[* خالد *]

السلام عليكم

كيف حالكم شباب ان شاء الله بخير

بغيت اسال عن اللكزس is

انا ناوي اشتري هذي الاميره

وبعض الشباب قالي اشترها طلبيه من امريكا افضل

لان اللكزس الامريكيه قوتها308 حصان وتسارعها جدا جدا رائع 0 - 100 كم/ساعه في 5.3 ثانيه ( رقم مدهش صراحة )

اما اللكزس الي عندنا قوتها 228 حصان وتسارعها مش ولا بد 8 ثواني !!!

الحين ابي جميع جميع الفروق بين is300 و is350 غير قوة المكينة

ولو اجيب اللكزس الامريكية هنا في السعوديه هل باواجه مشاكل ؟؟

وهل عبداللطيف جميل يسوون صيانه لـ is350 ولا يقولون ظف وجهك كالعادة !

بالعاميه ابي اعرف كل صغيره وكبير !

وفي الاخير اتمنى مشاركة الجميع خصوصا الاشخاص من ذوي الخبر

[ي ز ي د]

اخوي ابعطيك من الاخر

كلهن حلوات

وتكفيك علامة اللكزز

لكن انت واللي يعجبك

اذا تبي سياره رسميه عندك الـ es

واذا تبي موتر شبابي وسبورت عندك is

[كريم كراميل]

أنا من راي اذا حابب قوة وتجيب سيارتك من أمريكا فجيب IS-F تسارعها 0-100 في 4 ثواني
المثل يقول(اذا عشقت أعشق قمر)
ومواصفات IS350 تلقاها على موقع لكزس الرئيسي
واعذرني اذا ما افدتك كثير

وسلامتكم

[أسيــــــر]

يا خالد ياليت تفهم كلامي زين زين

انت طال عمرك من الرياض زين زين والبنزين عندك وش هو !! بنزين 95 , 91

والـ is350 البنزين اللي ينفع او اقل فئة بنزين تنفع لها بنزين حقن 98 طيب تقول لو حطيت 95 بيظر او لا !!؟

انا سمعت من واحد من الربع اللي تبع الأمير عبدالعزيز بن فهد ان المايباخ حق الأمير . لازم يتعبى ببنزين 98

لكن ما اهتموا بهذا بعدها بفترة السيارة ما رضت تشتغل وتعطلت عليهم ودوها للوكاله قالوا البنزين اللي تحتاجه السيارة 98 لكن في الأدريس او اي شركة مختصه بالبترول يبيعون علب مصفيه للبنزين ويمشي السيارة لكن !!

كل ما وصل عداد البنزين للنصف تاخذ علبه وتكبها في التانكي وتعبي بنزين فل .. فهل بتقدر تسوي هالشي ؟؟

يمكن كلامي يتكلم عن مايباخ وانها ما تنتقارن بـ is350 لكن المكينه نفس الشي

خلاصة الكلام خذ لك is300 وريح عمرك واذا تبي مكينه خذ لك g35 sedan

اعذرني كثرت الكلام لكن حبيت انصحك مع طرح مثال لواقع تجربه

تحياتي

[مخاوي لكزس]

انا رحت لوكالة لكزس العليا وسألت عن Is350وقالي المشكله مب في البنزين المشكله في السعر لان سعراها راح يكون غالي لان الـ 300 بـ 145 اجل 350 بكم ؟؟؟ وما احد بياخذها بسعر غالي وهي صغيره هذا السبب بس بس ترا بتطلع غاليه عليك لان قيمة الشحن لحالها حوالي 10 الى 12 الف ريال بس ما راح تندم..... اتمنى اني افدتك






تقبل مروري

[ليكزي]

عليكم السلام

الحين ابي جميع جميع الفروق بين is300 و is350 غير قوة المكينة

الفروق هي كالتالي:

- المحرك (يعمل بقنية الحقن المباشر وفارق في سعة المحرك واحصنته) ..
- نظام Dynamic Radar Cruise Control ، نظام يحفظ مسافة محددة بينك وبين السيارة التي امامك (متوفر LS460 و LX570) ..
- Satellite Radio او الإذاعة التي تعمل بالأقمار الصناعية "غير مفعل في الشرق الاوسط" ..
- HomeLink® Remote Control ، جهاز يتيح لك التحكم لفتح باب "القارج" أو مدخل المنزل مثلا من خلال سيارتك ..
- Pre-Collision System (PCS)، نظام يحدد متى يصيبح التصادم الامامي لابد منه ثم يؤخذ احتياطاته ليساعد على التقليل من تأثير الصدمة ..
- Direct Tire Pressure Monitor نظام مراقبة ضغط الإطارات (اعتقد موجودة على LS460)

طبعا هذه المواصفات و غيرها الكثير تعتبر اختياريا " بالنسبة لهم".. اي ادفع مبلغ وقدره ...... لكي تحصل على هذه التقنية العالية ..

