حبيت اعرض لكم هذه التجربة الي تمثل التعديلات المهمه للكروزر 2008 من وجهت نظري ماله داعي تركب زوايد خارجيه تجاريه وحتى من الداخل
السياره الحمدلله مواصفاتها الحين صارت حلوه تيجي ببلوتوث سينسر تشتغل بزر الجير عادي واتماتيك -----الخ بس ينقصك نظام صوتي حلو خاصة ان كل وكيل يوفر مسجل يختلف عن الثاني وكلهم تحت المستوى وحتى الشاشات الي تنباع عند عبدالله عبد الغني كلها استرالية مو اصليه وماتركب عدل على الطبلون
طبعا لذلك من وجهت نظري تحتاج نظام صوتي حلو وتلبس الكراسي عشان تحافظ عليها
بالنسبة للنظام الصوتي تم اختيار شاشة كينووود موديل 7032 الشاشه هذه مميزاتها ان كامله بالملس صوتها ممتاز فيها منفذ usb فيها فيها منفذ حق ipod يعرض صوتيات وفيديو تشغل دي في دي كل الإمتدادات الي تخطر على البال ممكن تصمم الخلفيات وتظيفها ....الخ امكانيات لا محدوده
الشي مهم ايضا انها تركب 100% على طبلون الكروزر 2008 كانها شاشة وكالة ولونها اسود وفيها خط ارزق مثل طبلون الكروزر 2008 يعني بالعربي كان كينوود صنعت الشاشة حق الكروزر
الشي الإضافي ايضا ان كينوود تعاونت مع احسن شركة ملاحة في العالم الي هي جارمين حيث ممكن توصل النافيجيشن على الشاشة وتكون كاملة بالمس فيها كل دول العالم كشورع اساسية والخليج وامريكا بالتفصيل
طيعا سعر المسجل 2700 ريال تقريبا والنافيجشين 3400 ريال وتم تركيب كاميره كينوود ايضا 600 ريال طبعا الكاميرا صغيره جدا يابانيه ضد الماء وتعطي اكبر تقعير ممكن تتخيلة ويمكن احسن من كيمره الوكالة
اما بخصوص التلبيس لبسيت السياره جلد الماني عند المتجر الألماني للجلود عليه ضمان طبعا والصراحه شغلة نظيف وقعده السياره ماتغيرت مثل تلبيسات المخمل الي ماتضبط وماتكون مريحه الصراحه شغلة احترافي ويفصل الجلد تفصيل على الكراسي
الله يعطيك من خيره ويكيفيك شره
ابداع مشالله
بس لو ماعليك امر بكم كامل ركبتها وكم سيدي تاخذ
ياليت تفصل لنا السعر وياليت تحط صوره تبين مدخل اي ابود
والا يو اس بي صراحه شاشه خياليه
