صــور سيــارتي بعد تركيب لوحــات ملكيه ..

[فهد بن خالد]

بسم الله الرحمن الرحيم

سبحان الله وبحمدهـ عدد خلقه وزنه عرشه ومداد كلماته ورضا نفسه <***** كسبت اجر

ادري لي سنه غاثكم باللووحات الطوال ومسكت معي الا اركب لوحات ملكيه " طويله "

المهم واسهر هذاك اليوم لين الساعه 9 وادور لي احد يخاوي وكلن كرشني قال ماني بفاضي لك برمضان اروح بهالشماس قلت امري لله اروح لحالي

والله واروح وانتظر من 9 قالوا يفتحون 10 ونص قلت امري لله خل انتظر

واجلس من الفضاوهـ وافك لوحاتي واجلس اكلم ومتكي بالسياره وبهالبراد عاد فيه واحد كبير جلس يناظر مادري شيبي عشاني جالس اكلم هالصبح ياخي شفيها لو واحد يكلم الصبح !

المهم يوم جت الساعه 10 ونص وانزل ويجيني واحد يركض لي قال تسديد رسوم يالطيب

عاد انا ماواديهم ياشينتهم يشيخ قلق قلت ايه قال شتبي قلت لوحات طوال قال طيب اسددها لك بس تعطيني زياده 30 ريال قلت مهي مشكله شوي قال عليك مخالفات ؟ قلت ايه قال اسددهن لك قلت مامعي ببوكي الا 250 ريال ومخالفاتي فوق ال 300 اعتقد بروح للصراف اسددهن واجي

واطلع ولوحاتي جنبي بالمرتبه واروح لصراف واسددهن وطول الوقت امشي بدون لوحات جالس اتجول باحياء عليشه

عاد حسيت نفسي قوي ولا اشارهـ وقفت عندهـ تخبرون مافيه لوحات ولاشفت الاشارت وقفن مشيت المهم واسددهن

وارجع له قال خلاص اسدد لك قلت قبل لاتسدد خل اشوف زحمه ولا لا

واصعد فوق الا امه محمد كلهم يبون لوحات قلت ياليل اليل وارجع قلت اعطيك لوحاتي وتخلصهن لي واعطيك المبلغ الي تبي قال لا والله المعذره قلت طيب

وقفلت معي صايم وجوعان وعطشان وراسي صاكني قلت بلا لوحات بلا خرابيط خل امشي والله واشغل موتري واعطيه الدعسه بس التراكشن خرب علي الله يقلع بليسه عاد كل العالم يناظرون حسيت نفسي مراهق ومشيت من عليشه للروضه ولا دوريه وقفتني ورجعت للبيت

يوم جاء العصر واروح لمكتب قلت خذ لوحاتي طلع لي طوال قال خلاص هات 200 .. 100 لنا و 100 قيمه اللوحات وتستلمها بكرا قلت مهي مشكله

وارجع للبيت وتصير لي هذيك السالفه <***** الله وكبر يخوي ترى كلها مخالفه عدم تركيب لوحات

ومن بكرا خذيت لوحاتي ووديتهن لمحل حق خشب ونجاره وحدادهـ مادري وش يسمونه ويقصهن لي

وهذي عاد صورهن

<***** يرحم لي امك لاعاد تكتب لنا مقدمه











هذي هي اتمنى تعجبكم ايه على الطاري

قبل كم يوم جلست اتقاوم انا و ES فضي عاد مادري ليش نغزني قلبي احسه عضو هنا معانا مادري منه

فيكم احد تقاوم مع ES ابيض الي هو انا بالعليا العام وعلى طريق الملك عبدالله ؟

عاد انا اتكاثر بالعليا وبالروضه الي يشوفني يكبس لي كبستين ولا شي خلنا نسلم عليه

هذا موتري وهالحين صار مميز عن ال ESــات الثانيات لان لوحاتي طوال <***** تكفى يالي مركب لك هالحين جنط 26 DUB

[يازين الكزس بس]

ماشالله أخوي فهد والله طالعه حلوة

بس معليش عندي ملاحظه لو انك حاط الوحه لزق يكون أحسن

[تقدر تقول]

حركات يـ أبو خلود .. !

