[ابو عبيدان]

قبل فترة سمعنا ان الهلي 2006 احترقت 11 هلي 2006 في وداي الدواسر فقط بس وين راحت باقي الهليات اللي في العالم ليش ماحترقت اكيد ان الهليات اللي احترقت بفعل فاعل وهذا اللي صار ماخرب سمعة الهلي ابد ثانيا سالفة ان الهلي تايلندي ياليت كل اللي يقولون الكلام هذا يروحون اقرب ورشة ويسألون لاني انا سويت كذا رحت اكبر ورشة سيارات تويوتا بالرياض وسألت عن الهلي 2006 وقلت للمكانيكي وش رايك بالهلي 2006 قالي والله افضل نوع نزل للهلي اللي موجودة الحين الهلي 2006 وقال بعد الى الان ماجانا ولاهلي 2006 يشتكي منها وسألت عن صحة الكلام ان الهلي 2006 تايلندي قالي انت عاشر واحد يجي يسألني السؤال هذا وقال الهلي 2006 كل قطع غياره ياباني والمكنية اللي عليه ياباني وقال اذا مو مصدق امشي اوريك قطع الغيار كلها مكتوب عليها ميد ان يابان المهم وسألته عن القير اللي يقولون ان قريب جدا من الارض قالي الهليات اللي قبل كلها نفس مكان قير الهلي 2006 يعني ماعليها اشكال وقال بعد انها محمية بقووووة يعني مستحيل يجي صخر ويخربها اما الحين احب اقول للي قالو الاشاعات هذه يكفي كذب ونصب ياخي اذا انت ماتقدر تشتري هلي 2006 خلاص اسكت مانبي بربرة زايدة ويكفي اني شايف قدام عيني هلي 2006 خليجي قام على هلي غمارة 2005 شد بلد كلهم يعني مافي مقارنة بين الهلي 2006 و الهلي الضعيفة 2005 وتحياتي

[موسى السميري]

كلامك صحيح ياغالي "One handred percent" تدري وشالسالفه قبل شهرين طلعت للوكاله اسألهم طبعا مارحت حق واحد من المصاريه او الأجانب اللى هناك للأن مثل ابخص... رحت لواحد من الإدارين سعودي شباب جلس وسألته عن الهايلوكس ليه تايلنديه وليه مكتوب عليها ميد ان تايلند؟ جلس يبتسم قالي شف ياغاليه كثير من الناس روجو اشاعه ان السياره مصنوعه كليا في تايلندا وهي في الحقيقه مجمعه فقط خذ بالك بس التجميع هناك قلت ليه ماجموعها كلعاده في اليابان قالي الأخ الأيدي العامله والمساحه لتركيب وانتاج سيارات في اليابان صار مكلف غير كذا عندهم انواع ثايه من السيارت في الأنتظار يقول نقلت جميع القطع السياره هناك وتم تجميعها فقط.... وكبر مثال الجهزه الكهربائيه ولا اقولك شوف الاب توب مكتوب عليه ميد ان ماليزيا وجميع القطع يابانيه وكلام اصلا بالياباني.. واغلب الأحيان الدوله المجمع فيها تقوم بوضع لمسه على المنتج ...يعني شوفوني سويت شئ!!

[عـــــاشـق الــلا نـدكروزر]

تسلم أخوي على الموضوع

وهذا الكلام اللي أقوله دائماً أنه تجميع تايلندي والقطع ياباني

أما أخوي موسى أخوي أنا دائماً أسمع أنه مكتوب ميد ان تايلند؟
لكن اخوي وين مكتوب بالضبط

[الـــديـــم]

تكتب بالورقة البيضاء الملصقة بالقزاز الايمن الامامي

وغالبا ما ننزع الورقة هذي بعد شراء السيارة

************ ما ادري فهمتو مني شي احس اني قاعد اخبص

هههههههههههههههههههههه

ولكم جزيل الشكر

[ابو عبيدان]

مشكورين على الردود الطيبة

[عـــــاشـق الــلا نـدكروزر]

مشكوور أخوي الديم والحين بروح أدور على الورقة

[ابو عبيدان]

هههههههههه الله يصلحك ياعاشق لاندكروزر لايهك الهلي 2006 ياباني ماعليك منهم

[عـــــاشـق الــلا نـدكروزر]

أصلاً أخوي أبو عبيدان
أنا لايهمني لأنه القطع يابانية إن كانت في اليابان أو تايلند
أهم شي القطع ياباني

[ابو عبيدان]

واهم شي انه هلي

[شفشينكــــو]

مشكور أخوي على الموضوع

وألحين تأكدنا أن الهايلكس 2006 ياباني أقصد تايلندي

[ابو عبيدان]

