[سلطان بني خالد]

إخواني السلام عليكم ورحمة الله وبركاته....... وش رايكم بسعر لكزس 460 اذا صار سعرها 300000 هل تستاهل هذا السعر مقارنة بالمرسيدس

[المسـافر]

طبعا تستاهل ....... لأن الحجم والمواصفات متقاربة معها.

وبعدين فئة الـ 8 سلندر من البي أم و المرسيدس والأودي سعرها فوق الـ 300 ألف ريال .. فليش نستكثرها على اللكزس .....هل لأنها يابانية الصنع !!!!

بالعكس الياباني حاليا يتفوق على الألماني في عدة اشياء.... منها التحمل او ( الكرف ) ....

[كــل الــغــلا]

تستاهل ... بكل تاكيد

انا كنت في جده ... قبل اسبوعين من الان
ورايت لكزس ال اس 460
في معهد عبداللطيف جميل للتدريب المستمر ... في بريمان
وذلكـ لتجربتها .. ورؤية تهيؤها لمناخ المملكه


وبصراحه تصميم رائع جدا .. وثوب جديد للكزس من الخارج
والداخل قريب من الحالي الان

الى انه هناك بعض الاضافات ..

الا وهي تدفئه المقود .. بحيث تنسى اللسع يوم تمسك الدركسون فتره الظهيره ( معاناه والله )
ونظام التحكم الرباعي للمكيف ..
ونظام جديد على كل السيارات .. بما فيها الالمانيه .. الا وهو ناقل الحركه الذي يتكون من 8 سرعات
وهو اول قير 8 سرعات في العالم ...
وتبقى شامخه ايتها الحالمه لكزس


وهناك بعض المواصفات الاخرى .. مثل :

الدي في دي للركاب الخلفيين
وشاشه الملاحه
ونظام تكييف مستقل لكل راكب
19 سماعه من ارقى الشركات
ونظام جديد في المسجل .. يحفظ لك حوالي 400 اغنيه
وفتح الشنطه واغلاقها بلمسه زر
وقوة 380 حصان

وش رايك اخوي سلطان بن خالد ماتساوي 300 الف ريال !!!؟

[جنون السرعة]

أطلع على هذا الموضوع ..
مقارنة : "لكزس-ال اس 460" تـــســـتـــهـــدف "مرسيدس-بنز اس500" مـــرة اخـــرى !

شيء آخر .. فيه مواصفات لا حصر لها .. مثل نظام السلامة الإستباقية الذي يعدل على "مساند الرأس" في حال تحسسه لخطر إصطدام خلفي .. و النظام يتكون من أجهزة إستشعار في الصدام الخلفي ..

أيضاً نظام التنبيه عند مغادرة الطريق , و هو يعمل عندما تقوم السيارة بالخروج عن الحارة/السيد التي تسير عليه بدون إستخدام إشارات الإلتفاف , يقوم حينها بتنبيه السائق عن طريق تحذير صوتي ..

غير هذا توجد كاميرا مثبتة على المقود تقوم بدراسة تقاسيم وجه السائق , فإذا كان غافل أو ناعس تقوم بتنبيهه عن طريق هز الكرسي خفيفاً ..

القائمة تطول جداً ..

لكن انا شخصياً اعتقد أنها تستاهل مايدفع لأجلها ..

[كــل الــغــلا]

جنون بعد كل المواصفات هذي ..

تقول ماتستاهل !!؟


غريب امركــ ياصاحبي !!

[سلطان بني خالد]

اولا اشكركم على المرور....... لكن الالماني سياره عريقه واقدم من الياباني وذ متانه وقوه في البدي والماكينه والامان..... وعلى فكره كان معي 400مديل 99 لاحظت عندما اكون مسرع واضغط على الفرامل فجاه يتحول الثقل على امام السياره فما بالك لو كانت السرعه 140 وجاك وقوف مفاجأ هل تتوقعون السيطره على السياره مثل الالماني .... بأمانه

[المسـافر]

انت قلتها موديل 99 ....الوضع الحين تغير ...!!!

السيارات اليابانية في تقدم وتطور سريع ( اسرع من الألماني والامريكي ) ...... في الثمانينات كانت السيارات اليابانية ولا شي .... (يعني بالعربي حالها حال الكوري الحين) ....وفي التسعينات تغير الوضع و طلعت لها مكانة في عالم السيارات.....

الخلاصة :
ان السيارات اليابانية الحين مثل الألمانية .... وبعد فترة قصيرة راح تكون افضل من الألمانية .....
ياليت لو تغيرون نظرتكم لها .


وانا معك ان الألماني وخصوصا المرسيدس مشهور بقوة الفرامل و الوقوف المفاجيء ... بس الحين اللكزس تغير .... عموما انت اصبر وشف اللكزس على الطبيعة واحكم هل تستحق السعر او لا ...

[راعي الهمر]

والله تستاهل عشان انها من شركة تويوتا

[عسكـــــريم]

انا من ناحيتي اشوف الالماني افضل من الياباني من ناحية المواصفات والشكل ومساحة الداخلية للركاب..
اما من ناحية التحمل والكرف اشوف الياباني افضل..
انا لاحظت على لكزس خاصة في الـes والـgs ان المساحة الداخلية للركاب ضيقه والسقف نازل (ياإني اعاني من طولي اذا ركبت اللكزس ) بعكس الالماني
اما من ناحية السعر فهو ارخص من الالماني..
واتمنى ان اللكزس 460 الجديد يكون من داخل بحر مثل الالماني ومواصفاته تغطي عليه

[بو سعود]

والله بمواصفاتها هذي تستاهل
الا اذا بوجميل بيشيل المواصفات وبيخلي السعر طبعا لا

[سلطان بني خالد]

احد يعرف سعرها

[ل ك س]

سعرها 320000ريال هل ترون السعر مناسب .

[سلطان بني خالد]

انا ما اشوفه مناسب ....يا اخي اشتر مرسيدس فئة 350 افضل وأرز وأرسى بالخط واقوى بدي

[بن قرناس]

صح لسانك مابعد المرسيدس سيارة
اقوى
اسرع
ارسى
ارز

[المسـافر]

المشاركة الأصلية كتبت بواسطة سلطان بني خالد

انا ما اشوفه مناسب ....يا اخي اشتر مرسيدس فئة 350 افضل وأرز وأرسى بالخط واقوى بدي

مين اللي قال ارسى !!!!

بالعكس انا اشوف اللكزس ارسى ..... وغير كذا اللكزس 8 سلندر و 350 S ( ستة ) سلندر .....

واللي اهم من هذا كله ان اللكزس ( 8 ) تعشيقات ....يعني مافيه مقارنة لا من المواصفات ولامن القوة .....

ويكفيك ان اللكزس 460 هي الـ Top في الشركة ... يعني اذا سقتها تحس ان نظرة الناس لك ok .....

اما المرسيدس لااااا الـ 350 فوقها 500 وفوقها 600 .... وفوقهم الـ Cls وفوقها Cl وفوقها Sl ...يعني كل مااشتريت نوع تلقى نوع اعلى منه ....