[العزيز]

السلام عليكم ورحمة الله وبركاته

بأذن الله بكون في الاحساء خلال الايام القادمه وبخاطري اركب بعض الاشياء في السياره

واغلبها دي في دي في النص لليهال ، واضائه داخليه زينون ثلجي بدال الليت العادي (عند ازرة الفتحه )

وايضا قطعة لاند كروزر الي تولع ليت ازرق لما تفتح الباب ( ابيها اصليه )

واهم شي ابغي محل شغله خطير ويركب لي ازره علي السكان نفس الفكساربالضبط ويكون اصلي

ياليت تزودوني باسامي المحلات واماكنهم ، ولو بعد ارقامهم يكون افضل حتي اتصل بهم قبل ماسافر

وياريت الاسعار للقطع لو كانت متوفره <--- اشوفك وايد تطلب

وان شاء الله مانسى جميلكم والي بخاطره اي حاجه من الدوحه علي عيني وراسي بس يخبرني انه جاي وانا اضبطه

[اسـتـرجـاعـهـا]

ذيابه السعودية واجد وان شاءالله راح يفيدونك
الله يوفقك يالذيب ورحلة سعيدة وموفقة ان شاءالله
لا تنسى صور الموتر بعد التعديل يالغالي
تحياتي

[مزاجـي]

شوف الأسعار ولله مأعرفها . لكن .. أعرف محل أسمه دايموند في الأحساء ... شغله روووعه .. مر عليهم وهم بيفيدونك .. فيه واحد أسمه ... محمد الريحان صاحب المحل .. قله أنا جايك من طرف صلاح الثاني ... وأبشر بسعدك إن شاء الله

[خبّاب]

مع احترامي لدايموند واصحابه اللى هم اصحابى وعزيزين علي حيل
الريحان
والعبيد
وعمر
لكن هم متخصصين فى التلميع والتلبيس والاشياء هذى
وبصراحة انا بحثت عندهم عن الزوائد ومالقيت انهم مهتمين فيها واذا جابوا جابوا شي تجارى ويصارحونك بها الشي
وحتى تلبيس الارضية كسروا على اشياء والخياطة مش متساوية لكن بصراحة عليهم اخلاق ومرجلة وفزعة تعجبك (بس مزحومين)
الافضل جيب القطع معاك وخلهم يركبونها لك فما زالوا هم الافضل رغم كثرة المنافسين واحجز قبل تجي بأسبوع
وهذا تلفون عمر (0542332221)ومحمد(0558111170)

[الهوى الغايب]

هلا أخوي أرسلت لك أرقام المحل على الخاص ...

وطبعا المحل اللي اعرفه في مدينة الرياض ...

[العزيز]

المشاركة الأصلية كتبت بواسطة اسـتـرجـاعـهـا

ذيابه السعودية واجد وان شاءالله راح يفيدونك
الله يوفقك يالذيب ورحلة سعيدة وموفقة ان شاءالله
لا تنسى صور الموتر بعد التعديل يالغالي
تحياتي

اي والله انهم ذيابه ومايقصرون وبعد انت واهل قطر ماعليكم زود طال عمرك

تسلم يالغالي

[محمد عيسى]

اذا حبيت تروح نفس المحل فهو قريب من حي اسمه الخالدية وقريب من جامعة الملك فيصل
وبالنسبة للمحلات موجودة كثير في شارع الملك ويوجد به محلات حق تركيب السيدي والزينه واول ماتدخل الاحساء توجد وكالة لتويوتا ، اما بالنسبة لمحل ممتاز مع الاسف لا اعرف بالضبط
وابشر بسعدك اذا تبين تعرف اي مكان بالاحساء
بالايمكن ارسال رسالة على الخاص او الايميل

[العزيز]

المشاركة الأصلية كتبت بواسطة مزاجـي

شوف الأسعار ولله مأعرفها . لكن .. أعرف محل أسمه دايموند في الأحساء ... شغله روووعه .. مر عليهم وهم بيفيدونك .. فيه واحد أسمه ... محمد الريحان صاحب المحل .. قله أنا جايك من طرف صلاح الثاني ... وأبشر بسعدك إن شاء الله