هذه مشكلتك يا شفشنكو حاقد على الهلي 2006 لانها اقوى من القديمة ولاني جبت دليل ان الهلي 2006 ياباني علشان كذا انت جيت قلت بردك اقصد تايندي ياخي ليش ماتعترف

[مازن عسيري]

الحقيقة الهلي 2006 ما تصلح على الاطلاق وصناعتها تايلندي واكبر دليل على ذلك الديكور الداخلي والمراتب كلها قطع مقلدة وتصميمها عشوائي وسيئة للغاية ، وهي كذلك تايلندي لان التصميم بشكل عام ليس هندسة يابانية والدليل على ذلك الشبه الكبير بين ذلك التصميم وتصيم الايسوزو الونيت المصنعة كذلك في تايلند فالصناعة في بلد معين لها بصماتها والشبه بين الماركات المختلفة ، خذا مثلاً الهايلوكس من 2005 وما دون يوجد بينها تشابه في التصميم والبصمة بينها وبين النيسان بيك أب على الرغم أنها ماركتين مختلفتين ، كذلك أدلل على كلامي هذا بسيارات النيسان التي تصنع في أمريكا فلها بصمتها التي تميزها عن السيارات التي تصنع في اليابان مثل الارمادا والمورانو والتي تشبه سيارات الفورد والجنرال موتورز ، يا اخوان الصناعة التي تكون في اليابان أضمن من غيرها من البلدان ولم تشتريها تبين انها جديده بعكس المقلدة 2006 الي يشكلها يعطي انها مصنوعة قبل خمسين سنة

[ابو عبيدان]

ياخي عندي خمسين دليل ان الهلي 2006 تايندي وعندي مقارنات تثبت انه افضل من كل الموديلات السابقة واولها الهلي 2005 اللي عجزت تجيب الهلي 2006 بالمقومات ويكفي انها اريح من الهلي 2005 وفي واحد يقربلي معه هلي 2004 يتمنى هلي 2006 ويقول لايهمك اللي يقول تايلندي اكيد مقهور وابوه عيا عليه يشتريله 2006 لانها قبل اسبوع صارت اغلى من 2005 لكثر الطلب عليها وخاااااااااااااااااااااااااااااااااااااااااااااااا ااااااصة الشباب حقين التطعيس والكشتات وبعدين اذا انت تقول تايلندي جب دليل مافي ولا واحد جاب دليل يثبت ان الهلي 2006 تايلندي بس انا جبت ادلة كثيرة على ان الهلي 2006 ياباني واولها قطع الغيار والمكينة وفي واحد يفهم اكثر مني ومنكم كلكم قال انها ياباني مهندس سيارات تويوتا عطاني اشياء تثبت انها ياباني قلت انا اخخخخ بس لو في واحد حاقد على الهلي 2006 يسمع ويشوف بعينه انه ياباني بس مافي امل تعترفون وقبل فترة كنت بالقصيم اللي اكثر مكان ينشر فيه الهليات بجميع انوعها لقيت الهلي 2006 منتشرة بشكل عجيييييييييييييييييييييب يعني بعد سنة سلملي على الهلي 2005 ونفس الشي بشارع الثلاثين بحي الربوة الشارع هذا معروف عند حقين الهليات نفس الشي صاير الهلي 2006 منتشر بشكل عجيييييييييييييييييييييب وبعدين لو انه تايلندي كان مامشى ولا كيلو واحد بس ماشاء الله شفت هلي 2006 ماشيا 19 الف كيلو نصها كانت بالدهناء ماصار فيها اي شي نهائيا يعني لو هي تايلندي كان خبطت عليك من اول كيلو صح ولالا بس ابغا كل واحد يقول ان الهلي 2006 تايندي يروح اقرب ورشة ويسأل عن الهلي 2006 ويقول وش صناعتها شف وش راح يكون رده عليك اكيد راح يقولك صاحي انت ولا تستهبل تويوتا يعني وش تبي تصير صناعتها اكيد ياباني بس في ناس روسهم يابسة مصرين على ام الهلي 2006 تايلندي لانها شقت وجه الهلي 2005 ههههههه مساكين

[الـــديـــم]

مايبيلها كلام الهلي تجميع في تايلند عشات العمالة ارخص

ولا الماكينة والقير والدفرنس ياباني

الكامري تصنع باستراليا وشوفو كيف ماشية

الكابرس يصنع باستراليا

السوبربان واليوكون بكندا موديل 2006 وتحت مادري عن 2007

الابيكا والاوبترا والافيو بكوريا

الايسوزو الديماكس بتايلند بس ماني متاكد

وقريبا الباجيرو بتايلند حسب كلام احد المنتديات

ولكم جزيل الشكر

[شفشينكــــو]

أهم شيء ال2006 موديل مزيف