[اف اند تي]

السلام عليكم

محتار انا بين تاهو و لاندركروزر

مدري وش ازين .. التاهو ما عليه كلام .. و الاندكروزر تويوتا

اقرا بالمنتدى ماحد يمدحه ..

يعني من واحد مجرب. . وش عيوبه !! ووش تفضلون ؟

من ناحية القوة و الجودة .. ؟

[سلطان الدمام]

السلام عليكم

حياك اخوي اف & تي

بالنسبه للقوه بدون اختلاف ... التاهو

والجوده ...... الاند ( تايوتا بشكل عام )

هنا في المنتدى الكل يشارك بتجاربه مع السياره والمشاكل اللي واجهته

يعني مو شرط اللي بيشتري لاند بيكون فيها نفس المشاكل اللي عند العالم

انا لو اعطيك منتدى خاص للامريكي منتدى ( ؟؟؟؟؟؟ ) يتكلم عن السيارات بشكل عام


رافعين اسهم الامريكي ومطيحين الياباني

والمشكله %40 من الاعضاء يشتكون من الامريكي

يعني اذا جاك في السياره عيب مصنعي ... الوكاله تتحمله

وغير كذا استخدام الشخص له دور كبير بعمر السياره

باختصار تايوتا هي الاجدر في السوق

واسف على الاطاله

[المووج]

ماتعرف المثل الي يقول
^^^^^^^^^
^^^^^^^^
^^^^^^^
^^^^^^
^^^^^
^^^^
^^
^

تــــــــــــويــــــــــــوتا وبـــــــــــــــــــــــــــــــــــــــــس

[بو نايف م]

بغيت افيدك بالنسبة لتاهو لكن والله ما عندي معلومات عنه
اما بالنسبة للامريكي اشوف عندنا بقطر بدا انتشار كبير جدا جدا
لليوكن الدنالى اشوفه منتشر كثير وسالت بعض الشباب عنه يمدحونه
كثير هذه معلوماتي البسيطة اللى اعرفها عن الامريكي اليوكن دنالى

[أبوحمد]

أحسنت يا سلطان الدمام

وأتوقع الأستخدام يلعب دور كبير

والسياره الجديدة جديدة ..

[حبوب العين]

نصيحتي لك خذلك لاندكروزر لانه سعره ما يطيح وما فيه عيوب نفس التاهو الامريكي وسعر التاهو يطيح بسرعه وولو فيه خراب في الوكاله بيعقونه عليك ..والعيب الثاني الي شفته في التاهو في وجهت نظري انه التاهو من داخل صغير حجمه مع انه كبير شكله من براا وانا مستغرب من هالشي يوم شفته في الوكاله ...

وان شاالله اني افدتك اخوي وان شاءالله اخواني ما بيقصرون وفيهم البركه ...

[ريان مكه]

الكروز احسن

[بو رنـــه]

انا اشوف ان الكروزر احسن

انا اشوفه اريح من التاهو

وبعد انه يعيش عمر وما يطيح سعره لو بتبيعه

[الوضع الصعب]

مرحبا يالربع............ بعد السلام
انتو شفتو الديكور الداخلى لليوكون والتاهو.... وشفتو الداخلى حق الكروزر بالله يالربع فيه مقارنه؟؟
الكروزر افخم بواجد .

[أبو وسن]

سلطان الدمام ارسلي لو سمحت المنتدى حق الامريكي

[أبو وسن]

استخير واستشير وكملهن بالتريّث وعدم الإستعجال إن شاء الله ما تندم

[بوعلـي]

تويوتا وبس

[مـجـنـون]

شف وانا اخوك الجنرال موتر بشكل عام المكاين عزم مو طبيعي انت شوف السوبرمان مديل 85 وانت تعرف واذا نويت على التاهو انطر الى مديل 2009 لآن القير راح يصير 6 سرعات بدل ماهو 4 سرعات وبتنزل عليه مكينة الدينالي 6.2 441 حصان

[واحد غير]

شوف اخوي
انا اعرف واحد عنده تاهو 2007
بصراحة من ناحية الداخليه في التاهو روعة حلوه
والمواصفات حلوه
والراحة داخل السيارة ممتازة كأنك على كنبات
ما اخفيك ان المكيف اخترب تقريبا بعد سنه بس ماادري يمكن من استخدامه
على العموم اللاند ماادري عن 2007 - 8 - 9
بس على حسب ماسمعت انه ممتاز طبعا الشكل انا اقولك ان اللاند افخم بس التاهو اضخم
انت شوف استخدامك انا احس اللاند احسن حق البر بس التاهو حق امور بسيطه

وانت استخير وفكر وشوف جرب السيارتين واذا ماتبي تجرب كيفك بس اهم شي لا تشتري الا وانت متأكد
حط مليون خط تحت متأكد
ومبروك مقدما

[نجـــدي]

فخـــــامة + قـــــــــوة = تاهـــــــــو


جــــــــــــــودة = لانـدكروزر


هذا باختصـــــــــار ..

[اسـتـرجـاعـهـا]

السلام عليكم
لو تبي قوة ورحة ووساعة ولو ماتهتم بسعر الموتر بعد البيع والخرابات الي ممكن تصيبك ولو تبي سعر رخيص خذ تاهو!!
لو تبي قوة وسعر عند البيت وسيارة تعيش معاك ولو تدخل البر واجد خذ كروزر!!١
بالتوفيق
تحياتي