[جاسم اوريون]

السلام عليكم ورحمه الله وبركاته


حبيت اسوي هذا الموضوع لانه اهم شي بالسيارة الكفرات

للي حاب يبدل كفراته خل ياخذ مني النصيحه اخويه

انا عندي قاعده لا تركب 4 تواير نفس الماركه بل الخلفي يختلف عن ماركه ونقشه الامامي

وهذي النواع وجربوها وادعولي يا شباب:-

1-التاير الخلفي كونتانتل الالماني او الفرنسي الصنع والامامي قودير الامريكي.

2-التاير الخلفي بروجستون الياباني والامامي ميشلان الفرنسي.

3-التاير الخلفي دانلوب والامامي بروجستون الياباني.

4- التاير الخلفي سوميتومو الياباني والامامي كونتانتل الالماني او الفرنسي .

5-الكفر الخلفي يوكوهاما الياباني والامامي تويو الياباني.

نصائح للجميع اللي يبي يشتري كفرات يتاكد انه:AAAيعني للسرعه والتحمل الضروف الطبيعيه والثبات في نفس الوقت.


وهذي همن نصيحه انا بنضري انه الكفر الخلفي يكون اكبر بحجم واحد يفرق عن المامي فتصبح السياره من الخلف مرتفعه بسانتيات والامامي نفس التاير السابق الطبيعي فيعطي ثبات للسياره اكثر وخصوصا اذا كان الكفر عريض الخلفي.

وهذا والحمد لله واسفين على القصور معاكم

[عاشـــق اللاند]

بالعكس بهالطريقه تحسسني ان السياره حق واحد صعيدي يحط اي تاير المهم يمشي الحال غلطان ياجاسم

لو ان كلامك صحيح كان الشركات كلها نزلت السيارات بتواير مختلفه

يمكن هي وجهه نظر لكني اعارضها

اخوك خالد

[جاسم اوريون]

هلا اخوي بو وليد شلونك
لا وجه نضري صحيه ومجربه لانه التايرين الخلفي غير والامامي غير

ولمن تركب تايرين اللي في الخلف غير عن اللي بالامام راح تقدر تقارن اي نوع من التاير احسن ولكن انا اللي ذكرتهم مجربين وكل واحد فيهم افضل من الثاني

[عاشـــق اللاند]

والله جربتها مره وحده على سياره البيت وصراحه احس ممشا السياره مو ذاك الزود وفكيتهم وركبت تويو 4 تواير ولي يومك كل شي تمام

[زيزوووم]

والله كفرات كونتيننتال مرة ممتازة جربتها زمان على مرسيدس

اما من ناحية الامامية غير الخلفية من ناحية الحجم هذي صدقت تجي في ال بي ام و المرسيدس اللي ورا تحصلها اكبر واعرض من اللي قدام

لكن النوع مادري


صلااااااااام

[سلوم سويلم]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[اخضر زيتوني]

وش النصيحه وليش تغيرهااااااااا وتخليها مختلفه
الوكاله لمن تشتري سياره جديده مسوين لك نفس نصيحتك
اكيد لا
بس خل عنك الوسوسه ...........

[امبروسيني]

سبحان الله اخوي جاسم .. انا داش المنتدى كنت بحط موضوع اسأل عن التواير
لاني ملاحظ تواير الاوريون مالتي .. مو حلوه
وشباب اعرفهم عندهم اوريون يقولون ان تواير يوكوهاما .. مو شي

و واحد منهم نصحني اني اركب ميشلان

اخوي جاسم وجهة نظرك حلوه بس ماشفت احد مسويها من قبل
وانا صراحه
ناوي اغير التواير ال4
بس اذا بشترى بشترى 4 نوعيه وحده

فا مادري .. ايهم الافضل خاصتا في البريك والثبات.. تنصحني في اى تاير ؟ وياليت لو تعطيني سعره مع الطوس
واذا في محل سعره رخيص وشغله نظيف .. عطني اسمه و مكانه

اكون شاكر لك



تحياتي ..

[جاسم اوريون]

امبروسيني انصحك تجرب التويو والله ممتاز واذا تبي طوس انا عندي للبيع 30 دينار جدد ملوت الوكاله140 4تواير تويو سبورت

[ولد التحليه]

أخي الكريم الخواجة صمم السيارة عن دراسة في كافة وسائل الراحة والسلامة

وبإستخدام أحدث التكنولوجيا المتطورة في صناعة السيارات

فبالنسبة لإختلاف التواير الأمامية عن الخلفية أرى لزوم إعادة النظر في الموضوع

لا سيما أيضاً أن الفحص الدوري للسيارات في السعودية لا تقبل السيارات التي تختلف مقاسات كفراتها (توايرها) عن بعضها البعض

وجهة نظر آمل تقبلها بصدر رحب

فالهدف من النقد البناء هو الإرتقاء بتقديم ما هو أفضل تلبية لأعضاء وقراء هذا الصرح الشامخ لمنتدى تويوتا العربية


فائق شكري وتقديري