[عاشـــق اللاند]

السلام عليكم

اليوم خلال جولتي بشارع الزينه

رحت حق محل المهلب لزينه السيارات

وكنت ابحث عن المنظره اللي فيها بلوتوث ولم اجدها ولكني وجدت شي افضل

لقيت شاشه نفس شاشه اخونا قموره القموره والله كنت ناوي اشتريها

لانها تجي ببلوتوث مدمج معها يعني مايكها منها وفيها ولمس ودي في دي و سيدي وشكلها ذرب نفس الوكاله

وفيها خرائط والقائمه حلوه نفس مهام الجزيره

وعليها كفاله (ضمان) 6 اشهر وسعرها كان 300 دينار كويتي

وصراحه كنت مطلع البطاقه وكنت ناوي اشتريها لكني ترددت قلت خلني اشاور

وفيه المحل نظام تقسيط قلت ياولد خلني اقسطها افضل

المهم شرايك ياشباب هذي صورتها

اسمحولي على ردائه الصوره لاني مستعجل وتراها نفس شاشه كموره القموره باضبط مافيه فرق



اتمنى من اخوي كموره القموره ان يعطيني رأيه بالشاشه مع المواصفات ومع كم صوره وهل تنصحني اني اشتريه من المحل ولا اخذها من الشرقيه ارخص؟

[الرباب]

اول واحد رد عليك انا جالسلك اليوم ههههههههه
طيب بس حقت مهام الجزيره عليها ضمان سنه وانا مركبها وهذي ضمانها 6 شهور يعني تاخذ حقت مهام الجزيره احسلك خصوصا انك قريب من الشرقيه وتقبل مروري

[عاشـــق اللاند]

طيب عطنا سعرها الله لايهينك وانا مايهمني الضمان

[الرباب]

سعرها 3700 ريال اشتريتها قبل 7 او 8 شهور

[عاشـــق اللاند]

نفس القيمه اجل بأخذها من الكويت اوفر لي واريح

[الهوى الغايب]

ما شاء الـله ... توكل على الله وخذها ...

[الموت هين]

300 دينار

انا ماخذ شاشتي بـ 3500 ريال و احسب الفرق

[عاشـــق اللاند]

والله مالي خلق احسب الفرق لانه مايستاهل سفر وعنوه اخذها عندي هني بتقسيط مريح ومفكر اخذها على اخر الصيف

[عديل الرووح]

المشاركة الأصلية كتبت بواسطة عاشـــق اللاند

والله مالي خلق احسب الفرق لانه مايستاهل سفر وعنوه اخذها عندي هني بتقسيط مريح ومفكر اخذها على اخر الصيف

كلام صحيح الفرق مايستاهل التعب

[عاشـــق اللاند]

شكرا لك على التأيد ولكن الى الان انتظر رد الغالي كموره القموره

[كااااامري اس اي]

والله شكلها حلو و ميزاتها أحلى و بالتوفيق أخوي

تحياتي ...

[طائر الكامري]

مشرفنا العزيز ممكن ترسلي أيميل ضروري في موضوع يهمك

[السياغي]

جميع الشاشات صينيه

ولايهم الضمان

توكل على الله ياغالي

[كمورة القمورة]

هلا وغلا اخووووووووي

بو وليد شخبارك يالغلاااااا


المهم اي نعم حبيبي هذي مثل شاشت سيارتي طبق الاصل


والشاشه والله ماعليها كلام كل يوم تكبر في عيوني اكثر من اليوم الي قبله

واحنا ارخص منكم بشي بسيط بس

انا والله الي غاثني ومظيق صدري شكل المكيف ياخي مال امه داعي وهوو منول ياقلبي على ال اللكتروني

ويعطيك الف عافيه

اخوك : حمود

[وسام]

انا لي شهلا افكر في شاشةمهام الجزيره ومتردد وانشالله اشتري وما اتردد

[بلحروووز]

نفس شاشة مهام الجزيرة بالضبط ..

بس لازم تنتبه من شغلتين ..

1 التحديث فيها جدا صعب واعتقد انه لم يصدر لها تحديث الى الان و برنامج الشاشة روت66

2 في مدن ما تظهر بالشاشة مثل القصيم ماهي موجوده بخرائط الشاشة ..

الله يوفقك و تلقى مطلبك ..