[البشار]

السلام عليكم
يا أخوان أنا عندي لاند كروزر موديل 93 وراحت علي المكينة بسبب الحرارة والآن هي بالورشة ويقول المكنيكي يبغالها توضيب
المطلوب منكم المشورة تعلمون التوضيب يكلف مبلغ قالو ناس خذ مكينة من التشليح أفضل وش رأيكم أوضب أو أخذ مكينه وش أفضل مكينه للاند أنا وجدت مكينه شاص 96 نضيف وشالفرق بين مكينة الشاص والصالون من ناحية الأداء والعزم هل مكينة الشاص أقوى علما أن الاند تبعي في إكس آر
الله يجزيكم خير

[تــ تيربوــــون]

مررررحبتي اخوي البشار

اول شئ الله يعوض عليك ان شاء الله

ثاني شئ

مكينة موووترك الاوله انجكتر والا كربريتر

لانه الشاص الى 99 مكينته كربريتر

والمعروف انه اللاند الاوتوماتيك يجيك انجكتر ولكن من موديل 95 يجي العادي والاوتوماتيك كلهم انجكتر.

فاذا مكينتك الاوله كربريتر فما راح يكون هناك مشكله ان شاء الله... لانهم نفس الشئ..

ولكن انصحك بتوضيب مكينتك الا اذا انت واثق من المكينه اللي راح تشتريها..

لانك بتشتريها بمبلغ يقارب مبلغ التوضيب....

والفرقث انه في حالة التوضيب بتجيك المكينه سامانها جديد يعني القزقيت جديد والهد محتوياته جديده ومثل هذا الكلام....

اما اذا انت واثق من المكينه اللي راح تشتريها فهذا كلام ثاني


واذا عندك كاش تركب مكينة جي اكس ^-^ فهذا ترتيب

الجي اكس مكينته اعتقد من اللـــ 12 الى الـــ15 الف مع التركيب

ولكن بتجيك مكينه صح ^-^ عزم وجباره ...

المهم اعتقد اني كثرت كلامه وهذره

هذا مجرد رأي وانت وشورك ....

ملحوظه:- تحمل انك تركب مكينة كربيتر مكان الانجكتر... ( اذا موترك اول انجكتر )



فمان الله

أخوك تون تيربو

[البشار]

جزاك الله خير ما قصرت والله وهذا كلام صحيح تعرف أن المكنيكي قال نفس الكلام التوضيب أفضل من الي ما تعرف عنه شي
بس أنا زي ما يقولون حاجه بحجه أبي أغير لشي أفضل بكثير عزم وقوة لأن الجيب تبعي معدل فيه أشياء كثيرة

[تــ تيربوــــون]

اها


قول كذا ^-^

اجل ما لك الا مكينة الجي اكس ويييييييييييو بتدعي لي ان شاء الله


وخصوصاً اذا كان موترك قير عادي.... ترى بتستانس...

والله يوفقك دايماً....

أخوك تون تيربو

فمان الله

[الـــديـــم]

السلام عليكم ورحمة الله وبركاته

الاند كروزر من 1992 الى 2006

ماتغيرت مكينته اللي هي 4500

بس الفرق مثل ماقال اخوي تـــ تيربو ــــون

هل هي كاربريتر او بخاخ************انجكتر

وبما ان سيارتك 93 فهو بالتاكيد كاربريتر

وشكرا للجميع

[بن قرناس]

انصحك بالتوضيب لانة اضمن
قبل فتر واحد من الشباب محتار مثلك وضب مكينة احسن لك

[تــ تيربوــــون]

مكينة الكرورز تغيرت في 98

نفس السعه 4.5

ولكنها بساتن ضغط عالي

وبخاخ اكبر

وانتيك اوسع

وهذا الي مخلي الجي اكس اقوى من الــــ 97

فمان الله

[بن قرناس]

بس فرق بين 98؟97 بسيط في العزم يمكن 97 يطوف 98
6 سلندر والتجربة خير برهان

[عسكـــــريم]

بن قرناس...ماظنتي ان الــ97 يطوف الــ98
اخوي قال نفس كلامك بالضبط عنده فيكسار موديل 97..وانا كنت احاججه بالكلام..وكنا واقفين عند اشارة مرورية
وسبحان الله وقف عندنا لاندكروزر الظاهر انه موديل 2001..طبعا مااعتقد انه يختلف عن الــ98
وقلت لأخوي يالله ورنا عزم الــ97 اللي عندك واطلع مع راعي الــ2001 ..
ساعة مافتحت الاشاره صارت رجل راعي الـ2001 حاره و فز علينا وتعدانا سيارة ومن بعدها سيارتين وسار عنا الى مسافة 3 سيارات..الى ان وقفنا بعد اشاره ثانيه
مع ان موتر اخوي والـ2001 توماتك
عقبها اقتنع بكلامي..

[تــ تيربوــــون]

هههههههههههههههههه


اصلاً ما في أمل

شفت الفرق بين الجمس العادي والجمس ضغط عااااااااااالي ^-^

الــ 97 اذا هو فلتر هدرز يمكن يصف جمب الجي اكس

ياااااااااااااا هوا

المهم

تامروووووووووووو شي

في امان الله

وسلامتكم

[الـــديـــم]

اذا كان 97كربريتر مايطلع على 98 ابدا

بس لو كان 97 بخاخ راح يطلع على98

لان في جيوب 97 بخاخ

[تــ تيربوــــون]

في في... بخاخ

الـ في اكس آر والـ في اكس من موديل الــ 95 الى الــ 97 بخاخ ....

اما الجي اكس آر فانه كربيتر

اما اذا كان جير اوتوماتيك فراح يكون بخاخ

لانه وارد اللاند من موديل 1992 الى 97 جير اوتوماتيك ترى مكينته بخاخ.... سواء كان في اكس او جي اكس آر....



وسلامتكم....