[محامي كروزر]

اخواني انا عندي جي اكس سعودي .. ودي اركب الشاشة الأمامية مكان المسجل ( اللي مثل الفي اكس ) وابغى الاصلية سألت الوكالة قالوا سعرها 21000ريال سعودي ومع الخصم 18000ريال .. والسعر عاااااااااالي جدا ودي من الأخوة في قطر او الكويت او غيرها يذكرون لنا كم سعرها في الوكالة ... مع الكاميرا الخلفية مع التركيب وهل عليها ضمان أو لا ؟؟؟؟؟؟ وياليت الاخوان يذكرون المبلغ بالريال السعودي

[بنت الخران]

ماشاء الله عندكم رخييييييييييييييييييييييييييييييييييييصه

عندنا شاشه البرادو العاديه جدا فى الوكاله ب 30 الف درهم !!!!!!!!!!!!!!!!!!

وشاشه الفي اكس ار ب 45 الف درهم

الله يعيين

[محمد بن عمر]

ركبو حقت مهام الجزيرة واجدين يمدحونها

[الطلوحي]

شف هالموضوع يمكن يفيدك

مثبــت: الكروزر الإسمنتي 2008 تعديلاتي المثالية ((شاشه+نافيجيشن+تلبيس)) لازم الكل يشوف

مع تحياتي ...

[أبوحمد]

إذا على فرق السعر 20000 ريال أشوف انكم وصلتوا حول سعر الفكسار الوكاله ..

[بو رنـــه]

انا اقل انسى موضوعها لانها ابدا ما تستاهل

انا كنت ناوي اطلب السياره 6 سلندر مع الشاشه عندنا قالو زيد 35 ألف (الفطيم)

بصراحه انا اقول خذلك نفقيشن بروحه احسن لك

=======================

بنت الخران

انا شفت عندج في موضوع من مواضيعج شاشه نفيقشن متنقله

الله يخليج قوليلي كم سعرها و من وين خذتيها لاني ناوي على وحده ( اذا كان في افضل منها يا ليت تقوليلي)

[السياغي]

شاشه ب 45000 درهم ليش

جنان هذا والله

[بو نايف م]

اخوي انا رحت وسالت عن قيمة الشاشة لاني ابي اركبها ان شاء الله
لكن وقت مارحت اركب الكاميرا الخلفية للريوس لم تكن متوفرة وقالى تعال عقب شهر
لكن اذا جيت وبغيت اتركب اشتر الكاميرا من الوكالة وجيبها معاك
مثل ماذكرت انت سعر الشاشة غالي عندكم بالسعودية
الاسعار
سعر الشاشة مع الكاميرا الخلفية وبدون نفقيشن 5600 ريال
وسعر الشاشة مع الكاميرا ونفقيشن 9600 ريال وفيها البلوتوث

وذا بغيت اتركب خارج الوكالة شاشة كنود كاملة مع كميرا ونفقيشن
بتكلفك حول 6500 ريال او اقل بشوي

ملاحظة : توني انتبهت هذه الشاشة غير عن شاشة الفي اكس ار
والضمان عليها 3 سنوات

وهذا رقم الموظف بالوكالة والمتخصص بتركيب
الشاشات تفضل وساله عن اللى تبيه والاسعار
هو هندي الجنسية اسمه زهير 009744601232

والتركيب وانت واقف خلال ساعة تاخذ موترك
مع التحية ،،،

[بوخليفـــة]

السلام عليكم ورحمة الله وبركاته

بخصوص موضوع الشاشة انا دخلت من فترة وكالة التيوتا فالبحرين (كانو) سألتهم عن الشاشة قالولي قيمتها
1300 دينار بحريني = 13 الف ريال سعودي ... بدون تركيب طبعاً هذا سعره الشاشة لحالها .

أخوك بوخليفه

[خيال المفخرة]

اعوذ بالله وش هالسعر الخيالي
45 الف قيمة هايلكس
المشكله وش فيها عشان يوصل سعرها كذا
ولله ناس ماتخاف الله
خذلك شاشة كنود مثل راعي كروزر سمنتي اصرفلك واوفر لك

[سلطان الدمام]

انا اختصر لك الموضوع

اذا ركبت شاشه الملاحه مابتكون توصيلاتها مثل شد بلد

اللي يركبونها لك عماله فلبينيه ......... مو يابانيون

اقصد اسبوع وانت راجع لهم ... انفصل شي - علق النظام- البلوتوث مايشتغل

لا تنسى انهم بيفكون الواجه كامله وبتغير المكيف وانظمه اكترونيه

نصيحتي :

بيع الموتر واشتر vx-r

gx-r 8 الفل يفرق عن الـ vx-r تقريبا 25 الف ريال ( المخمل )


وبالتوفيق

[أمير الكروز]

أخوي ركب شاشة مهام الجزيرة يمدحونها و تكلفك كاملة حول 4300 ريال الشاشة مع نفيقشن عربي مع كاميرا

الرابط شاشة مهام الجزيرة (لاند كروزر) صور,,,,,

[فهداوى]

اعتقد بالكويت 1750 دينار

[خيال المفخرة]

يااخوان بالله ممكن توضح لنا اي شاشه بالظبط
لأن شاشة في اكس ار تختلف عن شاشة جي اكس ار
ويالليت يا ابو نايف تقولن وش الشاشه بالظيط حقت الوكاله اللي تقول هل هي حقت في اكس ار ولا لا ؟
اللي تقول قيمتها 9600

[اسـتـرجـاعـهـا]

السلام عليكم
اخوي الشاشة يمكن حول ٣٠ الف لاتنسى يبيلها تضبيط والصراحه انا اقول انها ماتستاهل اذا الشاشة العادية عند عبدالغني حقت الجي اكس ار والجي والجي بحول ٩٠٠٠ يعني لو تركب شاشة مثل الي في موضوع الغالي الكروزر الأسمنتي مع نفقيشن وكيمرا السعر راح يكون ٦٤٠٠ !!
اي سؤال ثاني تراني حاضر يالذيب
تحياتي

[بو نايف م]

المشاركة الأصلية كتبت بواسطة خيال المفخرة

يااخوان بالله ممكن توضح لنا اي شاشه بالظبط
لأن شاشة في اكس ار تختلف عن شاشة جي اكس ار
ويالليت يا ابو نايف تقولن وش الشاشه بالظيط حقت الوكاله اللي تقول هل هي حقت في اكس ار ولا لا ؟
اللي تقول قيمتها 9600

انا قصدت اخوي شاشة الجي اكس ار تفضل
هذه الشاشة من الوكالة ونوعها تويوتا مع النفقيشن والكاميرا
والتركيب 9600 ريال والضمان 3 سنوات