[محقق]

السلام عليكم

بالنسبه للتثمين .. الموديلات الي قبل 2008 كان يطلب من صاحبها تثمين السياره في 3 ورش مختلفه لكن انا قالي عسكري بالمرور موديل السنه تسعره من الوكاله لكن عسكري ثاني يقول لا لازم 3 ورش وبصراحه انا ابي اصلح الموتر في الوكاله وماابي اسعر الصدمه في ورش ويعطوني سعر اقل من سعر الوكاله وبعدين يعطيني التأمين مبلغ مايغطي تصليح السياره في الوكاله وادفع انا من جيبي تصليح السياره والخصم مخطي علي 100 %

فهل فعلا موديلات 2008 فقط تسعر من الوكاله صدمتها ام لا

[ميمـو]

^^^ ماظنيت لأني معي 2008 ورحت اسعرها في ورش حقت المرور .....

ماعتقد ان التسعير من الوكاله

[م: أحمد]

أخوي محقق .....عليكم السلام ورحمة اللة وبركاتة
2008 التثمين في الوكالة ..... والي يقول غير كدا خش في عينة خلك مثلي واللة كرسيدا اخوي ثمنت قطع الغيار عند وكيل معتمد لتويوتا ...... واللة يجعل الي صار للك دفع بلا ان شاء اللة

[اوريون ماسي]

اكيد وكالهـ اخوي دامـ الموتر ماقد انصدم او انرش او طقهـ الشاكوش ..,,

دمت / بـ ود

[محقق]

رحنا ثمناها في الوكاله رفضوا التسعيره التأمين والمشكله التأمين الي عندي الوكاله نفسه يبون تسعيرة ورش


ياشيخ لأدخل على أكبر الورش واخليهم يدبلون التسعيره حقت الوكاله فوق ماهي دبل

يعني الوكاله يبون يغيرون الصدام الخلفي كامل ب6000 ريال .. اروح للورش اخليهم يرفعونها ل8000

[زيزوووم]

شوف شغلك والله يعينك

[منخش ورى امي]

اخوي محقق
الحمدلله على السلامه
النظام يقول
اي سياره اقل من 12 شهر
لازم تسعرها من الوكاله
شكرا

[ألمستشار]

المشاركة الأصلية كتبت بواسطة محقق

يعني الوكاله يبون يغيرون الصدام الخلفي كامل ب6000 ريال .. اروح للورش اخليهم يرفعونها ل8000

اتقي الله انت مارح تضر الوكالة
رح تضر الخصم اللي قبعك وهذا قضاء وقدر
فحرام تروح للورش تخليهم يرفعوا سعر التصليح الى 8000 ريال بينما هو اقل

[محقق]

ليش اضر الخصم ؟؟

الخصم اخطي علي 100 % ومن حقي انه يصلح سيارتي لو انها تكلف 100 الف ..

ثانياً .. التأمين هو الي راح يدفع ماراح يدفع هو من جيبه

[بلاك أوريون]

أخوي أصلاً شركات التأمين تطلب منك فاتورة لقطع السيارة من الوكالة

فإذا طلبوك الفاتورة أو بالأصح التسعيرة للقطع أطلب من شركة تويوتا تسوي برنت بالقطع مع شغل اليد وتوضيحها

زي ما سويت أنا قبل فترة ،، وعلى حسب علمي أنه فيه مصطلح عند المرور الله يصلح حالنا وحالهم اللي هو "شيوخ المعارض"

هذا عندنا في المدينة بس ما أدري عن المدن الثانية ،، شيوخ المعارض ثلاثة ورش كبيرة متعاملة مع المرور ولا عندهم تلاعب بالسمكرة يتكلمون عن واقع خبرة يعطونك سعر الوكالة بالملّي وأنا يوم شفت التسعيرة في الوكالة وعند شيوخ المعارض الفرق 50 ريال .

للإفادة وآسف على الإطالة ..