسنة 1998 لما نزل ال1999 كانت خطوط الجي اكس ار والجي اكس ار نفس الشي حتى خطوط الفي اكس ار كانت نفس الشي اذكر كان في ليمتد سنة 1998 وهذا الي فقط كانت خطوطه غير وكان زيادة عليه دعامية مغطية على الصدام الأمامي وكان في الخطوط العادية الي مب ليميتد ...
والكروزر موديل 2008 نزل شهر 11 يعني ماعتقد تويوتا بتغير شي ولا حتى الخط الا في وارد قطر دواسات فيبر الي نزلت على بعض المواتر في الدفعة الأخير لل2008 يعني هذي الكروزرات الي منتشرة في معارض الرياض يمكن يكون 2009 حتى لو ولا شي تغير لأن لو تذكرون موديل 2006 نزل شهر 5 اخر 5 بالتحديد والناس قالوا عنه اخر دفعة من موديل 2005 وان 2006 راح يتغير وهو في الحقيقة كان 2006!!
والي شغالين في شركة عبدالغني اكدوا للشباب ان 2009 ماراح يتغير فيه شي غير السعر طبعا ...
الشي الي محيرني ومحير العديد من الأعضاء هو ان كيف المواتر الي في معارض النسيم والي هي وارد البريمي (لو ماخاب ظني) نزلت في المعارض قبل ماتنزل عند وكيل عمان نفسه!!
ولو تذكرون كان في عضو كان معانا في المنتدى نسيت اسمه لكن اظن تذكرونه قال انه شاف الجي 2009 وكانت خطوطه حمر.
يعني الحل الوحيد ان الي بيشتري كروزر2009 ينتظر لين ماينزل ال2009 عند الوكلاء وبعدين يشتريه والي يبي يتأكد ان الموتر 2009 في طرية اعرفها وهو ان لو الموتر فيه ورقة الوكالة الي في الجامة الأمامية نفس هذي

لو اول رقم 9 يعني الموتر 2009 لكن لو اول رقم 8 الموتر 2008......
لكن انصحكم نصيحة
خذوا 2008 اخر دفعة لأن 2009 بس سعر زايد استفيدوا وخذوا 2008 وان شاءالله مايتغير 2009!!
تحياتي

[الطرفاوي]

عساك عالقوه اخوي (استرجاعها)
وطريقتك اهي الفاصل الوحيد في كون الموتر 2009 اولا
على العموم نصبر ونشوف ايش اخر هالمقلب الي الظاهر كثيرين بياكلونه من المعارض او حتى يمكن من الوكالات

[قائد السيارات]

اسلام عليكم
هذى كذالك كلام سليييم من خبير المنتدى كلة على قول المثل اسئل مجرب و لا تسأل طبيب

[عـاشـق ربـع]

أشكــرك أخـوي استـرجـاعهــا على مـوضـوعك هـذ1

لكــن ليـش الأستـ ع ــجال كلهـا شـهريـن ويبيـن كـل شـيء

[خالدالزامل]

مايبين شيء حتى ينزل بالإسواق

[شكمان ابوكنداسه]

كلامك سليم ماشاء الله

[بنت الخران]

كلامك عين العقل ماشاء الله

ومشكوور على المعلومات الجمييله منك بخصوص استكر الوكاله فى السياره وانه يبين لكم موديل السياره فى الاساس

الله يعطيك العافيه

[أبوحمد]

بالنسبة للورقة اللي على الجامه

تأكد أنه في شهر 10 بيوصل الموتر على أنه مواصفات 2009 والورقة ما يكتبون عليها الا سنة الانتاج يعني 2008 ومستحيل تلقى ورقة مكتوب عليها 2009 إلا بنفس عام 2009

يعني الورقه ما راح تفيد الا للتأكد بأن السياره إنتاج من شهر 8 ميلادي وفوق وهذا يثبت أن السياره مواصفات 2009 .

[اسـتـرجـاعـهـا]

المشاركة الأصلية كتبت بواسطة أبوحمد

بالنسبة للورقة اللي على الجامه

تأكد أنه في شهر 10 بيوصل الموتر على أنه مواصفات 2009 والورقة ما يكتبون عليها الا سنة الانتاج يعني 2008 ومستحيل تلقى ورقة مكتوب عليها 2009 إلا بنفس عام 2009

يعني الورقه ما راح تفيد الا للتأكد بأن السياره إنتاج من شهر 8 ميلادي وفوق وهذا يثبت أن السياره مواصفات 2009 .

