[محتار دلوني]

مساكم الله بالخير ....


سؤالي ...

ممكن احد يعطيني الفرق في المواصفات بين :

G2 دفع رباعي ... قير اتوماتيك

Vx1 دفع رباعي .... قير اتوماتيك



************************************************** ***

وبصراحه .... انا كنت ناوي اشتري ... G2 دفع رباعي ... قير اتوماتيك ..

لكن الزملاء مانصحوني به لانه 4 سلندر ... يقولون ان عزمه يكون ضعيف ...

وبصراحه انا احتاجه للمناطق الجبليه المرتفعه ( مسفلته ) في الجنوب ....

فهل راح يجملني G2 ويطلع المرتفعات بدون اي مشاكل ؟يعني ما يكون ثقيل ...

وبالنسبه G2 افضل بدبل ولا بدون ؟؟؟ بالنسبه لمثل حالتي ...

شاكر ومقدر للجميع سلفا ...

ولكم تحياااتي

[الحسن القاضي]

الفرق واضح وشاسع ولا مقارنة بين النوعين

VX قوة المكينة 4000 سي سي
GX قوة المكينة 2700 سي سي
وهذا الفرق يكفيك ...

بالنسبة لك ولمنطقتك يناسبك VX وترى المكينة نفس مكينة GXR لاندكروزر.
أما القير فأنا أرى أن القير الأوتوماتيك هو الأقوى ويعطيك عزم غير طبيعي
وأنا جربته في مرتفعات الشفا وجبالها المسفلتة والردمية .

[ع.ع.ع]

اخوي الحسن القاضي ..
انت قلت انه نفس مكينت اGX-R لكن ,,
انا اللي اعرف انه زي مكينة GX ,,,


فما ادري هل هذا الكلام صحيح او لا .........

تحياتي ,,,,,,,,

[جنوبي وجنوني]

المشاركة الأصلية كتبت بواسطة الحسن القاضي

الفرق واضح وشاسع ولا مقارنة بين النوعين

VX قوة المكينة 4000 سي سي
GX قوة المكينة 2700 سي سي
وهذا الفرق يكفيك ...

بالنسبة لك ولمنطقتك يناسبك VX وترى المكينة نفس مكينة GXR لاندكروزر.
أما القير فأنا أرى أن القير الأوتوماتيك هو الأقوى ويعطيك عزم غير طبيعي

وأنا جربته في مرتفعات الشفا وجبالها المسفلتة والردمية .

واضح وشاسع مقول غير الله يهنيك في الستة سلندر بس يخوي مو لذي الدرجه انك تسب الاربعة سلندر وعلى فكره مو كل موضوع تشبهون مكينة الفورتشنر بمكينة الاندكروزر يا اخي في فروقات كثيرة منها عدد الاحصنة وطرمبة البنزين والجبركس والدفرنس وتوصيلات الكهرباء واشياء كثيرة .. ولو مكينة الفورتشنر بنفس المواصفات ما راح يوصل معاك تسارع الاندكروزر 160 يعني في ناس تفكر وتعرف وش تحط من مواصفات ولا يتقارن نهائي الفور بالاند ولا بالبرادو ولا حتى بالفي جي وقسم بلله لو بشري سيارة اكثر من 100 الف ما راح اشري سيارة تانكي البنزين صغير ولا هي مريحه وتنسيم بالقزاز والمكيف الخلفي الي مدري وشلون جاي ولا فرارات المكيف كانها غسالة ملابس جاي تقلي ما في مقارنه رجا لا تخدش او تجرح من يمتلك الاربعة سلندر ولو تبي مقارنه صدقني الدفع الثنائي اذا انت ماشي بسرعة 190 فهو سيكون بجانبك الدفع الرباعي الاربعة سلندر اذا انت ماشي سرعه 160 فصدقني سوف اكون بجانبك واذا بتقارن بالتسارع فان الستة سلندر سوف يتجاوز وبكل سهوله الاربعة سلندر واذا كان يوجد مرتفعات فصدقني سوف توصل انت الاول ولا كن سوف اكون خلفك بفارق بسيط ولا كن انا وافلان لا نريد التسارع نريد المشي بهوانا الستة يوصل 190 ويفصل الاربعة سلندر الدفع لخلفي او الثنائي يوصل 190 ويفصل يعني الفورتشنر الاربعة سلندر مناسب لسعره بس الستة سلندر بسعره يوجد المازدا الجديد جدا روعه يوجد يوكن اقل نوع يوجد سيارات جدا ممتازة تستحق تدفع فوق 100 الف اما ادفع فوق الـ 100 الف في سيارة لا تحمل اي مواصفات سلامة متكامله ولا رفاهية ولا راحه. اخي على فكره سعر البرادو الان الجي اكس 3 مثل سعر الفورتشنر الستة سلندر لماذا نفس السعر ومكينة الفورتشنر اقوى لان مواصفات البرادو من سلامه وراحه ورافاهية متوفره ... يا رجال بن نجران طلب الفروق ما طلب انك تنزل من قيمة الاربعة سلندر تعال الطعوس انت والستة قسم بلله واناواثق من كلامي لطلع طعس ما تطلعه .. بس لكي اثبت ان الاربعة سلندر مو مهزله ولا هي سيارة خسارة ان احد يمتلكها بسعرها المناسب ؟ واي استفسار عن الاربعة سلندر انا حاظر لجميع من يريد من الاخوان الاستفسار عنه حتى لو يبي اثبات انا حاظر .

