[الكورولا مووووت]

السلام عليكم كيفكون اخواني شباب انا بعد فتره يمكن أركب شاشه وجناح فأبيكم تفيدوني عن سعر الجناح المصبوغ مع التركيب بكم وهل في محل يبيعه في الهفوف وبكم سعره في الوكاله وهل يهتز مع المطبات ولا لا وهل يبقى ثابت ولا لا؟ وبالنسبه للشاشه أنا ودي بشاشه فيها بلوتوث وتشغل mp3 وصور وفيها كاميرا عند الرجوع للخلف وتشغل mp4 ودي في دي اللي عنده علم عن سعرها ومكان يبيعا في الهفوف يقول لي وهل بيركبها على نفس الوايرات ولا بيرهم لها وإذا برجع المسجل القديم يركب بسهوله ولا كيف؟ الله يعافيكم وكم سعرها واللي عنده صوره يحطها لي لاهنتو ومشكورين حبايبي

[ملامح مجهول]

ماعندي خلفيه يفيدونك اهل الأحساء

تحياتي

[# الساحوت #]

بالنسبه للجناح نصيحه لا تركب
ترى بي خرم الشنطه ويمكن ما يضبط
وبانلسبه للشاشه
فيه الشاشه حقت مهام الجزيره مع الكميرا بي 2800 ريال
واتوقع انه بدون توصيلات جديده
وإذا كان بدون توصيلات جديده راح يكون ترجيعه سهل وبسرعه

[الكورولا مووووت]

طيب انا ودي بشاشه بنفس المواصفات أو بعضها بسعر 1500 وين أحصلها وأتوقع خطير مركب شاشه بنفس المواصفات بس بسعر رخيص بس في الرياض ومشكورين على الردود

[# الساحوت #]

فيه بس بدون ملاحه
تحصلها عند محلات الزينه

[كورولا كوكو]

هلا الكوروا موت .............

شف الجناح مثل ماقال اخوي الساحوت الشنطة بتتخرم انا ركبتها بالرياض عند العلوان وماضبطها والشارع الملكي بالاحساء الصراحة زفت وتركيبهم لاشياء العادية زفت زفت الا اذا بتروح محل دايموند يمكن يضبطونك واى مسجل من الزينة لازم يسلخ وايراتك وهذا يمكن يحدث لك تشويش ولتماس صحيح بيتيبة بس حلات الشي وكاااااااااااااااااااالة انا سلخت من قبل وايرات الهرن من الشارع الملكي الزفت وويرات الريموت عندما غيرته نفس الشي عندما اردت ان ارجع هرن لوكاله صار عندي التماس ورحت للمحل وقال رح عند ذاك الكهربائي بكل برود بقيت اقتله وتميت على الكبس لين رحت الرياض


وانصحك اذا بتركب ركب شي عدل ولا لاتركب انا قلبت سيارتي من مطور الى فل كامل

بالنسبه للشاشة ارجع لموضوعي على هذا لرابط
شاشة مهام الجزيرة وصلت ... الان بالصور ..ارجو التثبيت ( حصرياً )

[الكورولا مووووت]

مشكور أخي على الإفاده