والله ما شاء الله طالعة هبال .. !

صح إنه باين إنها مقصوصة .. بس ما شاء الله تجنن ..

وأحس قمة الأكشن في قصتك الرائعة يوم يناظركـ هذاكـ اللي مدري وش يبي <-== سلامات ! خخخ

وصراحة عجبتني الحركة ..

والله يكون بـ العون

[فهد بن خالد]

المشاركة الأصلية كتبت بواسطة يازين الكزس بس

ماشالله أخوي فهد والله طالعه حلوة

بس معليش عندي ملاحظه لو انك حاط الوحه لزق يكون أحسن

حياك ربي على مرورك ..

بس مافهمت وضح اكثر

المشاركة الأصلية كتبت بواسطة تقدر تقول

حركات يـ أبو خلود .. !

والله ما شاء الله طالعة هبال .. !

صح إنه باين إنها مقصوصة .. بس ما شاء الله تجنن ..

وأحس قمة الأكشن في قصتك الرائعة يوم يناظركـ هذاكـ اللي مدري وش يبي <-== سلامات ! خخخ

وصراحة عجبتني الحركة ..

والله يكون بـ العون

فدييت عمرك والله ياعبوود اهم شي عجبتك

يارب تكونون كلكم مستانسين

[يازين الكزس بس]

اخوي فهد لزق شفه عند حقين الزينه يعني بدون مسامير مثل لوحتي :d

[افالون ابيض]

كفو والله كفو اللي لين صمل على شي بيسويه ...

بعدين ماشاء الله وشو له تبيعها؟؟<*****<*****وش يبي ذا ههههههههههه

الله يعطيك خيرها ويكفيك شرها...

بس من اللي قام انت والا الفضي؟؟ههههههه


يلا سي يو...

[محمد المرجوج]

ما شاء الله عقبالي بطلع لوحات طواال

بس المشكلة لوحاتي جديده

[بانوراما ابيض]

الف مبروك يامستر فهد بن خالد

[نصرنتوس]

ماشاء الله

الله يوفقكـ حبيبي ويطعمك من خيرها ويكفيك شرها

فيكم احد تقاوم مع ES ابيض الي هو انا بالعليا العام وعلى طريق الملك عبدالله ؟

عاد انا اتكاثر بالعليا وبالروضه الي يشوفني يكبس لي كبستين ولا شي خلنا نسلم عليه

هذا موتري وهالحين صار مميز عن ال ESــات الثانيات لان لوحاتي طوال <***** تكفى يالي مركب لك هالحين جنط 26 DUB

والله شف اذا انت راعي التحليه اكيد بشوفكـ

وش رايك تقاومني بس بس مهب بالـ460 ولاالـES بالارمادا قسم يافهد ان مايوقفنا الاقسم العليا والسليمانه

[فهد بن خالد]

المشاركة الأصلية كتبت بواسطة يازين الكزس بس

اخوي فهد لزق شفه عند حقين الزينه يعني بدون مسامير مثل لوحتي :d

والله راحت علي

المشاركة الأصلية كتبت بواسطة افالون ابيض

كفو والله كفو اللي لين صمل على شي بيسويه ...

بعدين ماشاء الله وشو له تبيعها؟؟<*****<*****وش يبي ذا ههههههههههه

الله يعطيك خيرها ويكفيك شرها...

بس من اللي قام انت والا الفضي؟؟ههههههه


يلا سي يو...

