[أسيــــــر]

السلام عليكم ورحمة الله وبركاته

عندي سؤال محيرني وقاهرني بصراحه

انا قبل شهرين تقريباً سويت صيانه لـ 10.000 كيلو

بعد ما استلمت السيارة منهم باربع ايام تقريباً

اذا لفيت الطاره كامله لليسار وانا امشي اسمع صوت طقطقه في الرفرف

انا استغربت ونسيت السالفه لأني تعودت

على كل حال قبل يومين كنت طالع مع الشباب وجالسين جنب السيارة انا ناظرت في قياسات الكفر الأمامي لقيته 245 العرض استغرب وفرحت بصراحه لأن القدام عريض فكيف اللي ورا
رحت للي ورا اليسار لقيته 225 استغربت كيف اللي ورا نحيف واللي قدام عريض
رحت للي ورا يمين لقيته 245 عرضه

الوكاله بعد ما غيرت فحمات السيارة بدلوا الكفرات بدل ما ان الأماميه 225 والخلفيه 245

صارت مشكله كل مقاس واحد قدام وواحد ورا ..

سؤالي هل يأثر هذا على ثبات السيارة ؟

وهل فيه ضرر من هذا للعلم كل فترة اسمع صوت طقطقه في الرفرف الأيسر
وان كان فيه ضرر هل بتعوضني الوكاله ؟

وهل مثلاً لو ركبت جنوط مقاساتها 235 للأماميه و 255 للخلفيه بتطلع آثآر زي هذي ؟

اعذروني كثرت كلامي

[حسينوو]

اكيد فيها تأثير
المفروض ترجع الوكالة وتحاسبهم على هذا الغلط

كذا الكفرات الامامية العريضة راح تتلف بسرعه لانها تحتك بالرفرف الداخلي

[ي ز ي د]

ما اتوقع انه يضر لكن رح الوكاله وسفل فيهم ترا يعطونك صيانه مجانيه علشان يراضونك

ادخل على المدير وسفل فيهم وخالك قاادح قل انا دافع فلوس وكذا وكذا اعرف واحد سوهاا ومشت معه

^_^

[أسيــــــر]

حسينو الأحتكاك موب دائم ولا ظنيت انه احتكاك كأنه صوت طقطقه خفيفه يعني بس تلقى الغطا الداخلي للرفرف يصقع في الكفر ويسحبه ويرجع وهكذا ويطلع الصوت مثل طقطقه

بس ابي أتأكد هل يضر على الثبات ؟؟ لأن السيارة ثباتها موب مثل قبل ولا اعرف هل من جو الرياض لأنه غبره وعجه
والا من الكفرات ؟


ويزيد يخوي اخاف اقدح لهم يلعبون في الموتر لعب يحوسون كم شي من داخل

الله ياخذهم بس

[إحساس غالي]

اكيد يأثر ،،،

وهذا غلط كبير من العمال ،، لانهم مو منتبهين ،،،


انا صارت معي مره ،،، و ع طول مريت الصناعيه وبدلت التواير ،،

هذا غلط منهم لانهم يرمون الكفرات جنب بعض ،، وما ينتبهون للقيااس

[زيزوووم]

ما يبغى لها تفكير رجع الكفرات زي ماكانت

[رااايـــق]

اخوي بعض الحمير اعزك الله اللي في الوكاله

ما يعرفون ان هذي السياره الوحيده من سيارات لكزس اللي ما فيها روتيشن للكفرات (ما تتبدل مواضع الكفرات)

يعني كل كفر يركب في مكان واحد بس واذا غيرت مكانه يبدى يرج بالسياره ويضيع الثبات

اللي قدام 225 واللي وري 245 وانتبه للسهم الموجود على جانب الكفر هذي الكفرات لها اتجاه واحد بس وما تركب في اي مكان

[أسيــــــر]

مشكور اخوي رايق والله انك صادق كلمة حمير قليل في حقهم

رحت لهم قبل ثلاث ايام تقريباً دورت المهندس ما لقيته كلمت نائب مدير الصيانه .. ما عطاني جواب

دبر له اعذار لأن السيارة خذت شهرين وانا ما اعرف ان الكفرات مبدله واني انا اللي بدلتها وزي كذا

على العموم الوكاله حلوه لكن للأسف فيه بينهم حمير داخلين بالغلط وان شاء الله احل هالمشكله