جعل راسك سالم يالغالي مزاجي وماقصرت الله

الله لايحرمنا من تواصلك واذا بخاطرك بحاجه من الدوحه ابشر ياطويل العمر

[العزيز]

المشاركة الأصلية كتبت بواسطة خبّاب

مع احترامي لدايموند واصحابه اللى هم اصحابى وعزيزين علي حيل
الريحان
والعبيد
وعمر
لكن هم متخصصين فى التلميع والتلبيس والاشياء هذى
وبصراحة انا بحثت عندهم عن الزوائد ومالقيت انهم مهتمين فيها واذا جابوا جابوا شي تجارى ويصارحونك بها الشي
وحتى تلبيس الارضية كسروا على اشياء والخياطة مش متساوية لكن بصراحة عليهم اخلاق ومرجلة وفزعة تعجبك (بس مزحومين)
الافضل جيب القطع معاك وخلهم يركبونها لك فما زالوا هم الافضل رغم كثرة المنافسين واحجز قبل تجي بأسبوع
وهذا تلفون عمر (0542332221)ومحمد(0558111170)

والله اني منحرج وماعرف شقولكم

جزاكم الله خير لا انت ولا الاخوان مب مقصرين

اي خدمه من الدوحه انتو أمروا بس

[العزيز]

المشاركة الأصلية كتبت بواسطة الهوى الغايب

هلا أخوي أرسلت لك أرقام المحل على الخاص ...

وطبعا المحل اللي اعرفه في مدينة الرياض ...

وصل ياطويل العمر

جعلك سالم ان شاء الله

[عبدالعزيز السيد]

لازم انت تعاين بنفسك المحلات ابرك لك من زيد وعبيد

[حسونه]

بيض الله وجوهكم يالذيابة

[خوخل صاحب قوقل]

ياصاحب الموضوع

ولله الأسماء الحسنى فادعوه بها

وأسمك من أسماء الله الحسنى فياحبذا تطلب الإداره تغيره أو تغيره الإداره

قال رسول الله صلى الله عليه وسلم: " إن لله تسعة وتسعين اسماً مائة إلا واحداً، من أحصاها دخل الجنة، وهو وتر يحب الوتر" متفق عليه

لاأستطيع مراسلتك على الخاص .. ممنوع لأن مشاركاتي قليله

[عبدالعزيز بن]

شوف دايموند ماعنده كل شي

بس فيه اشياء اذا بغيتها يجيبها لك ويقولك ان كانها اصلي ولا تجاري وشغلهم مب شين

بس فيهم مشكله ان اسعارهم غاليه زياده عن اللزوم بحجة ان شغلهم لايعلى عليه لاكن في الواقع شغلهم عادي ويخربون بعض الاشياء

واذا تبي افضل محل متخصص في شغلات السيارات والناس تمدحه

رح رد كار يم المخازن الكبرى عنده اشياء ماتتصورها وكل شي يخص السيارات عنده

[كلامي عذب]

شوف دايموند ماعنده كل شي

بس فيه اشياء اذا بغيتها يجيبها لك ويقولك ان كانها اصلي ولا تجاري وشغلهم مب شين

بس فيهم مشكله ان اسعارهم غاليه زياده عن اللزوم بحجة ان شغلهم لايعلى عليه لاكن في الواقع شغلهم عادي ويخربون بعض الاشياء

واذا تبي افضل محل متخصص في شغلات السيارات والناس تمدحه

رح رد كار يم المخازن الكبرى عنده اشياء ماتتصورها وكل شي يخص السيارات عنده

وأنا أويد كلام الاخ عبدالعزيز بن

اما دايموند ماراح يركب لك الامور هذا اللي تبيها وانت واقف وحتى لو كلمتة وحجزت

يمكن النوعية ماتعجبك لان هذة شغلة كهرب وهم فيها مايعرفون شي ..

انصحك برد كارد عمالة وكل شي موجود فية الاصلي والتجاري ..

عند المخازن الكبرى

وبالتوفيق ..

[ولد الاكرام ...]

.. الله يوفقك ان شاء الله ..
.. وما قصروا الشباب معاك الله يعطيكم العافيه ..

(( ت ح ي ا ت ي )) .. ولد الاكرام ..