السلام عليكم ورحمة الله وبركاته...
اخوي برادو برادو عندي نصيحة لوجه الله ...
اولا ما شاء الله السيارة توها جديدة, والى الان لم ينتهي ضمان الوكاله...
طبعا معرف لدى وكالة عبداللطيف جميل (تصريف) العميل , حيث اذا عندك مشكلة في السيارة قاموا يصرفونك اما يقولون شي طبيعي او يقولون هذا في كل السيارات...
فانا انصح اخوي انك توديها عند ورشة ممتازة واكرر ممتازة...
صحيح انت بتقول وشلون اوديها لورشة وسيارتي جديدة والضمان مع الوكالة لازال ساري...ولكن اقولك اخوي ان الوكالة ما خذين فيها مقلب للاسف, وممكن انك توديها للوكالة عشان صوت المكيف ويخربون شي ثاني لك , بس الورشة غير ,عشانك معه وجالس فوق راسة وقبل لا يسوي اي شي في السيارة بيقولك انا بافك كذا وبغير كذا اما الوكالة ما تدري عنهم...
تجربة شخصية : انا معي سيارة موديل 2005 وفيها صوت عندما الف بالداركسون يمين او يسار , وديتها لهم وعلمتهم المشكلة,, طبعا السيارة جلست عندهم اكثر من ثلاث ايام ويوم جيتهم بعد 3 ايام قالوا لي السيارة المهندس جربها و ما فيها شي 
... طبعا عند الوكالة ما تنفع تكون حبيب , قمت سويتلهم زحمة وتهاوشت معهم وثم جابوا كاميرا وصورو السيارة وسجلوا الصوت وقالوا نبي نرسل الصوت لمدينة جدة... وبنعطيك خبر
طيب وشلون قبل شوي تقولون ما فيه صوت والحين طلع
,, طبعا هذا يدل على فشل الوكالة...
طبعا المثل يقول (الحق الكذاب لين باب بيتهم) قلتلهم طيب ارسلوه وانا بنتظر
بعد يومين قابلت ولد عمي وهو يشتغل عند تويوتا ... قال يا محمد نصيحة لوجه الله لا تخليهم يعبثون بسيارتك تراني شغال معهم واعرفهم,,, يجلسون يعبثون في السيارة وبدال ما يصلحون يخربون واذا صلحوا اللي تبيه تلقاهم خربوا شي ثاني..( طبعا ولد عمي هذا يشتغل عندهم تطبيق حيث انه يدرس الكلية التقنية.. يعني يشتغل عندهم في ورشتهم وليس في مكتب),, بعد سماعي لهذا الكلام وديتها عند ورشة تماااام وشتغلوا فيها صح والحمد لله صلحت وللعلم ان الوكالة ما اتصلت على الى لحضة كتابة الرد ,, اي قبل اكثر من 3 شهور (اول الاجازة الصيفية)...
بعد هذا الكلام الطويل اتمنى اخوي تستفيد من تجربتي وخل عنك الوكالة وشغلهم الفاشل وودها عند ورشة ممتازة اكرر ممتازة ...
اتمنى لك التوفيق اخوي ....
المواضيع المتشابهه للموضوع: برادو ومشكله صوت عند تشغيل المكيف 