مشكور يخوي

[ريكوبا]

كلام سليم

اخوي بعض الحمير اعزك الله اللي في الوكاله

ما يعرفون ان هذي السياره الوحيده من سيارات لكزس اللي ما فيها روتيشن للكفرات (ما تتبدل مواضع الكفرات)

يعني كل كفر يركب في مكان واحد بس واذا غيرت مكانه يبدى يرج بالسياره ويضيع الثبات

اللي قدام 225 واللي وري 245 وانتبه للسهم الموجود على جانب الكفر هذي الكفرات لها اتجاه واحد بس وما تركب في اي مكان

الاي اس 300
تختلف حجم الاطارات الخلفيه عن الامامية الخلفية تكون اكبر , في 10000 الف كم, يتم تغير مكان الاطارات المفترض ما يغير الاطارات على طريقة x ,, يعني لازم يبدل الامامي الايمين مع الامامي اليسار, والخلفي اليمين مع الخلفي اليسار.
بس الوكالة شكالها في خبر كان...

[بو سعود]

مشكلة شكلهم مبدلين اللي ورا باللي قدام شسالفة ؟؟


لازم تراجعهم

[أسيــــــر]

الاي اس 300
تختلف حجم الاطارات الخلفيه عن الامامية الخلفية تكون اكبر , في 10000 الف كم, يتم تغير مكان الاطارات المفترض ما يغير الاطارات على طريقة x ,, يعني لازم يبدل الامامي الايمين مع الامامي اليسار, والخلفي اليمين مع الخلفي اليسار.
بس الوكالة شكالها في خبر كان...

كيف ما فهمت .. يعني بعد 10.000 كيلو لازم ابدل الكفرات الخلفيه ببعض ؟؟ ليه يؤثر يعني والا كيف

وبصراحه ما قدرت استوعب كلامك ياليت توضح وتقول الفايده من تبديل الكفرات الخلفيه والأماميه الأيمن بالأيسر

-----------------------

مشكلة شكلهم مبدلين اللي ورا باللي قدام شسالفة ؟؟


لازم تراجعهم

راجعتهم .. بس زي العاده يدورون عليك زله بس

مشكلتي اني بعد ما عرفت ان فيه صوت بعد ما استلمت السيارة شيكت على الرفارف ونزلت من تحت السيارة شفتها ما لقيت مشكله
لكن قبل اسبوعين لقيت الكفرات مبدله والآي إس مقاسات الكفرات الخلفيه اكبر من الأماميه
رحت للوكاله لنائب مدير قسم الصيانه والأعذار يجيبها من يمين ويسار
قلت له اني غيرت الفحمات الأربع وبدلتوا الكفرات .. قال هات الفاتورة قلت له يشيك على الكمبيوتر بيحصل كل الفواتير
قال لي قبل شهرين هذي وتوك تعرف اكيد انك غيرت شي في الكفرات وجيت هنا تقول انكم غيرتوها ..

امثال اللي مثل ذا وش تسوي به ؟؟ مشكله يغلط ولا يبي يقر بغلطه ابد

الله يعين بس .. بأخذ موعد اذا جيت بأغير الزيت وبأشوف حل معهم

[ريكوبا]

انا لين وديت السيارة التشيك في الوكالة قالي ببدلون الزيت+ الفلتر+ والبراغي يشدون عليه (مادري فهمت الكلمة السابقة ولا لا)+تبديل مكان الاطارات, لانه الاطار اليمين الامامي نفس مقاس الاطار اليسار الامامي والخلفيه اليمين نفس المقاس الخلفي اليسار( طبعا قياس الخلفي يختلف عن الامامي),,
اما عن سبب التغير هو تجنبا لتاكل(ذوبانه) الاطار من جانب واحد,,,مثلا بتلاحظ ان الامامي اليمين متاكل من طرف اليمين واليسار متاكل من طرف اليسار,,فتغير المكان يعطي الاطار عمر اكثر ويجنبك ميلان السيارة سوى كان يمين ولا يسار.
او تبديلها مع الاطارات الخلفية لانه لم تكون متاكله من الاطراف.(بس المشكله في الاي اس بذات انها مقاسات الاطارات الماميه تختلف عن الخلفيه)

لو ما فهمت بوضح لك زيادة