فديييتك بس يالتميمي .. وبخصوص من قام انا ولا الفضي والله ولا احد قام

اول مره نتفته كنت حاط وضع السبورت وبعدين صرنا مع بعض

المشاركة الأصلية كتبت بواسطة محمد المرجوج

ما شاء الله عقبالي بطلع لوحات طواال

بس المشكلة لوحاتي جديده

ازين وازين اذا لوحاتك جدد .. انا شايف ES لوحات جديده طوال هو الي حمسني اسويها

اللوحات الجديده الطوال بطلللللله على ال ES

المشاركة الأصلية كتبت بواسطة بانوراما ابيض

الف مبروك يامستر فهد بن خالد

الله يبارك فيك ياخوي <***** حسيت نفسي اني خاطب ولا معرس كلها لوحه

المشاركة الأصلية كتبت بواسطة نصرنتوس

ماشاء الله

الله يوفقكـ حبيبي ويطعمك من خيرها ويكفيك شرها



والله شف اذا انت راعي التحليه اكيد بشوفكـ

وش رايك تقاومني بس بس مهب بالـ460 ولاالـES بالارمادا قسم يافهد ان مايوقفنا الاقسم العليا والسليمانه

ارمـادا والله بنتفك سلام سلام

طيب اسمع الارمادا وش لونه ووش لوحته ومركب له جنط ولا لا

وال ES بعد لونها اسود لكن وش لوحتها

شف موتري هذا هو فوق وانا دايم بعد تلقاني بهمــر اسود H2 جنط نيكل وكبوس فوق وكبوس على الكبوت ومضلل اذا شفتنا ولا شي عطني خبر خل نسلم عليك

[نصرنتوس]

ارمـادا والله بنتفك سلام سلام

طيب اسمع الارمادا وش لونه ووش لوحته ومركب له جنط ولا لا

وال ES بعد لونها اسود لكن وش لوحتها

شف موتري هذا هو فوق وانا دايم بعد تلقاني بهمــر اسود H2 جنط نيكل وكبوس فوق وكبوس على الكبوت ومضلل اذا شفتنا ولا شي عطني خبر خل نسلم عليك

الارمادا لوحتها اب ن 3939 اسود 2008 جنوطها شد بلد

الـes ى م ك 350 اسود

ومرات بتلقاني بجمس اصفر شنابر <*****

هذي صورته




عند الفيصليه ترانا دايم والتحليه

بس اسأل قبل انت نصرنتوس يمكن مااكون معه والايكون الجمس مع اخوه

وتجلس تستملح ثم يجلدك
وبخصوص الهمر راعيه اسمه مشعل ؟؟؟

[فهد بن خالد]

المشاركة الأصلية كتبت بواسطة نصرنتوس

الارمادا لوحتها اب ن 3939 اسود 2008 جنوطها شد بلد

الـes ى م ك 350 اسود

ومرات بتلقاني بجمس اصفر شنابر <*****

وبخصوص الهمر راعيه اسمه مشعل ؟؟؟

تمام خلاص حفضت لوحتك ابن 3939 ويمك350 <***** ماكانه يقراهم فوق

خلاص انت احفظ لوحتي وص س 292 وان شفتني عطني خبر خلنا نسلم عليك

والهمر لا مو راعيه مشعل

[حدث خطأ]

المشاركة الأصلية كتبت بواسطة نصرنتوس

الارمادا لوحتها اب ن 3939 اسود 2008 جنوطها شد بلد

الـes ى م ك 350 اسود

ومرات بتلقاني بجمس اصفر شنابر <*****

وبخصوص الهمر راعيه اسمه مشعل ؟؟؟

ي م ك 350
دااايم اشوفها بس مني متأكد من اللون

[نصرنتوس]

تمام خلاص حفضت لوحتك ابن 3939 ويمك350 <***** ماكانه يقراهم فوق :d

خلاص انت احفظ لوحتي وص س 292 وان شفتني عطني خبر خلنا نسلم عليك :d

والهمر لا مو راعيه مشعل :d

هههههههههههههههههههههه اهم شي بس انك حفظتها

وان شاء الله اول مااشوفك ابد ابشر بالبثاره والتكبيس

ي م ك 350
دااايم اشوفها بس مني متأكد من اللون



وانا دايم في تركي الاول وابو شرين:d

اذا ايام الدراسه فأنت تشوفني عند جامعة الملك سعود وعند خدمات الطالب وذوليك الحوسه

