[سلم لم]

السلام عليكم اخواني واخواتي حبيت اسألكم عن fj نوع البنزين عادي اصب فية 91 ولا لازم 95
يعني ممتاز ولا جيد جدا اررجو ا منكم الافادة لاني محتار وشكرا

[السياغي]

حسب ماورد في كتلوج السياره

بنزين 95

وشكرا

[ابوووشنب]

انا اعبي 91 من يوم ماشريته
وعاااادي
كله بنزين سواءا 95 او 91

[ملك الاف جي]

عدنا بالامارات 98 ونا اعبي منه
لكن 95 مناسب للاف جي
91 ما انصح

[بدر المرقب]

يا جماعه بنزين 95 هل هو البنزين الخالي من الرصاص ؟

[السياغي]

الخالي من الرصاص عندنا هو 91

[مقطع الصقاره]

يا ابن الحلال عب 91 مافي فرق انا مطلع Fj لي 3 شهور من يوم ماطلعته من المعرض في الرياض عبيته فل 91 بقيمة 30 ريال كان فاضي مره يكح من الفضاوه وعقبه صرت اعبيه 28ريال اذا ولعة لمبة البنزين ومثلك شكية سالت المهندس قالي
لاداء افضل عب 95 نفذة كلامه احترية لين فض التانكي وعبيت 95 بقيمة 38ريال والله مافرق الاداء نفس الشيء
نفس صوة المكينه مافي فرق وحتى اني سافرت الي دبي بالfj ماسك خط طبعن معبي 91 يوم وصلة لابوظبي قبل كان الموتر فاضي فللة بنزين 95 حق الامارات بقيمة 93 درهم(والله غاليييييييي) ورحت لدبي ونفس الشيء مافي فرق
(تلاحظ اني كثرت قرقه ههههههههه) عب 91 ولا تشيل هم وتوكل على الله ورح للمحطه.

[مديربريداوي]

اخوي مكينته مكينة البرادو والعالم من عمر الدنيا يعبو البرادو 91 ولا فيه ضرر

توكل على الله وعبه لكن ارسى لك على بر مو مره 95 ومره 91

[اف جــــــــــي]

ياجماعه الخير انا كان عندي جيب انفوي يوم كنت اعبي فيه 91 كان تصير مشكله بالسياره

ماكانت تمشي حدها 40 كيلواله لمن اطفي واشغل السياره تصير اوكي

لمن اعبي السياره 95 ميه بالميه مايصير اي شي

وهذا الشي حصل معاي كذا مره

الله اعلم

[شكمان ابوكنداسه]

اذا كان 4 سلندر 91 افضل واذا كان 6 او 8 سلندر 95

[مديربريداوي]

اخوي ماهي مقياس السرندل

الجيب التويوتا واللكزس 8 سرندل ومكتوب بالكاتلوج 91

[إف جي بندر صبيا]

لا لا لا عبي 95 والله فيه فرق لأنو عبيت 91 حسيت إن السيارة تبي تدوخ ولما رجعت على 95 حسيت إن السيارة بتطير

95 هو المناسب لمكاينة الإف جي

[اف جي بوظبي]

المشاركة الأصلية كتبت بواسطة مقطع الصقاره

يا ابن الحلال عب 91 مافي فرق انا مطلع Fj لي 3 شهور من يوم ماطلعته من المعرض في الرياض عبيته فل 91 بقيمة 30 ريال كان فاضي مره يكح من الفضاوه وعقبه صرت اعبيه 28ريال اذا ولعة لمبة البنزين ومثلك شكية سالت المهندس قالي
لاداء افضل عب 95 نفذة كلامه احترية لين فض التانكي وعبيت 95 بقيمة 38ريال والله مافرق الاداء نفس الشيء
نفس صوة المكينه مافي فرق وحتى اني سافرت الي دبي بالfj ماسك خط طبعن معبي 91 يوم وصلة لابوظبي قبل كان الموتر فاضي فللة بنزين 95 حق الامارات بقيمة 93 درهم(والله غاليييييييي) ورحت لدبي ونفس الشيء مافي فرق
(تلاحظ اني كثرت قرقه ههههههههه) عب 91 ولا تشيل هم وتوكل على الله ورح للمحطه.

ههههههههه غالي!! ..
الحمد لله على كل حال
تبا النصيحه عبي 95.. انا من وجهة نظري اقول ان الفرق مابتحسه في نفس الوقت هذا عشان تحافض على نظافة المكينة يعني انته مش اول ماتعبي 91 راح تلاحظ فرق يعني يبالك فتره على ماتتراكم الاوصاخ في فلتر البترول ولا على اطراف السلندر**** الكربون<.. يعني في المستقبل يمكن يصيب المحرك عطل<***** لاسمح الله وبعيد الشر******** بس مش عطل داخل المكينه يمكن يقل العزم او يخترب الفيول ببامب..

Regard
اف جي بوظبي

[اف جي فضي]

انا أعبي 91 وماشي مع زي الحلاوة
والعزم ممتاز
ودمتم بخير

[عاشق الاف جي]

يا رجال الاف جي وحش حتى لو تصب فيه ريدبول يمشي ما عندك مشاكل