[السيف العالمي]

اللي عنده الفروقات ياشباب

تكفون أبغاها ,, أنا رحت للوكالة وسألت عنها وقالوا لي مافي فرق بس الشاشة

وأنا لما شفت النوعين لقيت الفرق الشاشة والجنوط وأزرار على يمين الدركسيون ما أدري وش حقه؟

وقالوا لي أن الفئة الأولى سعرها 150000
والفئة الثانية سعرها 136000
يعني الفرق 14000

تكفون ياشباب اللي يعرف معلومات أكثر عن الفروقات يعطيني إياها

ووش تنصحوني أخذ أي فئة ؟؟ مع أني أقول أن الشاشة ما أحتاجها

يعطيكم ربي ألف عافية,,

[السيف العالمي]

وش دعوا ياشباب محد يعرف؟؟؟؟؟؟؟؟

[أبـوفـهـد]

اخوي ابذكر الفروقات اللي في بالي
- وجود الشاشه طبعا الشاشه بحد ذاتها تقدر عن طريقها تتحكم في اشياء كثيييره مثل المكيف والمسجل والسي دي واشياء كثييره وبطبيعة الحال تتحكم بنظام الملاحه
- الكاميرا الخلفيه للسياره
- جنوط السياره مثل ماقلت طبعا شكلها احلى بكثيير من النوع الاقل
- نوع الجلد يختلف في الفول اوبشن نوع افضل
- نظام الصوت في الفول الاوبشن نظام مارك لفينسن الرائع وفي الاقل نظام صوت لكزس العادي
- المسجل موجود في الفول بينما غير موجود في النوع الاقل مواصفات
- الازرار اللي قلت عنها على الدركسون حقت التلفون موجوده بس في الفول اوبشن

هذا اللي في بالي الحين وذا في شي نسيته الشباب ان شاء الله مايقصرون

نصيحتي لك انك تاخذ الفول اوبشن لان النوع الاقل حرام احط فيه 136 الف

انا عن نفسي حاجز وحده فل اوبشن

بالتوفيق لك اخوي

[الراهي]

الأخ أبو فهد كفى ووفى وأزيد على المواصفات التالي:

1- جنوط 10 ريش
2- بلوتوث
3- وجود 14 سماعة (في العادي 8 سماعات)
4- وسادتين هوائية اضافية

وسلامتكم,,,

[السيف العالمي]

الله يعطيكم العافية ..أبو فهد - الراهي
ومشكورين على المعلومات
شكلي راح أخذ النوع الأول ,,,,

[كحيلان]

انا رحت للوكاله وسألت وقالو لي الفرق الوحيد بس هو وجود الشاشه والجنوط
طبعا الشاشه شاشه ملاحه يعني فيها بلوتوث وبس هذي الفروق الوحيده الي بين الفئيتين
وسعر الفل اوبشن الي بشاشه طبعا قالو لي 145000
والفئه الثانيه قالو لي 136000
واتمنى اني افدتك

وشكرا....

[السيف العالمي]

المشاركة الأصلية كتبت بواسطة كحيلان

وسعر الفل اوبشن الي بشاشه طبعا قالو لي 145000
والفئه الثانيه قالو لي 136000

أفاااااااااااااا ..

وشلون يوم رحت لهم أنا قالوا لي أن الفل أوبشن بـــ 150000

يقصون علي

يعني كل منطقة لها سعر ؟؟؟

[الرعد]

الي اعرفه ان سعر الفل اوبشن .. 149000 ..

ياليت تعلمنا اي فرع رحت يا كحيلان

[رونالدينهووو]

وانا رحت لــــ تويوتا فرع المروج
ودخلت للكراج وشفت الالوان كلها

وقالو لي 149.500
مائة وتسعة واربعون الف وخمسمائة ريال فقط لاغير
وتبيني اعطيك اسم عميل خدمة العملاء ماعندي اي مانع

[المسـافر]

تورط كحيلان خخخخخخخخخ


لا يا شباب سعر السيارة تقريبا 150 الف ريال وراح يرتفع الى 156 ألف في السنة القادمة ...

[دمع العينين]

سعر السياره 147500 انا حجزتلى سياره00000
بس احتمال كبير يرتفع اذا كثر الطلب عليها0000
زي ماصار مع الافالون انا ماخذها 116000 الدفعه الاولى2006
والحين سعرها 123000 مع اضافة التضليل والبلوثوث000

[هادي جدا]

جنوط غيرو بلوتوثو وجود 14 سماعة (في العادي 8 سماعات)و وسادتين هوائية اضافيه وكاميرا خلفيه
شاشه فيها نفقيشن

[بولافي]

المشاركة الأصلية كتبت بواسطة دمع العينين

سعر السياره 147500 انا حجزتلى سياره00000
بس احتمال كبير يرتفع اذا كثر الطلب عليها0000
زي ماصار مع الافالون انا ماخذها 116000 الدفعه الاولى2006
والحين سعرها 123000 مع اضافة التضليل والبلوثوث000

الان هي بـ 117000 بفرع الشرقيه مع توفر اللون الؤلؤي

يعني نزل من سعرها 3000 تقريباً

تحياتي