لالالا اخوي مب مستحيل انا ما اتكلم عن البليته انا اتكلم عن هذه الورقة لو بجاء ب9 يعني الموتر 2009 هذي مالها دخل بتاريخ الأنتاج==
تسلم ع المرور يالذيب واشكركم جميعا ع المرور ماقصرتوا

[بووليد]

كلامك سليم ومن كثرة المواضيع طرا على بالي وماشاء الله عليك لقطتها وهو موديل 98 و 99 نفس الخطوط اللي هي الحمر ماتغيير شي ... ننطر الوكالة ونشوف ..

لكن السؤال المهم هل سيتم اصلاح العيوب سواء فالدفعة الثانية او 2009 ؟؟
معروف كثرة الشكاوي على المكيف + الفلتر غير طقطقة الطبلون ومادري ان كان فيه عيوب غير ,, انا الكامري 2007 مكيفها فعز الظهر مش ولابد حتى وان طلعت الفلتر ونظفته لكن ليش التيوتا مب نفس الموديلات القديمه تعمر شوي بعدين تشييك ... الله يذكر مكيف وثلاجة 97 بالخير...
انا كان عندي موديل 2002 وbox البريك كانوا مكبرينه وصار البريك احسن من الموديل اللي قبله كان البريك تعبان وفيه رجه يعني بعد 4 سنين عدلوا هالشي !!!

ومشكووور استرجاعها عالمعلومات

[ملك اللاند]

لو اول رقم 9 يعني الموتر 2009 لكن لو اول رقم 8 الموتر 2008......

كلام صحيح وواضح من مشاركة أحد الأخوان ( أبو وديع ) في المنتدى أن البليتة تدل على أن الموديل 2009

[عمر محمد]

كلام معقوووووووووووووول

[خيال المفخرة]

كلامك سليم ميه بالميه استرجاعها
بس القهر اشلون لو خلصت دفعة 2008
وذا جيت بتشري بيقولن مافي الا 2009
وتلقى السعر يفرق اقل شي 15000
وش الحل بالحاله هذي

[اسـتـرجـاعـهـا]

المشاركة الأصلية كتبت بواسطة بووليد

كلامك سليم ومن كثرة المواضيع طرا على بالي وماشاء الله عليك لقطتها وهو موديل 98 و 99 نفس الخطوط اللي هي الحمر ماتغيير شي ... ننطر الوكالة ونشوف ..

لكن السؤال المهم هل سيتم اصلاح العيوب سواء فالدفعة الثانية او 2009 ؟؟
معروف كثرة الشكاوي على المكيف + الفلتر غير طقطقة الطبلون ومادري ان كان فيه عيوب غير ,, انا الكامري 2007 مكيفها فعز الظهر مش ولابد حتى وان طلعت الفلتر ونظفته لكن ليش التيوتا مب نفس الموديلات القديمه تعمر شوي بعدين تشييك ... الله يذكر مكيف وثلاجة 97 بالخير...
انا كان عندي موديل 2002 وbox البريك كانوا مكبرينه وصار البريك احسن من الموديل اللي قبله كان البريك تعبان وفيه رجه يعني بعد 4 سنين عدلوا هالشي !!!

ومشكووور استرجاعها عالمعلومات

ان شاءالله يصلحون العيوب لكن هذي لو الأشياء الي اشتكينا منها كانت عيوب لأن تويوتا اعتمدت ماتفصل المكيف عن الثلاجة لكن طقة القير وهالمشاكل ان شاءالله راح تنحل تدريجيا ماقدر اقولك خلاص 2009 مافيه عيوب على الأقل 2010-2011 بكون خالي من كل العيوب لأن لازال موديل 2009 يعتبر كأنه اول موديل مافرقت 2008-2009 لكن ان شاءالله تدريجيا بتتصلح العيوب!!...
تسلم ع المرور يالغالي وماقصرت

[اسـتـرجـاعـهـا]

المشاركة الأصلية كتبت بواسطة ملك اللاند

كلام صحيح وواضح من مشاركة أحد الأخوان ( أبو وديع ) في المنتدى أن البليتة تدل على أن الموديل 2009

السلام عليكم
اخوي البليته مابتدل على شي الاتاريخ الصنع واشياء اخرى ماتدل على موديل السيارة هذي ال9 موجودة مب لأن الموديل 2009 لكنه فقط رقم عادي رقم كود السيارة كل سيارة لها رقم مميز خاص مثلا الكروزرات2008 بتلاقي الكود 1 2 5 8 9 ارقام نختلفة هذي الورقة المهمة

لو اول رقم من الأرقام الي في النص 9 الموتر 2009!!
تسلم ع المرور اخوي وماقصرت