[اسلم]

السلام عليكم

متى يتم تغيير فلتر القير والبواجي والسيور والفحمات ؟


ابي عمرها الافتراضي حتى ولو لم يظهر اي خلل

[أسير كامري]

أخوي لعلك تراجع كاتلوج السيارة فهو الأفضل والأضمن في إفادتك . .

تقبل مروري . . أخوكـ / أسير كامري

[أبوسعــد]

البواجي من سته شهور إلى سنه
زيت القير له خمس سنين في سيارتي ماغيرته والحمدلله مافيه أي مشاكل
واذا جاه نقص لاسمح الله أزيده بقدر النقص فقط لاغير

بالنسبه للسيور واضح شوف السير من الداخل اذا كان متآكل غيره

وشوف سير الدينمو وسير المكيف وسير المكينه

[الـ م ـصرقع]

السلام عليكم..

من خلال تجربتي راح أقولك..

طبعاً بالبدايه سيارتي كامري..يمكن تفرق اذا سيارتك غير لكن غالباً نفس الشيء..

فلتر القير تغيره اذا حسيت فيه مشكله بالتعشيق من الفاضي للأول أو من الـ n للـ D..

والبواجي اذا حسيت عزم السياره خف..وبدت تنتع عليك وانت تمشي..

والفحمات اذا بدا يطلع صوت مع البريك .. تصفير او صوت كأن السياره تحك..

والباقي مادري عنه للآن ^.^

أرجو اني افتدك..

تحياتي...

[اسلم]

الله يعطيكم العافية جميعاً

[كروز]

السلام
من خبرتي
1- البواجى كل 60 الف
وبخصوص الكزس يوجد بواجي عمرها 25 الف كيلوا رخصه و يوجده بواجى عمرها 100 الف كيلوا وهذى غاليه
2- زيت القير كل 40 الف كيلوا و فلتر القير كل 80 الف
3- السير كل 100 الف كيلوا
4- الفحمات على حساب رجلك اذا انت حار او سياقتة هادية يعنى لو كنت حار يبغالك كل 6 شهور اما اذا كن هادئة يمكن حتى سنتين ماتغير فحمات
اذا سويت هذى الامور باذن الله سياره تدوم عندك

[عجزت اسجل]

السلام عليكم:
بالنسبه للاشياء الضروريه اللي يجب الاهتمام فيها بشكل دوري
*البواجي وفلتر البنزين وفلتر الهواء.. مابين/30 ألف ك---60 ألف ك
*زيت وفلتر القير للقير الاوتوماتيك ... مابين/ 30 ألف ك---40 ألف ك*****""ضروري تغيره لسلامه القير""
*الفحمات الاماميه تنتهي قبل الخلفيه لان الضغط عليها اكثر واذا انتهت تطلع صوت ويجب تغيرها او تغيرها قبل عمرها الافتراضي مابين/ 20ألف ك--40 ألف ك على حسب استخدامك للسياره بعض الناس 20 وبعضها 50.
*الفحمات الخلفيه اذا انتهت تطلع صوت ويجب تغيرها او تغيرها قبل 30 الف ك--60ألف ك....ايضاً على حسب استخدامك للسياره
*السيور اذا السياره فيها عده سيور فيجب تغيرهن كل سنه مثلاً مع دخول الصيف اما اذا السياره سير واحد فقط كبير فتغيره مابين 50 ألف ك ---75 ألف ك
والله اعلم

[أنتْ عُمرِي]

مشكورين على التوضيح الجميل