[السوسة]

السلام عليكم ورحمة الله وبركاته

انا عضو متابع بصمت لمواضيع المنتدى العامر بأعضائه المميزين

حبيت استفسار عن طريقة شراء سيارة من اليمن وهي Vx-r وطريقة تحويل المبلغ لأني بأذن الله

على الاربعاء ماشي لليمن

ياليت اللي في اليمن ولا فيها كلافه يجيب لنا العلم من الوكاله ويجيب لنا صور السيارة من الخارج

الداخلي معروف لكن الخارجي الظاهر ان وارد بازرعه يجي عليه زوائد اللي عنده علم يفيدنا الله

يجزااااه خير

[بنت الخران]

ودي افيدك

بس ممكن رابط موضوع سياره السياغي بيفيدك من ناحيه الصور


صور موتر الجديد gxr اليمن

[حسونه]

صدقني إنك تعزويت برجال
وذيابة اليمن ماراح يقصرو معاك
وأنا أتمنى أعرف كم التكلفة وكم الجمرك عليها
لنعرف كم التكلفة النهائية
والله يوفقك

[الكميم]

اليحي موزع معتمد لبازرعه
فأنصحك تأخذ من عنده المهم تتأكد انها بازرعه عن طريق اللحيه الخلفيه وخط لاندكروزر اسفل الأبواب
وكذلك تأكد ان البليته على الزجاج غير موجوده مخبأه لدي اليحي وأيضا المنفذ الجمركي يكون من الطوال
سعر الفكسار رقم 1 الفل اوبشن في اليمن بالجمرك اليمني 65000$
يعادل 244000ريال سعودي طبعا بالجمرك اليمني
تحياتي

[السياغي]

هلا بك اخوي السوسه

طبعا عند الشراء من بازرعه لابد من الشراء مجمرك ( يعني ماتقدر تخصم قيمه الجمارك وتقول مابستخدمها في الاراضي اليمنيه)

السعر كما افادك اخوي الكميم وزياده حبتين 67000 دولار لاني كنت ناوي عليه بس الحين مهون شوي

استلام السياره بيكون في نفس اليوم طبعا تدفع وتاخذ سيارتك وتتمشى فيها باليمن وتسافر عليها الى المملكه بكيفك

والباقي عليك

الصور هذه ماخوذه من موضوع اخونا الكميم








ارجوا ان اكون افدتك بما تريد


تقبل تحياتي


السياغي

[أبوحمد]

مع أني وصلت متأخر لكن السباقين ماعليهم قصور والله يعطيهم العافية ..

واللي أعرفه أن سعر الفل كامل يوصل إلى 250000 ريال وبهذا السعر أنصحك بالبريمي نفس بازرعه ماعدا اللحية الخلفية وكتابة الكروزر اللي على الابواب الامامية من الخارج مع خط رصاصي يمتد من بداية الباب الامامي وينتهي بالباب الخلفي طبعا من الجوانب ..

[علي بن عايض]

ماشاء الله تبارك الله

اعتقد ان الأخوان كفو و وفو الله يعطيهم العافية

بالتوفيق

[أسامه]

السلام عليكم

أخي الكميم وأخي السياغي... الكثير من السيارات لدى اليحيى بزوايد خلفية وبكتابة لاند كروزر على الأبواب.

ولكن أحد الأخوان شاري قبل شهر منهم وأنا شايفها بنفسي وفيها الكتابه الجانبية وبدون زوايد خلفيه واستلمها من اليحيى قدامي وركبتها وشفتها وحتى أنا قلت له ما شاء الله مو ناقصها إلا نيكل للاصطبات و (( زوايد ))....

هل يعني هذا أن السياره اللي شراها وارد كانو من البحرين وليست با زرعه...

ريحونا تكفون لأني حاجز من اليحيى وأنا قاعد أنتظر.

[السوسة]

السلام عليكم

اول شي اشكر كل من رد وشارك في المووضوع ولقد تم الاتصال على بازرعه وافادونا ان Vx-r جلد غير متوفر حالياً وسعره 68500 دولار والمخمل 65000 دولار

واليحي مريت عليهم اليوم قالو نجيبه لك بـ 270 قلت بازرعه قالوا لا دبي وانكرو ان كتابة لاندكروزر في اسفل الباب حقت بازرعه

والظاهر اني عزمت على قطر كلمت لي معرض هناك يقول موجود حبه وحده لؤلؤي فل وارد عبدالغني طبعاً


واذا تعرفون لنا معرض في اليمن يبيع جلد لؤلؤي جيت وتركت قطر ياليت اللي يخبر لي يرد لي خبر هنا الى مده اقصااها بكره الساعه 12 ( مساء الاثنين ليلة الثلاثاء ) لأني ماشي لقطر اذا ماحصلت غيره



الله يعطيكم العافيه


السوسه

[اسـتـرجـاعـهـا]

ان شاءالله ماراح يقصرون معك شباب اليمن وانا تحت امرك في قطر يالذيب
بالتوفيق
تحياتي

[السوسة]

تكفى يالذيب استرجاعها

هذا ايميلي ياليت تضيفني عندك

[السياغي]

هذا كارز سيتي

موزع معتمد لبازرعه

موجود عنده جلد ولؤلؤي شفته امس

وراح يعطيك بسعر افضل من بازرعه

اسم صاحب المعرض

وديع السالمي

وهذا رقمه

00967777377773

تمنياتي لك بالتوفيق

[السوسة]

الله يبيض وجهك يالسياغي

وان شاء الله اني عنده الثلاثاء


واذا حصلت عنده طلبي ترى انت مندوبي اذا ماعليك امر ولا كلافه

وياليت لو تظيفني وخلاص اقطعها علااقه يا استرجاعها امزح امزح الله لايفرقنا و يجمعنا على الخير والمحبه


السوسة **

[السياغي]

ابشر والله اخدمك بعيوني ولايهمك

الاخ اسامه تم الرد عليك بالخاص

[السوسة]

تم تخليص جميع الامور وما بقى غير دقت السلف ونمشي لليمن بأذن الله


والممشى الساعه 12/1 صباحاً نوصل بالسلامه ان شاء الله ( ادعو لنا )


وماقصرت يالسياغي الموتر حصلته عند كارز سيتي واتفقت معه بـ 67 الف دولار عسااها زينه وماغلبنا الرجال

السوسة **

[أسامه]

بالتوفيق أخي السوسة وإن شاء الله ترجع بالسلامة...