ـــــــــــــــــــــ_____________ــــــــــــــــ ـــ

نرجع ونقول يا هلا وسهلا باهل الكرم والجود والشهامه بهل نجران
اخي الاربعة سلندر جدا ممتاز ولاكن لا انصحك به لانك تطلب العزم في الطلوع هو يوصلك لمرادك ولا كن رغبتك الواضحه في موضوعك لن تشبعك مع الاربعة سلندر الاربعة سلندر يصلح بالمناطق الساحليه والشمالية والوسطى اما الجنوبية ففيه ثقل خاصه بمروحة المكينة لا تفصل وتكون مزعجة نوع ما وذلك لسبب قلة الاكسجين بالمرتفعات اما الدفع الثنائي فهو اخف ولاكن والله لا اعلم عن عزمة بالمناطق الجنوبيه واذا انت ما تقدر على شراء الستة سلندر فالاربعة سلندر جدا جميل ومناسب خاصة الدفع الثنائي لانك ذكرت للمناطق الجبليه المرتفعه ( مسفلته ) في الجنوب واعتقد بانك لا تحتاج الا الدبل فتوكل على الله اذا انت رايق وهادي ولا لك في التسارع والقومات؟
واي استفسار انا حاظر حتى لو ما فهمت شي من كلامي مستعد اعيد لك ؟

وتقبل مروري
ورجا يا اخوتي لا احد يزعل مني الستة سلندر له ناسة والاربعة سلندر له ناسه

[أبـــو عـــزام]

وش فيك أخوي جنوبي معصب

أنا أقول نفس مكينة اللاندكروزر والبرادو والإف جي

=================================

أكيد أخونا صاحب الموضوع يقصد مواصفات غير المكينه مثل المواصفات الداخلية والاكسسوارات الخارجية

بالتوفيق للجميع


سلام

[فورتشنرفورسلندر]

وأخيراً لقيت أحد يدافع وبقوه عن الاربعه سلندر
بيض الله وجهك اخوي جنوبي وكلامك في محله

يكفيني في الاربعه سلندر شيئ واحد انه اقتصادي

ويامحتار
انصح بالاربعه سلندر في المدينه وفي البر اذا طلعاتك قليله ترا ماعليه كلام

اما راعي البر والي يداوم في الربع الخالي فأكيد انصحه بالسته سلندر

[جنوبي وجنوني]

المشاركة الأصلية كتبت بواسطة أبـــو عـــزام

وش فيك أخوي جنوبي معصب

أنا أقول نفس مكينة اللاندكروزر والبرادو والإف جي

=================================

أكيد أخونا صاحب الموضوع يقصد مواصفات غير المكينه مثل المواصفات الداخلية والاكسسوارات الخارجية

بالتوفيق للجميع


سلام

هلا اخوي ابو عزام الله يعطيك العافيه والله مو زعلان واخي الحسن عزيز وغالي واذا انه زعل مني فارجو السموحه بس ما وضع القسم الا لتعم الفائده لمن اراد الستة سلندر او الاربعة سلندر وليس للمقارنه والنفور وكان الاربعة سلندر ليس بفورتشنر ؟

[جنوبي وجنوني]

المشاركة الأصلية كتبت بواسطة فورتشنرفورسلندر

وأخيراً لقيت أحد يدافع وبقوه عن الاربعه سلندر
بيض الله وجهك اخوي جنوبي وكلامك في محله

يكفيني في الاربعه سلندر شيئ واحد انه اقتصادي

ويامحتار
انصح بالاربعه سلندر في المدينه وفي البر اذا طلعاتك قليله ترا ماعليه كلام

اما راعي البر والي يداوم في الربع الخالي فأكيد انصحه بالسته سلندر

ليه اخي فورتشنر بلعكس الاربعة سلندر جدا جدا مرغوب ومالي الشوارع ولله الحمد ..وله ناسه ومحبيه والدفع الخلفي (الثنائي) انتشر انتشار عضيم وصار اكثر من الدفع الرباعي لخفتة وقوة عزمة بحيث انه اقوى من البرادو الاربعة سلندر والفورتشنر الدفع الرباعي واخف وصدقني يقارن بعزم السيارات ذات سعة مكينة 2400 ومشاء الله عليه واذا هو مريحك وعاجبك ما لك في احد وطنش تعيش تنتعش

[أبـــو عـــزام]

على فكرة يا جماعة

ما أحد عاب الأربعة سلندر أبداً وهو سيارة بحق ومنتشر إنتشار عجيب بما أني في جدة فإني أراه بكثرة سيارات التكسي مع القليل من المبالغة.. لكني رأيته في الطعوس (الرياض) بصراحة لازم تشب على الموتر شوي يعني ما ترحمه وبيمشيك غصب.