واذا ذا الايام عند ماك اللي قدام الجامعه وتعرف الخرابيط اللي هناك

[حماده ص ط س]

ماشاء الله تبارك الله بس باين انها مقصوصه
ليش es الوحيد فى لكزس ماتركب لوحات طوال

[نصرنتوس]

ماشاء الله تبارك الله بس باين انها مقصوصه
ليش es الوحيد فى لكزس ماتركب لوحات طوال

ادري اني ملقوف

الله يسلمك تركب قدام لكن ورى ماتركب لان اللوحه الطويله تجي اكبر من المكان المخصص للوحه اللي ورى

وبخصوص ليه الوحيده اذا موغلطان الـGS بعد اللوحه اللي قدام اذا صارت طويله

تأثرعلى الحساسات شي زي كذا فيه موضوع لعضو في قسم الـGS يتكلم عن هالمشكله

[ملك الالماس]

ماشاء الله ..

الموتر طالع جننان ..

بالنسبة للي تتقاوم معاك هذا أنا خخخخخخخخخخخخخخ <***** امزح

يعطيك خيرها ويكفيك شرها

[فضي]

مبروووووووك حلوه مشاء الله ... انت البارح كنت بحوسه التحويلات والحفريات بطريق الملك عبدالعزيز من جهه الدائرى الشرقى اذا اهو انت كنت اقول ليه مايغسل سيارته الحبيب ))) صح ولا غلطان انا

[فهد بن خالد]

المشاركة الأصلية كتبت بواسطة نصرنتوس

هههههههههههههههههههههه اهم شي بس انك حفظتها

وان شاء الله اول مااشوفك ابد ابشر بالبثاره والتكبيس

اذا ايام الدراسه فأنت تشوفني عند جامعة الملك سعود وعند خدمات الطالب وذوليك الحوسه

واذا ذا الايام عند ماك اللي قدام الجامعه وتعرف الخرابيط اللي هناك

زين تماام ان شاءالله نشوفك بالجامعه <***** كليه الاداب

المشاركة الأصلية كتبت بواسطة حماده ص ط س

ماشاء الله تبارك الله بس باين انها مقصوصه
ليش es الوحيد فى لكزس ماتركب لوحات طوال

والله علمي علمك حياك ربي على مرورك

المشاركة الأصلية كتبت بواسطة نصرنتوس

ادري اني ملقوف

الله يسلمك تركب قدام لكن ورى ماتركب لان اللوحه الطويله تجي اكبر من المكان المخصص للوحه اللي ورى

وبخصوص ليه الوحيده اذا موغلطان الـGS بعد اللوحه اللي قدام اذا صارت طويله

تأثرعلى الحساسات شي زي كذا فيه موضوع لعضو في قسم الـGS يتكلم عن هالمشكله

ايه ولد عمتي معه gs ونفس المشكله

المشاركة الأصلية كتبت بواسطة ملك الالماس

ماشاء الله ..

الموتر طالع جننان ..

بالنسبة للي تتقاوم معاك هذا أنا خخخخخخخخخخخخخخ <***** امزح

يعطيك خيرها ويكفيك شرها

آمين وياك يارب

شاكر لك مرورك حبيب البي

المشاركة الأصلية كتبت بواسطة فضي

مبروووووووك حلوه مشاء الله ... انت البارح كنت بحوسه التحويلات والحفريات بطريق الملك عبدالعزيز من جهه الدائرى الشرقى اذا اهو انت كنت اقول ليه مايغسل سيارته الحبيب ))) صح ولا غلطان انا

اييييييوهـ كنت هناك انا .. وياخي متعيجز اغسلها وقسم كل ماجيت اروح لمغسله اقول خلها بكرا بس

[عا لكزس ـشق]

فهيد احلى صووووووووووووور فديتك هالله هالله بالجنس الناعم <== خربهاا