[تيتو الحربي]

السلام عليكم ورحمة الله وبركاته ..

أنا عندي كامري 2006 وناوي أعدل فيها شوي ..

أول شي الجنوط ودي أغيرها ومحتار فيها وأبالي جنوط تكون مقاس 16 وقلت أشوف رايكم في جنوط الـ Es 2006 مدري والله هي 16 ولا يتهيألي , المهم حبيت أشوف أرائكم ..

ثانيا في شي منرفزني واللي هو النسافات ( اللي ورا الكفرات ) ودي أشيلها بس مدري كيف يطلع شكل السياره وقلت بشوف الفيابر حقت الـ Es2006 اللي تجي في الصدام اللي ورى من تحت واللي في الجوانب ومدري تركب ولا لا ..

وثالث شي ودي أهبطها بس بقص اليايات نص من ورى ونص من قدام ومدري كيف تطلع السياره ( مع العلم إني ما أباها تنطنط ) وكيف لو قصيت نص من ورى وحده كامله من قدام ..


على العموم أتمنى منكم يا خوان إنكم تفيدوني واللي عنده شي لا يبخل علينا ..

ومشكووووورين مقدماً ..

[المسـافر]

اذا بغيت جنط حلو ركب من جنوط الزينة اللي في شارع الغرابي ......
صحيح ان جنط الـ Es مقاسه 16 بس صغير وغير كذا عليه علامة لكزس ....

اما موضوع قص اليايات مالها داعي لأنها راح تضر السياره .....

[تيتو الحربي]

مشكووور يالمسافر ..

طيب اذا بغيت اقص من اليايات نص من ورى ونص من قدام مدري وش يكون ضررها ..

والجنوط تكفون يا أخوان قولولوي وش أحلى جنوط عليها بس تكون مقاس 16 ..

ومدري يا شباب الفيابر وش اركب وايش رايكم في فيابر السبورتيفو ..


تكفوووون فيدوني يا اخوان ..

[جيجار]

أنا كان عندي كامري 2003 قصيت اليايات نص قدام ونص وراى .. أول مامسكت خط سويت حادث !!

والحين عندي النترا 2002 !! وماعاد أقص السيارات من بعدها !!

[تيتو الحربي]

هلا أخوي جيجار ..

مدري أخوي ما أظن التهبيط هو سبب الحادث ..

كثير أشوفهم مهبطين وعادي ماشي معاهم السياره ..

بس قلي أخوي نص من ورى ونص من قدام كيف السياره تمشي عادي ولا تحك مع المطبات ..

[عاشق الكمر]

وصيتي أخوي .. أترك سيارتك على وكالتها لا تلعب فيها ..

أولاً .. راح تتعبت بالخرابات .. ثانيا .. بتطيح سعر السيارة عند البيع أذا كنت ناوي تبيع

بأختصار .. أترك سيارتك مثل ماهي .. أذا بتحط شي .. ظلل و بس أو لبس المراتب جلد

و الله أنا نصحتك .. عاد أنت و ضميرك

[حالو]

والله انا مع راى عاشق الكمر بس اذا انت معزم هبطها من الخلف شوى بتصير متساويه ويكون شكلها ارتب شوى ومن ناحيه الجنوط انا اقول تركب 17 يكون شكله احلى من 16
وبالنسبه للنسافات لا تشيلهم بعد ما تركب الجنط 17 راح يتغير شكل السياره من الخلف انا عارف ايش اللى منرفزك