وهناك شخص أشترى هايلكس (دبل) 2008 يقول في تجربته أنه لازم تمشي في الرمال بالدبل الثقيل أما الدبل الخفيف ماينفع لأنك إذا حطيته بالثاني يطيح عزم الموتر ويكاد يتوقف حتى ترده نمره رقم 1

ولنكن صريحين أكثر هل سنشتري السيارة من أجل تدميرها سواء 6 أو 4 سلندر!!

أنت من يقرر وأنت من يختار وأهل مكة أدرى بشعابها وأنت أدرى بما ينفع لك

والأفضل من ذلك كله التجربة

لكن الحق يقال من عنده إستطاعه يشتري 6 سلندر فهو أفضل

ليس للربع الخالي أو القوة فقط

بل لعدة أشياء ومنها ميزة (قفل الدفرنس الخلفي)

وهي جداً ضرورية ولا تقدر عند الحاجة بأي ثمن من الأثمان

============================

الكلام كله يدور حول إذا أردت أن أدفع مبلغ وقدره في سيارة فلماذا لا أزيد المبلغ قليلاً وأشتري 6 سلندر

قد يقول البعض (ما تفرق من ناحية السيارة) أهم شيء تمشي

وقد يقول البعض (ما تفرق من ناحية الفلوس) مقابل زيادة بعض المواصفات والقوة

ولولا أختلاف الأذواق لبارت السلع

المهم هنا أن نعرف أن الفورتشنر 6 سلندر إذا كان يتحمل الكرف والتبذير في استهلاكه فـ 4 سلندر مثله تماماً

الفرق فقط في أشياء سبق ذكرها تعود للمستهلك الكريم

====================================

وإذا سألنا الجميع أيهما أفضل Vx أو Gx فماذا ستختارون

أو إذا سألنا أيهما أفضل بالنسبة للبرادو Vx أو Gx

صدقوني الاختيار لن يكون لمجرد قوة المحرك فقط لأنه لو كان على قوة المحرك فقط فهناك أناس يكفيهم محركات ديزل وأنا مقتنع بذلك

الله يوفق الجميع

سلام

[محتار دلوني]

الله يعطيكم العافيه جميع ...

كفيتوا ووفيتوا .... واشكر كل من شارك في الموضوع ... سواء مؤيدي الاربعه او السته سلندر ...

اما بالنسبه لي فانا من اهل السواقه الراكده جداً .... ولا اعرف الجكر ولا السباق .... ولا التطعيس ... وفي اسوء الحالات وانا مسافر ومستعجل لا يمكن اتجاوز 120كلم .... اما اذا كان معي عايله مستحيل اتجاوز 100 كلم ...

وبالنسبه للي ما بشتري الفورتشنر ...الا عشان مناطق ديرتي العاليه جداً ... وكما ذكرت لكم ان الطرق مسفلته ...


الشور الأخير :
هل gx2 يوفي بالغرض في الطلوع والنزول ... بدون ثقل او اي مشاكل اخرى ؟؟؟

واسف لتكرار السؤال .... مع الشكر لكل من شارك .... تحياااتي

[الحسن القاضي]

هلا بالجنوبي بولد العم وتراني جنوبي وقلبي يسع 100 فورتشنر

شف ياطويل العمر بالنسبة لعدد الأحصنة الاندكروزر gx 340 حصان
والفورتشنر 335 حصان ....فهل هذا فرق يذكر؟؟؟

بالنسبة للفورتشنر 6 سلندر فقوة 4000 سي سي لايستهان بها
ولا نستطيع مقارنتها مع 2700 سي سي فهذا سيصبح من الظلم والإجحاف .

كما أني لم أقلل من قيمة الفورتشنر 4 سلندرات ولكن الرجل يسأل عن أيهما أقوى؟؟

فلو سألناك أنت ياصديقي وقلنا لك أيهما أقوى :

فورتشنر 6 سلندرات أو 4 سلندرات ؟؟؟؟ فماذا ستجيب؟؟؟

هذا ماكنت أقصده ويعلم الله أن صدري ينشرح يوم أشوف فورتشنر يخطم من قدامي

حتى لوكان 3 سلندر

وصدقني أحس إن ظبيان يفز قلبه يوم يشوف فورتشنر جنبه في الإشارة ..

وترى (ظبيان)هو اسم سيارتي ...

[كماري كشميري]

مشكوووووووووووووووووووووووووووووووووووووووورين
على النقاش الجميل وانا اول المستفيدين لاني ناوي واحد قريب ان شاءالله