ولو اجيب اللكزس الامريكية هنا في السعوديه هل باواجه مشاكل ؟؟

غاليا نعم ، والا ماذا يدعوا لكزس لعدم طرح مثل هذه المحركات في الشرق الاوسط !!

وهل عبداللطيف جميل يسوون صيانه لـ is350 ولا يقولون ظف وجهك كالعادة !

ما اعتقد ، لانك بتكون جايبها "وارد" ..
واي شيء وارد يعني الوكالة غير مسؤولة عنه، الوكيل ما يتحمل صيانته ولا ضمانه ..

نصيحتي لك ، خذها من وكيلكم احسن ، لان الوارد متاعبه كثيرة وشاقه و محد يضمنه لك ..
اشتبي في المكينة يا شيخ ، ما تسوى عليك ..

تحياتي
ليكزي

[ف.م.ف]

المشاركة الأصلية كتبت بواسطة أسيــــــر

يا خالد ياليت تفهم كلامي زين زين

انت طال عمرك من الرياض زين زين والبنزين عندك وش هو !! بنزين 95 , 91

والـ is350 البنزين اللي ينفع او اقل فئة بنزين تنفع لها بنزين حقن 98 طيب تقول لو حطيت 95 بيظر او لا !!؟

انا سمعت من واحد من الربع اللي تبع الأمير عبدالعزيز بن فهد ان المايباخ حق الأمير . لازم يتعبى ببنزين 98

لكن ما اهتموا بهذا بعدها بفترة السيارة ما رضت تشتغل وتعطلت عليهم ودوها للوكاله قالوا البنزين اللي تحتاجه السيارة 98 لكن في الأدريس او اي شركة مختصه بالبترول يبيعون علب مصفيه للبنزين ويمشي السيارة لكن !!

كل ما وصل عداد البنزين للنصف تاخذ علبه وتكبها في التانكي وتعبي بنزين فل .. فهل بتقدر تسوي هالشي ؟؟

يمكن كلامي يتكلم عن مايباخ وانها ما تنتقارن بـ is350 لكن المكينه نفس الشي

خلاصة الكلام خذ لك is300 وريح عمرك واذا تبي مكينه خذ لك g35 sedan

اعذرني كثرت الكلام لكن حبيت انصحك مع طرح مثال لواقع تجربه

تحياتي

نفس كلام اخوي اسير

[ملك الكوكو]

ألحين ودي افهم شي واحد مهبل بي من زمان :


انواع اللكزس الـ is اثنين
is 300
is 350
هل
is 350 هي نفس الـ Is-F ?!

-=-=-=-=-=-

أخ "أسير" .. والله كلامك عين المنطق والله انك اقنعتني وانا صعب المنال قصدي يعطيم العافية على المعلومات الوافيه وصدقني معلوماتك هذي صحيحة مو محتاج احد يصححها لأني قريت عنها الكثير ومليت ..

أنا طال عمرك معي كورلا 2006 فل كامل .. ماخليت شي الا ركبته حتى شاشه وبلوتوث شرينا ... بس مافي زي اللكزس

وانا طموحي رياضي بس متعود على الياباني هع يعني مالك يابن عمي الا "اللكز"

ومع انواعها الكثير طفشتنا هههههههههه..

-=-=-=-=-
على فكره انا سمعت في نوع is 500 بينزل بس موعندنا برى السعودية ..؟!

[جدة هوست]

المشاركة الأصلية كتبت بواسطة ملك الكوكو

ألحين ودي افهم شي واحد مهبل بي من زمان :


انواع اللكزس الـ is اثنين
is 300
is 350
هل
is 350 هي نفس الـ Is-F ?!

-=-=-=-=-=-

أخ "أسير" .. والله كلامك عين المنطق والله انك اقنعتني وانا صعب المنال قصدي يعطيم العافية على المعلومات الوافيه وصدقني معلوماتك هذي صحيحة مو محتاج احد يصححها لأني قريت عنها الكثير ومليت ..

أنا طال عمرك معي كورلا 2006 فل كامل .. ماخليت شي الا ركبته حتى شاشه وبلوتوث شرينا ... بس مافي زي اللكزس

وانا طموحي رياضي بس متعود على الياباني هع يعني مالك يابن عمي الا "اللكز"

ومع انواعها الكثير طفشتنا هههههههههه..

-=-=-=-=-
على فكره انا سمعت في نوع is 500 بينزل بس موعندنا برى السعودية ..؟!

ال IS500 هي ال IS-F

ال IS في امريكا منها ثلاث انواع :
IS250
IS350
IS-F
ال IS-F مو نفس ال IS350
المحرك v8 قوته 417 حصان التسارع 4.4

Lexus IS F

عندنا في السعودية IS300 بس

مع تحياتي

[زيزوووم]

مالك ومال الكوبري المعلق